ANA SƏHİFƏ / YAZARLAR

Aqil ABBAS: GÖRÜRSƏN QATAR GƏLİR, KEÇMƏ DƏ!

28528    |   2020-07-01 09:00
Şriftin ölçüsü:
A+ Böyütmək
A+ Balacalaşdır

Rəhmətlik Habil Əliyevin məşhur bir lətifəsi var, həmin lətifəni təkrar etməkdə fayda var.

Əbülfət Əliyevin bir qohumunu qatar vurubmuş, sənət dostları, Habil Əliyev də onların içində olmaqla, yığışıb gedirlər Ağdama yasa. Babat da yağış yağıbmış. Kəndə gedəndə maşın batır, məcbur olurlar ki, düşüb itələsinlər.

Təkərin altından çıxan palçıq Habil Əliyevin üst-başını batırır.

Habil müəllim üstünün palçığını təmizləyə-təmizləyə hirsli-hirsli deyir:

- Rəhmətliyin oğlu, - nəsə ağır bir söz demək istəyir, görür Əbülfət durub yanında sözü fırladır; - görürsən qatar gəlir, keçmə də, başına dönüm.

İndi korona da həmin qatardı. Özü də düz gəlmir ey, köndələninə gəlir, qabağına keçəni silib-süpürür. Köndələn gələn karona qatarından özümüzü qorumalıyıq, yolunun ağzına çıxmamalıyıq.

Amma biz bu məsuliyyəti hiss eləmirik . Özü də bizdən nə tələb olunur: özümüzü qorumaq! Bunun üçün də maska taxmaq, ara məsafəsi saxlamaq , sanitar-gigiyena qaydalarına əməl etmək və vacib olmadan evdən çıxmamaq. Bu, çox çətindimi?

Hər gün oxuyuruq ki, karantin qaydalarını pozduğuna görə nə qədər adam cəzalandırılıb: 1000-1500, nə qədər adam inzibati məsuliyyətə cəlb olunub. Bir sözlə, Qərargah nə qərar çıxarırsa, yenə öhd olmur. Və nəticədə hökumət məcbur olub cəzaları sərtləşdirir və cərimələri artırır. Cərimələrin artırılmasına da təbii ki, insanlar etiraz edirlər.

Dostum, necə deyərlər, qırmızı işıqda keçmə, cəriməni ödəmə də!

Cərimə olunmaq istəmirsənsə, sosial şəbəkələrdə söyüş yazmaqdansa qanunlara əməl et, qanunlara tabe ol.

Belə bir söz var ki, Çingiz xan deyib: «Bir mıx bir nalı, bir nal bir atı, bir at bir igidi, bir igid isə bir ölkəni xilas edir».

İndi özünü qoruyan balalarını qoruyur, ailəsini qoruyur. Balalarını, ailəsini qoruyan qohum-əqrəbasını qoruyur, qohum-əqrəbasını da qoruyan kəndini-kəsəyini, elini-obasını, millətini qoruyur.

Pandemiya zarafat götürmür, lağlağı götürmür .

İndi nə qədər insan xəstələnməlidir ki, nə qədər insan ölməlidir ki, siz buna inanasınız və özünüzü qoruyasınız?!

Görürsüz karona qatarı gəlir, özü də köndələn gəlir, keçməyin də başınıza dönüm, yolu keçməyin!




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2020-07-12
2020-07-11


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.89%)
Pullsuz (11.11%)

ÇOX OXUNAN
GÜNÜN LƏTİFƏSİ

Siyasətçi ilə dolu bir avtobus seçki kampaniyası üçün kənd-kənd gəzirlərmiş. Avtobus böyük bir fermanın yanından keçərkən avtobus sürücünün diqqətsizliyindən dərəyə aşır.

Fermer qaçaraq gəlir və gecə qurda-quşa yem olmasın deyə cəsədləri basdırmağa başlayır.

Ertəsi gün polis sorğu üçün fermaya gəlir.

Fermerdən soruşur:

- Deməli, avtobusdakı bütün siyasətçiləri basdırdın. Hamısının ölü olduğundan əminsən?

Fermer cavab verir:

- Bəziləri yaşadıqlarını iddia elədilər, amma siyasətçiləri bilirsiniz də, necə yalan danışırlar. Amma məni aldada bilmədilər.




digər lətifələr
ARXİV
FACEBOOK