ANA SƏHİFƏ / YAZARLAR

Faiq QİSMƏTOĞLU: VUR ÇATLASIN, ÇAL OYNASIN!

10873    |   2019-12-11 08:23
Şriftin ölçüsü:
A+ Böyütmək
A+ Balacalaşdır

Vallah, adam məəttəl qalır. Hansı özəl televiziya kanalına baxırsan vur çatlasın, çal oynasındı! Heç elə bil müharibə şəraitində yaşayan ölkədə deyilik. Fransız xalqı nə təhər kef eləyirsə, televiziyaların çalıb oynatmaqlarıyla biz də kef-damağın içindəyik. Çünki çalıb oynayanların altıda alımı yoxdu, beşdə də verimi! Və bu çalıb oynayan manıslar bir gündə iki-üç kanalı gəzməklə "toy tuturlar”. Yoxsa bir ətək pul verib özəl kanallara çıxmazlar. Pul da təbii ki, hər adamda yoxdu. Yəni hansı manısın ki, ayda 15-20 toyu olur, bax, pul da onlardadı. Sağlıqlarına qismət, kişinin uşaqları sənətə yox, toya işləyirlər də...

Yenə bu manısların şıltaqlığına birtəhər dözmək olur, amma son vaxtlar özəl televiziya kanallarında meyxana həm kanalları gəzən manısları üstələyib, həm xalq musiqisini, həm də aşıq sənətini! Hansı kanalı çevirirsən, bir də görürsən budu ey, beş-altı nəfər ağız-ağıza verib meyxana deyir. Camaatın, tamaşaçıların zövqünü elə korlayıblar ki, az qala bir gün Azərbaycanda hamı meyxana demək istəyir. İş o yerə çatıb ki, meyxanaçılar olmayanda özlə televiziya kanalları bərk darıxırlar. Və bu meyxanaçılar da ağızlarına nə gəldi oxuyurlar.

Ədəbi janrlar içərisində meyxana elə bir ciddi janr kimi qəbul olunmur. Kim nə deyir desin, lap məni güllələsələr də deyəcəyəm; deyilən meyxanalarda nə poeziya var, nə ideya var, nə də fəlsəfi fikir, sabun köpüyü kimi bir şeydi, bir anlıq görünür, sonra da itir. Və bir anlıq görünən, itən, ilğım kimi yox olan bir şeyə niyə vurğunuq, bax, bunu başa düşə bilmirəm. İstəsəm mən də meyxana deyərəm. Bir-iki qafiyəni tutub ritmi də tapmaqla çoxunu təəccübləndirmək olar. Amma vallah bu poeziya və fəlsəfi fikir deyil.

Düzdü, istedadlı meyxanaçılar olub. Onlar meyxanadan çox bədahətən şeir deyiblər. Elə rəhmətlik Əlağa Vahid qəzəllərini və şeirlərinin çoxunu bədahətən deyib, yanındakılar da onun dediklərini qələmə alıblar. Ancaq indikilərin dediyinin 90 faizinin sənətə və poeziyaya dəxli yoxdu.



Bərviz Bülbülə meyxanaçıdan daha çox müğənniyə bənzəyir. Özü də deyir ki, mən meyxanaçı-müğənniyəm. Qoy olsun! Ancaq biz istəsək də, istəməsək də kütlənin onlardan xoşu gəlir. Çünki kütlə onlar üçün lap ölür ey. Ona görə də toylara, şənliklərə dəvət alırlar. Amma sənət baxımından burda bir element belə tapmaq mümkün deyil. Bəs onda televiziyalara nə düşüb ki, xalq musiqisindən də, aşıq sənətindən də çox meyxanaya yer verirlər?! Elə tamaşaçıların da zövqünü korlayan özəl televiziya kanallarıdı. Təbii ki, bu kanallar meyxana deyən adamların qara gözünə, qara qaşına aşiq deyillər. Daha doğrusu, televiziya kanalları efirlərdə tez-tez görünən və dəstə halında meyxana deyən adamların pullarına və imkanlarına aşıqdilər.

Bizi yandıran odur ki, özəl televiziya kanalları meyxanaya, toy müğənnilərinə və eləcə də ara oxuyanlara hər gün saatlarla veriliş ayıra bilir, amma millətin maariflənməsi, savadlanması üçün bir proqram təşkil eləmir. Sanki hər şey bütün proqram və sistem meyxanaçıların, manısların, aşbazların və həkimlərlə bağlı verilişlərin üzərində qurulub. Hansı kanalı açırsan, bayaq dediyimiz kimi, ya meyxanaçı görürsən, ya həkim məsləhəti eşidirsən, ya da toy müğənnilərinin fonoqramasına baxırsan. Bilmirsən nə oxuyurlar, nə danışırlar!..

İstedadlı müğənnilər var ki, sənətin dalınca yox, toyun dalınca gedirlər. Allaha and olsun, əgər onlar sənətin dalınca getsəydilər, çox böyük müğənni, xanəndə, bir sözlə, Azərbaycan musiqisinə xeyir verən sənətkarlar ola bilərdilər. Baloğlan Əşrəfov və Manaf Ağayev çox istedadlı müğənnilərdi və hər ikisiylə də tanışlığım var. Hətta Manaf Ağayev mənin qardaşım Elxanla çox yaxın dostdu. Onun kişiliyinə, etibarına, səmimiliyinə və mərdliyinə söz ola bilməz. Hər iki müğənninin çox şirin və gözəl ifaları var və kütlə də onları çox istəyir. Elə mənim özümün də hər iki müğənniyə böyük hörmətim var. Amma onlar sənətdən çox toya işləyirlər. Allah canlarını sağ eləsin! Amma istəsəydilər, Azərbaycan musiqi sənətində çox böyük yer tuta bilərdilər. Manaf Ağayev heç vaxt musiqi tarixində "Ay canı yanmış”la və digər mahnılarla qala bilməyəcək. Ancaq onun bir gözəl mahnısını da yada salmamaq günahdı. Manaf Ağayev vətənpərvərlik mövzusunda olan "Ay vətən oğlu” mahnısını elə oxuyur ki, adamın tükləri biz-biz olur. Xüsusən də bu ifanı mən toyların birində Nizami Abdullayevlə 20 il bundan qabaq oxuyanda görmüşəm. Bu ifanı eşidən hər bir vətən oğlu indiki şəraitdə sakit dura bilməz, əlinə silah alıb vətəni qorumağa gedər. Bu gözəl ifalardan sonra çox təəssüf ki, Manafın o qədər də ömrü olmayan toy mahnılarını eşidirik. Amma onun istedadı və səsi var ki, gözəl xalq mahnıları, bəstəkar mahnıları ifa etsin, onu yazdırıb tarixə saldırsın. Çox təəssüf ki, istedadlı müğənni belə bir işin arxasınca getməyə bir o qədər də həvəs göstərmir.

Bizim musiqimizin gözdən salınmasında əsas rolu özəl televiziya kanalları oynayır. Məsələn, aşbaz Niyam Salamini televiziyalar elə təqdim edir ki, sanki Qədir Rüstəmovdu, Süleyman Abdullayevdi, Cabir Abdullayevdi, Mənsum İbrahimovdu. Biz demirik Niyam Salaminin istedadı yoxdu, sevənləri yoxdu. Tamaşaçı var ki, onun üçün sinov gedir. Çünki özəl televiziya kanalları tamaşaçıların zövqünü bayağı musiqilər və "bezdarnı” teleseriallarla çoxdan korlayıb. Və heç kimə də demək olmaz ki, sən Qədir Rüstəmova qulaq as, sən də Niyam Salamiyə! Ən azından ona görə ki, hərənin öz zövqü var.

Deyirlər ki, gitara, qarmon, klarnet Avropa musiqisidir. Amma gitaranı Azərbaycanda Rəmiş, Nofəl, Rəhman və Elman avropalıdan min dəfə yaxşı çalır. Qarmonu Aftandil İsrafilov avropalıdan min dəfə gözəl ifa edib. Kamançanı rəhmətlik Habil Əliyev təpədən dırnağa Azərbaycan musiqi aləti elədi, tarı Əhsən Dadaşov, Ramiz Quliyev və başqaları bu xalqın musiqi alətinə çevirdi. Hansı xalq ki, musiqi alətini başqalarından gözəl çalır, yaxşı ifa edir, elə o musiqi aləti də o xalqa məxsusdu. Avropalı ha özünü cırıb dağıtsın ki, gitara mənimdi, Elman, Rəhman, Nofəl gitaranı çalanda adamın yeddi arxa dönəni yadına düşür...

Bizim cəmiyyətdə nə qədər desən musiqi sahəsində istedadlı adamlar var. Ancaq istedadlı adamların çoxunun pulu-parası olmadığına görə, reklamı da yoxdu. Bizim millət də reklamı çox xoşlayır axı! Hansı müğənni ki, hər gün efirlərdədi, baha qiymətə getsələr də, onları toylara aparırlar. Allaha and olsun, bizim kənddə - Bəhmənlidə Məmmədhəsən Bəhmənlinin gözəl bir ansamblı var. Səhər saat 10-dan gecə saat 2-yə qədər çalıb oxuyurlar, onlara cəmi 300-400 manat pul verirlər. Amma gündə reklam olunan müğənni görüm çox yox, 4 saat canlı oxuya bilər, ya yox?!

Ona görə də camaat özlə televiziya kanallarının reklamına aldanmamalı, səsi və istedadı olan musiqiçiləri toylarına dəvət eləməlidilər. Çünki onların həm sənətləri var, həm də toy aparmaq qabiliyyətləri. Başqa sözlə demiş olsaq, fonoqramma ilə camaatın başını aldatmırlar. Biz sözümüzü dedik. Tay bundan sonrası sizə qalır...




İmza:

YAZARIN ARXİVİ

2018-11-24 : ONLUQ QIZIL
2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2020-07-07
2020-07-06


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.57%)
Pullsuz (11.43%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK