ANA SƏHİFƏ / YAZARLAR

Faiq QİSMƏTOĞLU: DÜYÜN

Yaxud yolun ortasına atılımış meyit

21740    |   2020-02-13 09:10
Şriftin ölçüsü:
A+ Böyütmək
A+ Balacalaşdır

(Əvvəli burada)

... Köməkçi dəstəyi telefonun üstünə qoydu:

- Kərimov, birinci katib sizi kabinetə dəvət edir - dedi.

Hakim qapını açıb içəri keçdi. Gördü ki, birinci katibin ovqatı o qədər də yaxşı deyil. Salam verdi. Qədim Əhmədov salamı ağızucu aldı. Və sonra da əsəbi halda dilləndi:

- Kərimov, sənin əlindən mən lap boğaza yığılmışam. A kişi, bu Bəhmənlidə baş vermiş cinayət işinin məhkəməsini nə qədər uzadacaqsan? Kabinetimdə otura bilmirəm. Bəhmənlilər və zərər çəkmiş tərəf Mərkəzi Komitəyə şikayəti şikayət dalınca yazır. Bu işi bitir, mənim də canım qurtarsın, prokurorun da, rəisin də. Özü də prokuror da, rəis də deyirlər ki, Kərimovun nə marağı varsa, bu işi uzadır...

... Hakim diqqətlə birinci katibi dinləyəndən sonra deyilənlərə fikrini bildirdi:

- Yoldaş Əhmədov, prokurorun və rəisin sizə nə dediyini bilmirəm. Bildiyim odur ki, mən hakimliyə başladığım ilk gündən bu günə qədər heç vaxt ədalətsiz hökm və qərar çıxarmamışam. Və bir də dahilərədən biri deyib ki, hakimin vicdanı onun Allahıdı. Mən də həmişə başımın üstündə Allahı, haqq və ədaləti görmüşəm...

Birinci katib deyəsən bir qədər yumuşaldı:

- Mən sizdən heç nə gizləmirəm. Prokuror Zeynalov və rəis Dadaşov deyir ki, müttəhimlərin bütün əməlləri dəlillərlə sübuta yetirilib. Sadəcə olaraq, hakim Kərimov onlara havadarlıq edir. Mən də deyirəm ki, əgər cinayəti o iki qardaş törədibsə və sübutlar varsa, tay məhkəməni bu qədər uzatmağa nə ehtiyac var? Prokuror dövlət ittihamçısı kimi cəza istəsin, siz də məhkəmənin hökmünü oxuyun. Gedin, onlara bir on iki, on üç il iş verin, bizim də canımız şikayətlərdən qurtarsın...

Birinci katibin bu fikirləri heç də hakimin xoşuna gəlmədi, heç gələ də bilməzdi. Günahı olmayan iki müttəhimə necə 13 il cəza vermək olar? Hakim Kərimov bir daha diqqətlə birinci katibə tərəf baxdı:

- Yoldaş Əhmədov, məhkəmə istintaqında prokurorun və rəisin dediklərinin heç biri öz hüquqi təsdiqini tapmır. Bəlkə onlar sizə bu barədə bir şey deməyiblər.

Birinci katib:

- Xeyr. Onlar bircə onu deyiblər ki, sübutlar var, hakim qəsdən özü məhkəmə prosesini uzadır...

Hakim:

- Onda yoldaş Əhmədov, qoy bir daha əsl sübutları və həqiqətləri və daha doğrusu, ekspertiza rəyini sizin diqqətinizə çatdırım. Cinayət işi də mənim yanımdadır. İstəsəniz göstərə bilərəm.

Birinci katib:

- Göstərməyə ehtiyac yoxdur. Siz deyin, baxım görüm nəyə və hansı faktlara söykənmisiniz?

Hakim:

- Yoldaş Əhmədov, birincisi, mərhumun dırnağının arasındakı tük ekspertizaya göndərilib və ekspert də rəy verib ki, göndərilən tükün heç biri o iki qardaşlara aid deyil. Üstəlik də onların paltarlarında da qan izləri tapılıb. Və o qan izlərində də ekspert rəy verib. Rəydə bildirilir ki, qan insan qanı deyil, heyvan qanıdı. Yəni bu qan da hər iki müttəhimə məxsus deyildi.

Birinci katib:

- Mən başa düşmürəm, bu qədər sübutdan və dəlildən sonra prokuror və rəis niyə belə danışır, bax, onu anlamaq olmur?!.

Hakim:

- Yoldaş birinci katib, siz deyirsiniz ki, gedim mən prosesi başa çatdırım, prokuror da cəza istəsin. Prokuror da cəza istəsə, 13 ildən az cəza tələb etməyəcək. Əgər mən ədalətsiz hökm çıxarıb onlara 13 il yox, lap 10 il cəza versəm və bu cinayət işi Ali Məhkəmədə təsdiq olunmasa, hökm ləğv olunsa, yalnış hökmə görə, elə birinci məni partiya sıralarından siz azad edəcəksiniz. Sonra da hakimlikdən geri çağırılacam.

Birinci katib Qədim Əhmədov hakimi çox səbrlə dinlədi. Dinlədikcə hiss etdi ki, hakim tamamilə ədalətli yol tutub. Və bir də hakimin bu qədər savadlı və ədalətli olduğunu bilmirdi. Çünki prokuror da, rəis də söz düşəndə ancaq hakimin haqsız olduğundan danışar, ədalətsiz qərarlar çıxardığını bildirərdi. Amma Məmməd Kərimovun Füzuliyə gəldiyi ilk gündən bu günə qədər Ali Məhkəmə onun çıxardığı bir hökmünü, bir qərarını belə ləğv etməmişdi. Təbii ki, bunların çoxunu Qədim Əhmədov bilmirdi. Ancaq hakimin bu cəsarətli və haqlı çıxışından sonra birinci katibin Məmməd Kərimova hörməti bir az da artdı, onun haqqında yaradılmış qara fikirlər uzaq oldu.

Birinci katib kreslosundan ayağa qalxıb hakim Məmməd Kərimova yaxınlaşdı. Görüşün əvvəlindəki əsəbilik və gərginlik hörmət və nəvazişlə əvəzlənmişdi. Və birinci katibin çöhrəsində təbəssüm yarandı:

- Kərimov, get, məhkəmə prosesini haqq-ədalətlə yoluna qoy! Mən də istəmərəm ki, günahsız olan iki qardaşa on üç, on dörd il iş versinlər.

Birinci katib onu düz qapının ağzına qədər ötürdü. Sonra da qayıdıb kresloda əyləşdi. Elə bil ki, dünyanın ən ağır yükü onun çiynindən götürüldü. Əsl həqiqətin üzə çıxması onu bir daha sakitləşdirdi və işə badalaq atan rəis və prokuroru qınadı...

Hakim birinci katibin kabinetindən qalib kimi çıxmışdı. Pilləkənləri elə rahat düşürdü ki, pilləkənləri qalxan vaxt keçirdiyi əsəbilik tamamən aradan qalxmışdı. Həm də onun çöhrəsində bir təbəssüm yaranmışdı. Birinci mərtəbədə yenə şöbə müdiri Məhərrəm Nəzərovla görüşdü. Məhərrəm müəllim də gördü ki, bu katibin yanına qalxan Kərimov deyil, indi onun ovqatı tamamilə dəyişib. Hələ bir zarafat da elədilər. Sonra hakim Məhərrəm müəllimə dedi:

- Bu bəhmənlilər çox mərd adamdılar. Mənim başımı kəssələr də qoymaram ki, onlara şər-böhtan atılsın və günahsız yerə iki adam gedib on üç, on dörd il cəza çəksin.

Hakimin Füzulidə çox böyük hörməti vardı. Hər adam rayona gəlib az müddətdə el-obanın belə hörmətini, belə sevgisini qazana bilməzdi. Qabağına kim çıxırdı, ona salam verirdi. Və o da salamı səmimiyyətlə alar, "əleyküm salam” deyərdi. Amma rayonda sadə camaat nə prokurora, nə də rəisə salam verə bilərdi. Çünki onların qırımını görən kimi, o dəqiqə camaat özünü yığışdırar, rəisin və prokurorun qəzəbinə düçar olmamaq üçün onlardan uzaq gəzərdilər. Xüsusən də milis rəisi Dadaşov çox ədazıl adam idi.

Hakimin əyninə geyindiyi villur, çəhrayı rəngli kostyum ona çox yaraşırdı. Və bu kostyumdan onda ikisi vardı: biri çəhrayı rəngdə, biri də göy rəngdə. Hər ikisi çox qəşəng görünürdü. Daha doğrusu, gənc olduğuna görə, Məmməd Kərimov geyiminə-keçiminə və səliqəsinə xüsusi diqqət yetirirdi.

Artıq müttəhimlərin vəkili Rzayev də Bakıdan Füzuliyə gəlmişdi. Onlara bu vəkili xüsusi tapmışdılar. Demişdilər ki, vəkil Rzayev çox adamları çətin vəziyyətdən qurtarıb, şərdən və şəbədədən xilas edib. Nəcəf kişinin həyat yoldaşı Nübar arvad da Ali Sovetin sədrindən tutmuş, respublika prokurorunin, ədliyyə nazirinin qəbulunda olmuşdu. Demişdi ki, mənim ərim və qaynım günahsızdı; bir tərəfdən öldürülmüş Rüstəm kişinin qanını batırmaq istəyirlər, bir tərəfdən də mənim ərimi və qaynımı həbsxanada çürütməyə can atırlar. Ərim və qaynım 10 aydır Bayıl türməsində yatır, biz bu haqsızlığı heç vaxt yerdə qoymayacağıq. Düz Moskvaya qədər gedəcəyik. Elə Moskvaya da şikayətlər yazılırdı, prokurorun və rəisin haqsızlığından danışılırdı.

Ancaq hələ ki, hakim Məmməd Kərimov prosesi davam etdirir, açılmamış düyünləri açırdı. Proses bir neçə günlüyə təxirə salınsa da, yenidən davam etdi. Bakıdan olan vəkil Rzayev də gəldi. Məhkəmə prosesi hər gün qalmaqalla keçirdi: qışqırıqlar, bağırtılar, zərəçəkmiş və ittiham olunan tərəflərin ahı-naləsi...

... Axır ki, proses yekunlaşmaq üzrə idi. Və dövlət ittihamçısı, prokuror da bu məqamı çox böyük səbirsizliklə gözləyirdi. O məqam gəldi və prokuror Zeynalov müttəhimlərə cəza istədi. İbtidai istintaq prosesində hansı hava çalınmışdı, prokuror elə həmin hava əsasında cəza istədi. O, salondakılara bir daha diqqətlə baxdı və gördü ki, hər şey onun əleyhinədi. Hətta maddi sübutların və ekspertiza rəylərinin olmasına baxmayaraq, yenə öz dediyindən dönmək istəmədi.

... Ayağa qalxıb cinayət işində ittiham olunan hər iki müttəhimə - Nəcəf və Eldar Babayev qardaşlarına məhkəmədən 13 il iş istədi. Prokurorun cəza istəməsindən sonra məhkəmə salonunda yenidən aləm bir-birinə qarışdı: yenə qarğışlar, ah-nalə...

Hakim Məmməd Kərimov fasilə elan elədi...

(Ardı var)



İmza:

YAZARIN ARXİVİ

2018-11-24 : ONLUQ QIZIL
2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2020-07-07
2020-07-06


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.57%)
Pullsuz (11.43%)

ÇOX OXUNAN
GÜNÜN LƏTİFƏSİ

Siyasətçi ilə dolu bir avtobus seçki kampaniyası üçün kənd-kənd gəzirlərmiş. Avtobus böyük bir fermanın yanından keçərkən avtobus sürücünün diqqətsizliyindən dərəyə aşır.

Fermer qaçaraq gəlir və gecə qurda-quşa yem olmasın deyə cəsədləri basdırmağa başlayır.

Ertəsi gün polis sorğu üçün fermaya gəlir.

Fermerdən soruşur:

- Deməli, avtobusdakı bütün siyasətçiləri basdırdın. Hamısının ölü olduğundan əminsən?

Fermer cavab verir:

- Bəziləri yaşadıqlarını iddia elədilər, amma siyasətçiləri bilirsiniz də, necə yalan danışırlar. Amma məni aldada bilmədilər.




digər lətifələr
ARXİV
FACEBOOK