ANA SƏHİFƏ / YAZARLAR

Nicat NOVRUZOĞLU: Deputatlığın kölgəsində urvatsızlaşan bələdiyyə

43897    |   2019-12-14 11:00
Şriftin ölçüsü:
A+ Böyütmək
A+ Balacalaşdır

Seçkilər ərəfəsindəyik. Donuz ilinin son ayının 23-də bələdiyyələrimizi seçəcəyik. Siçan ilinin əvvəlində isə deputatlarımızı. Necə deyərlər, seçki seçkiyə qarışıb. Biri növbəsində, biri isə növbədənkənar. Amma növbəsi kənar olsa da, ili yenə də siçandı. Bizim üçün nə fərqi? Siçanın ya axırı oldu, ya da ki, əvvəli. Biz ki, deputat deyilik. Qoy deputatlar narahat olsunlar...

Qutular ağzını açıb dayanıb. Gözlər ona dikilib. O da, gözünü bülletenə. Qutu bizdən bülleten gözləyir. Bir işarə qoy, at qutuya. Fulfulo elə, görək kimin adı çıxacaq. Seçim sizindir! Qutudan seçiminiz çıxacaq. Çıxanlara kreslo! Biri bələdiyyədən, biri də Milli Məclisdən.

Kreslomda fırlandım.

Növbədə birinci bələdiyyədir. İlk onları seçəcəyik. Hesabla da ən çox haqqında danışılan, müzakirə edilən bələdiyyələr olmalı idi. Amma növbədənkənar Milli Məclisə seçkilər neçə gəldisə, bələdiyyə yaddan çıxdı. Necə deyərlər, növbədənkənar gəldi, növbəli qaç.

Hara qaçacaq ki...?!

Bələdiyyə düşdü deputatlığın kölgəsinə. Növbədənkənarın PR-ı bələdiyyələrin PR-nı üstələdi.

Bütün günü özlərini bələdiyyə seçkilərində görmək istəyənlərin rəngli şəkilləri sosial şəbəkələrdə, KİV-də itdi. Onların yerini deputatlığa namizədlər tutdu.

NİYƏ?

Biz niyə deputatlığa bir belə sevdalıyıq. Bələdiyyəyə nooluf ki?

Bələdiyyə qanunla müəyyən edilmiş ərazi hüdudları daxilində yerli özünüidarəetmə formasıdır. 20 ildi yaranıb bələdiyyə. Əvvəl yarananda 2700 bələdiyyəmiz var idi. Sonra kiçikləri bir- birinə calayıb 1607 bələdiyyə qayırmışıq. Bələdiyyəni də deputatlar kimi 5 ildən bir seçirik. Bələdiyyələrin fəaliyyətini tənzimləyən bir xeyli hüquqi bazamız var: "Bələdiyyələrin statusu haqqında", "Bələdiyyə üzvünün statusu haqqında", "Bələdiyyə qulluğu haqqında", "Bələdiyyələrin əraziləri və torpaqları haqqında", "Bələdiyyələrin maliyyəsinin əsasları haqqında", "Yerli (bələdiyyə) vergi və ödənişlər haqqında", "Bələdiyyə mülkiyyətinə əmlakın verilməsi haqqında", Azərbaycan Respublikasının Torpaq, Su, Mülki, Seçki, Vergilər, İnzibati Xətalar məcəllələrinə bələdiyyələrlə bağlı müvafiq müddəalar və s.

Bələdiyyələr hüquqi şəxsdirlər, onların öz möhürü, ştampı və bankda hesabı olur.

Bələdiyyə öz əmlakına dair mülkiyyətçi hüququna malikdir, yəni sərbəst olaraq əmlakına sahiblik edir, ondan istifadə edir və ona sərəncam verir.

Bələdiyyələr yerli əhalinin mənafeyi üçün qanunla müəyyənləşdirilmiş qaydada xarici iqtisadi fəaliyyətlə məşğul ola bilərlər.

Bələdiyyələr öz ərazisində hasil edilən təbii ehtiyatların istifadəçilərindən haqq (o cümlədən natura şəklində) alırlar. Bələdiyyələr Azərbaycan Respublikasının qanunvericiliyi ilə müəyyənləşdirilmiş qaydada və şərtlərlə məqsədli büdcədənkənar fondlar yarada bilərlər.

Bələdiyyələr bələdiyyə lotereyaları buraxa bilər, kreditlər alıb-verə bilər, bələdiyyə bankları və digər maliyyə-kredit idarələri yarada bilərlər.

Sadaladıqlarım bələdiyyə üçün yaradılan imkanların bir qismidi. Və elə bu bir qism deməyə əsas verir ki, bələdiyyə olmaq heç də deputat olmaqdan asan bir şey deyil. Və heç də hörmətsiz, səlahiyyətsiz bir iş deyil.

Çox uzağa getməyək. Bir millətin digər dövlətində keçirilən bələdiyyə seçkilərində yaşanılanları yadınıza salın! Necə rəqabət, necə seçki, necə inam...

Hə, deyəcəksiz ki, onlar başqa biz başqa. Başqalıq yoxdu. Bir millətik. Biriksə, demək ki, biz də qadirik. Qadirliyinizə inanın.

Və bələdiyyə seçkilərini urvatdan salmayın.





İmza:

YAZARIN ARXİVİ

2018-04-20 : İT GÜNÜNDƏ
2018-03-29 : DAY-DAY
2018-02-12 : XANALIQ
2018-01-24 : Vayına oturum
2017-11-01 : QOL-un içi
2017-10-25 : Nətərsən?
2017-10-17 : FAL QƏLƏM
2017-10-06 : TRANSPLANTASIYA
2017-09-16 : İlk zəng
2017-09-14 : MƏN ÖLƏCƏM
2017-09-11 : MƏN ÖLƏCƏM
2017-08-23 : SAHİBSİZLƏR
SON XƏBƏRLƏR
2020-06-05


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.39%)
Pullsuz (10.61%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK