ANA SƏHİFƏ / ƏDƏBİYYAT

Arzu Əsəd: AZƏRBAYCANIM

27267    |   2020-05-28 17:21
Şriftin ölçüsü:
A+ Böyütmək
A+ Balacalaşdır














Hər adın çəkiləndə gözlərim yaşla dolur,

Bağrım təlaşla dolur, ürəyim daşla dolur ,

Könlüm, hissim, xəyalım, ruhum savaşla dolur,

Savaş, Azərbaycanım, savaş, Azərbaycanım!


Yeri, göyü tutalar, kimlər, kimlər olalar,

Onlar Allahdılarmı səni məndən alalar ?!

Sümüklərdən nərdivan, kəllələrdən qalalar-

Ucal, sevdalarına ulaş, Azərbaycanım!


Bu da bir tarix idi ,saf oldun, aldatdılar ,

Vətənini böldülər, torpağını satdılar,

Püskürməzdin bəlkə də, yerindən oynatdılar,

Təlaş, Azərbaycanım, təlaş, Azərbaycanım !


Deyil keçmişlərində, deyil dastanlarında,

Tarixlər zəncirlənib yatmış aslanlarında,

Biz şəhid becəririk sevda bostanlarında,

Gül aç, Azərbaycanim, gül aç, Azərbaycanim!


Mən o namərd düşməni qanına bələyəcəm,

Ulduzları göylərdən başına ələyəcəm,

Parlaq ehtişamını tarimar eləyəcəm,

Qoymayacam daşının üstdə daş, Azərbaycanım!


Qazanmalısan, qazanacaqsan bu savaşı,

Bax, şəhit qanlarıdır üfüqlərinə daşır...

Sən odlar torpağısan, al geyinmək yaraşır,

Bulaş düşmən qanına, bulaş, Azərbaycanım!


Sevdanın ən gözəli, ölümün ən şirini,

Tarixin ən ulusu, idrakın ən dərini,

Qaldır dalğa və dalğa insan kütlələrini,

Çağla, çırpin, çalxalan, coş, daş, Azərbaycanım!


Yavrum, təkmi qalmısan meydanların içində,

Ey səadət mələyim, şeytanların içində,

Ey nur, ey işıq seli qətranların içində,

Parla, işar, alış, yan, günəş Azərbaycanım!


Sən əcdadın uyuyan hər qarış məkandasan,

Uğruna can verməli bir müqəddəs andasan,

Əbədiyyət sevdalı əlli milyon candasan,

Birləş, Azərbaycanım, birləş, Azərbaycanım!




İmza:
SON XƏBƏRLƏR
2020-07-11
2020-07-10


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.89%)
Pullsuz (11.11%)

ÇOX OXUNAN
GÜNÜN LƏTİFƏSİ

Siyasətçi ilə dolu bir avtobus seçki kampaniyası üçün kənd-kənd gəzirlərmiş. Avtobus böyük bir fermanın yanından keçərkən avtobus sürücünün diqqətsizliyindən dərəyə aşır.

Fermer qaçaraq gəlir və gecə qurda-quşa yem olmasın deyə cəsədləri basdırmağa başlayır.

Ertəsi gün polis sorğu üçün fermaya gəlir.

Fermerdən soruşur:

- Deməli, avtobusdakı bütün siyasətçiləri basdırdın. Hamısının ölü olduğundan əminsən?

Fermer cavab verir:

- Bəziləri yaşadıqlarını iddia elədilər, amma siyasətçiləri bilirsiniz də, necə yalan danışırlar. Amma məni aldada bilmədilər.




digər lətifələr
ARXİV
FACEBOOK