ANA SƏHİFƏ / YAZARLAR

KORONANIN DÜŞÜNDÜRDÜKLƏRİ - Seyfəddin Altaylı yazır

36193    |   2020-05-08 13:18
Şriftin ölçüsü:
A+ Böyütmək
A+ Balacalaşdır

"Ən mükəmməl ədalət vicdandır”.

Victor Hugo


Çindən yayılan korona virus silahsız-sursatsız dünyanı əsir elədi, həm də nə əsir...

Bu olay yaranandan bəri deyilə bilər ki, hər gün düşündüm, düşünürəm. Bu bəla görəsən insanlığı, niyə insanlıq deyirəm ki, zalımları, qansoran kaftarları mənəvi yöndən narahat edəcəkdirmi, onları bir an üçün də olsa əlbətdə varsa, vicdanlarının səsinə qulaq asıb indiyə kimi gördükləri əməllərin pis olduğunu fikirləşməyə vadar edəcəkdirmi, öz-özlərini danlayacaqlarmı, təkrarən bu cür zalımlıqları edəcəklərmi! Düzünü deyim heç ümidim yoxdur!

Birinci və İkinci Dünya müharibələrini çıxaranlar, on milyonlarla insanı vəhşicəsinə qətlə yetirənlər, milyonlarla ocağı söndürənlər, işlədikləri bu cinayətlərin bəşər əxlaqına zidd olduğunu əsla fikirləşmədilər. Fikirləşsəydilər, Birincidən dərs alar və İkinci Dünya Müharibəsi yaranmazdı. Hər iki hərb də ancaq müstəmləkəçilik uğrunda yeridilən siyasətlərlə başladı və nəticədə milyonlarla uşaq yetim və ögsüz, milyonlarla gəlin dul, milyonlarla gənc nakam qaldı. Bunlara səbəb olanlar yalnızca bir şeyi fikirləşdilər, daha çox müstəmləkə, daha çox soyğun, daha çox qan?!…

Amerikanın məxfi təşkilatı dünyanın harasında ağcaqanad uçsa ondan xəbərdardı, ancaq nə hikmətdirsə, əkiz qüllələrin təyyarələrlə yerlə yeksan edildiyi olaydan xəbər tuta bilmədi! Buş günah keçisini o saat tapdı.

Səddamın əlində nüvə silahları vardı, o terroristdi və İraq xalqı diktatura ilə idarə edilirdi. İraq xalqı azad edilməliydi. 20 Mart 2003-cü il tarixində general Tommy Franksın rəhbərliyindəki vəhşi Amerika ordusu "İraqı azad etmə" adıyla ölkəni işğala başladı. Gecələri partlayan bombalara baxıb sevinən amerikalı jurnalistlər "Bizimkilər atəşfəşanlıq edir!" - deyə göylərə tullanırdı.

Təqribən qırx xristian ölkəsi Amerikaya dayaq oldu, onları dəstəklədi. İraqın şimalında yaşayan yazıq kürdlər duza getməyə başladılar.

Onlar zənn etdilər ki, Amerika onlara dövlət yaradacaq, hər şeylərində azad olacaqlar, digər kürdləri də birləşdirib böyük bir dövlətə çevriləcəklər!!! Kabab iyinə getdilər, ancaq gördülər ki, eşşək dağlanır.

Çünki qərblilər tezliklə yüyürüb Bərzani və Talabani tayfalarının olduğu yerlərdə buruqlar vurub nefti daşımağa başladılar. Bilmirəm, bunlar vəhşi imperiyanın bir oyuncağı olduğunu başa düşdümü!

Qərbin kaftarları İraqa doluşdu, muzeylər, evlər, insanlar qarət edilməklə bitmədi, milyonlarla müsəlman ərəbin namusuna toxunuldu. Mövhum olan müsəlman dünyası isə çadranı başına çəkib qulaqlarına pambıq təpdi, nə zorlanan yazıq qadınların naləsini eşitdi, nə söndürülən ocaqlar üçün səsini yüksəltdi.

Allahın ən sevimli qulu Hz. Məhəmmədə olmazın işgəncələri edən, onun əhli-beytinə hər cürə alçaqlığı rəva görən ərəb dünyası, güclü Amerikanın qarşısında siçana döndü, onlar nə dedilərsə, nöqsansız yerinə yetirdilər, neçə-neçə bazalar qurmalarına imkan yaratdılar.

Sonra ayrı bir müstəmləkəçi Rusiya işə daxil oldu. Hələ Sovetlər Birliyi dövründən əlaqə yaratdığı Suriyada Əsəd rejiminə özünü dəvət etdirdi, eynilə bir vaxtlar Qırmızı ordunu ölkəsinə dəvət edən Babrak Karmallar və... kimi... Rus ordusu gedib Suriyada yerləşdi, ancaq Suriyanın İsrail tərəfindən vurulmasına əsla səsini çıxarmadı, Əsədin öz xalqından milyonlarla insanı həlak etməsinə nəinki səs çıxardı, rus qüvvələri onlardan da artıq yazıq Suriyalı ərəblərin başına bomba yağdırdı, şəhərlərini, kəndlərini yerlə yeksan etdi. Ruslara görə dinc ərəblər terrorist idi?!

Deməyə nə hacət, bu kaftarların xisləti belədir, bunlar insan qanıyla bəslənən vampirlərdir. Qulaq asdıqları musiqi də zorlanan qadınların hayqırtısı, atası-anası gözünün qabağındaca güllənənən, başı kəsilən uşaqların naləsi, öz od-ocağından didərgin düşüb ah-naləsi ərşə çatan insanların fəryadıdır.

Birdən Çində bir virus törədi və bu gözə görünməyən varlıq həmin imperialistlərin ölkəsinə hücum çəkdi, qurunun oduna yaş da yanar misalı günahı olmayan ölkələrə də, Türkiyə, Azərbaycan və bunlar kimi ölkələrə də yoluxdu.

Kainatın gözü qabağında kaftarlar Əfqanıstanda, İraqda, Suriyada, Afrikada, Yəməndə milyonlarla ocaqları söndürərkən kara, kora, lala dönən xristian dünyası birdən oyandı və virusun səbəb olduğu ölümlərə çarə tapmaq üçün canfəşanlıq etməyə başladı.

İşğala uğramış bölgələrdən milyonlarla insanın qanını töküb ocaqları söndürənlər özlərindən 15-20 min insan cəhənnəmə vasil olan kimi virusun bəşəriyyəti məhv etdiyini anlamağa başladı. Demək onlara görə insan yalnızca xristianlardır, bu vampirlərin vətəndaşlarıdır. Onlara görə, BMT və onun yançı qurumlarından ancaq öz mənafeləri üçün istifadə edən bu dövlətlərin vətəndaşları insandır, digərləri isə insana oxşayan varlıqlardır. İşğala uğramış Əfqanıstanda, Suriyada, İraqda, Yəməndə ocağı dağıdılan insanlar Avropaya getmək üçün Ağdənizi, Egəni keçməyə çalışdılar. Minlərlə qadın, uşaq, qoca dənizdə qərq olub dünyasını dəyişdi, bəzilərinin meyidi sahillərə vurduqda bəşəriyyət dinmədi. Yunanıstandan keçib Avropaya getmək istəyənləri Yunan dövləti güllələdi, bombaladı, vaxtı keçmiş və yasaqlanmış qaz bombalarını təpələrinə yağdırdı, İtaliya dənizdəcə onların qabağını kəsdi. Avropa Birliyi o saat yığışıb Yunanıstana milyarda yaxın avro məbləğində köməklik yolladı, kürəyinə əl çəkib "əhsən!" - dedi. Merkelin bəyanatını xatırlayaq...

Türkiyə 1993-cü ildən bəri ölkəyə sığınan məzlum ərəblərə, kürdlərə 40 milyard dollardan artıq pul xərclədi. Avropa Birliyi isə söz verdiyi halda, NATO-da müttəfiqi olan Türkiyəyə yardım etmək bir tərəfə ağılsız kürdləri qışqırdıb İsrailin forpostu olacaq dövlətin qabağını Afrin, Barış Çeşməsi kimi hərəkatlarla kəsdiyindən Türkiyəni qınadı, çünki onlar bu dövləti yaratmağın, İranı, sonra da Türkiyəni bölüb parçalamağın və buralardaki sərvətlərin soyulmağını fikirləşirdilər ancaq. Bütün bunlar xristianların insanla, insanlıqla bağlı xarakterinin iç üzünü açıb ortaya tökür.

Milyonlarla iraqlı, suriyalı, əfqanıstanlı, yəmənli vəhşicəsinə qətlə yetirilərkən tükünü tərpətməyən bu məxluqatlar özlərindən yüz minə ancaq çatmış insan o dünyalıq olunca birdən oyandılar, çünki iynənin ucu bir balaca özlərinə toxundu.

Bəs, Çinə 18-ci yüzillikdən bəri işğal etdikləri Şərqi Türküstanda əgər yüzillər boyu soyqırım törətməsəydi, bu gün Uyğur Türklərinin sayı 100 milyonu ötərdi. Çinin əsarətində bu gün düşərgələrdə, dustaqxanalarda minlərlə uyğur soydaşımız işgəncələr altında nalə çəkməkdədir. Bir sözlə, Çin ilə nə Amerikanın, nə Rusiyanın, nə İngiltərənin, nə Fransanın nə də digərlərinin hər hansı fərqi yoxdur.

"Pisliyin əvəzi misli ilə pislikdir. Hər kim haqsızlığa məruz qaldıqda ona haqsızlıq edəni bağışlayarsa, Allah onun mükafatını verər.

Şübhəsiz ki, Allah zalımları sevməz. "Şura” surəsi 40".


Seyfəddin Altaylı,

Ankara,

altaylı[email protected]



İmza:

YAZARIN ARXİVİ

2020-01-10 : HAYDUTLAR
2019-02-26 : SALAMLARLA
2018-06-01 : SON ZƏNG
2018-04-28 : YALANÇININ ŞAMI
2018-02-24 : TARİXİ ADDIM
2017-10-21 : NƏ YAZIM?
2017-03-10 : XOCALI-DӘNİZLİ
2017-03-04 : XOCALI-DӘNİZLİ
2016-12-17 : Etimad, kimə???
2016-11-12 : TANRININ DOSTLARI
2016-09-24 : Salam, Dostlar
2016-05-28 : ATA YURDUMUZDA
2016-03-05 : XOCALI HƏFTƏSİ
2015-12-30 : YENİ İL
2015-12-26 : BİZİM DÜNYAMIZ
2015-12-05 : KÜLƏK ƏKƏN...
2015-11-28 : ÜÇ GÖMRÜK
2015-10-31 : SEÇKİLƏRİMİZ
2015-10-17 : KÖÇÜMÜZ
2015-08-29 : ALTAYDAN QAFQAZA
2015-06-20 : KİMDİR QATİL?!
2015-06-06 : LÜKSEMBURQDAN
2015-05-02 : 24 NİSAN
2015-03-14 : 8 MARTIN ARDINDAN
2015-03-07 : XOCALINI ANLAMAQ
2014-12-27 : BODUN
2014-11-29 : XƏZƏRİN MEHİ
2013-10-26 : XƏYALİ
2013-10-05 : ZEHTABİNİ ANDIQ
2013-09-28 : SAĞ OL, BAKI
2013-08-17 : KEÇƏN GÜNLƏR
2013-08-03 : BELƏ DÜNYANIN
2013-03-30 : BAYRAMIN ƏZABI
2013-03-16 : XOCALI HƏFTƏSİ
2013-02-02 : ADIMIZLA BAĞLI
2012-11-21 : VAXT
2012-11-17 : VAXT
2012-09-01 : TİFLİS-BAKI
2012-04-07 : İNGİLİS OYUNU
2012-02-25 : XOCALI DƏRDİ
2011-10-29 : VƏHHABİLİK
2011-10-08 : VƏHHABİLİK
2011-09-17 : ELƏ GÜVƏNMƏK
2011-09-10 : ALTAY BİLİK
2011-08-13 : NƏJDƏT QOÇAQ
2011-06-04 : 28 MAYI ANLAMAQ
2011-05-28 : YALANÇININ ŞAMI
2011-04-16 : SİZ NƏSİNİZ?
2011-04-09 : ANA - OĞUL
2011-03-12 : ONLAR VƏ BİZ
2011-02-26 : XOCALI SOYQIRIMI
2011-02-05 : QURULTAYIMIZ
2011-01-29 : MAŞA SARKİSYAN
2010-10-30 : BAKI QEYDLƏRİ
2010-10-02 : AXTA-MAR
2010-07-10 : 35 QURUŞ
2010-05-15 : ZİDDİYYƏT
2010-04-24 : BAYQUŞLAR
2010-02-27 : TÜRKÜN ANALARI
2010-02-13 : ÇİÇİ
2009-11-27 : TÜRK MİLLƏTİ
2009-10-31 : BAYRAQ
SON XƏBƏRLƏR
2020-05-30
2020-05-29


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.23%)
Pullsuz (10.77%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK