ANA SƏHİFƏ / ƏDƏBİYYAT

Qəbrin nurla dolsun, ay Emin Piri! - Taleh Mansur yazır

16409    |   2020-05-01 10:27
Şriftin ölçüsü:
A+ Böyütmək
A+ Balacalaşdır

Mən bir Emin Piri tanıyıram: bəstəboy, yaylı-qışlı əyni yalın, saçlarına anadangəlmə çal düşmüş.Yox, yox, bu, siz tanıyan Emin Piri deyil. Mən tanıdığım Emin Piri şeir yazmır, sizin tanıdığınız Emin Pirinin yazdığı şeirləri həyat ssenarisinə çevirib bala-bala yaşayır özü üçün. Mənim tanıdığım Emin Piri hər gün dünyasını dəyişir. Başını aşağı salıb yaşaya bilmir sizin yaşadığınız dünyada. Öz dünyasına Adəm olmağa gedir. Darıxanda hər qabırğasından bir "Həvva" düzəldir özünə . Arabir bu dünyaya şərab içməyə gəlib-gedir, vəssalam. İçdiyi şərabdı, "zakuskası" da Hamınızı sevirəm" cümləsi.

Nəsimini soyan kimi soyur adamlar ürəyini. Nəsimini soyan kimi soyur kafelər, restoranlar, "pub"lar ciblərini. Mənim tanıdığım Emin Piri uşaqlar olan yerdə nəfəs almır. Uşaqların ciyərlərinə çatacaq havanı öz ciyərlərinə çəkməyi özünə haram bilir. Uçan quşların bir gün göy üzündən yıxılacağına inanıb əli ürəyinin üstündə, səksəkə içində yaşayır. Dişlərinin dibi gicişən bir quduz itə belə özünü dişlədə bilər. Yetər ki, quduz itin sevgidən uzaq düşmüş ürəyi rahat olsun. Medal, mükafat hərisi deyil. Ən böyük arzusu- bir şəhid sinəsinə sancılmağa hazırlaşan düşmən gülləsini ürəyinə bükməkdi. Ən böyük arzusu-günahsız uşaqlara tuşlanmış güllələri bir badə şərab kimi başına çəkməkdi. Bütün sevilməyən qadınları Məcnun kimi sevir. Evsiz-eşiksiz qadınlara bir otaqlı evdi. Bütün ağrılar ona sevilməyən və atılmış qadınlar qədər doğmadı.

Siqaretini kibritlə yandırmır bu yığvalıqara, saçını kirpiklərini ütə-ütə əyilib tonqaldan, ocaqdan yandırır. Darıxır tanımadığı adamlardan ötrü. Yüz il sonra dünyaya gələcək bir qızın acı taleyini ürəyinə dərd eləyir. Yad bir adamın qəbrinin üstündə hönkür-hönkür ağlaya bilir. Ağlamaq demişkən, adam səni dirigözlü ağlamaq istəyir, ay Emin. İçmə o zəkkum şərabı, çəkmə o zəhrimar siqareti, alma sinənə ağrıların hamısını. Tökmə gözlərindən bu dünyanın olan-qalan göz yaşlarını, bu qədər dərin yazma. Bizə də bir badə şərab, bir gilə siqaret, bir tikə ağrı, bir damcı göz yaşı, bir kəlmə söz saxla...

Nəfəsin kəsilsin, ay Emin, adamın nəfəsi çatmır səndən danışmağa. Sənin kimi adamları tərifləyib dağ başına qaldırmaq lazım deyil. Sənin kimi adamları ya asmaq lazımdı, ya da güllələmək. Haqq üçün, sənin kimi adamlar qəbir kimi daha çox sevimli olurlar. Ya Allah! Siftə məndən, hərəkət Allahdan: -Qəbrin nurla dolsun, ay Emin Piri!




İmza:
SON XƏBƏRLƏR
2020-05-28
2020-05-27


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.23%)
Pullsuz (10.77%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK