hacklink Adalet.az | Əbülfət MƏDƏTOĞLU: İSTƏK İŞIĞI Adalet.az | Əbülfət MƏDƏTOĞLU: İSTƏK İŞIĞI Adalet.az | Ədalət -
ANA SƏHİFƏ / YAZARLAR

Əbülfət MƏDƏTOĞLU: İSTƏK İŞIĞI

Ona səninlə birgə qovuşacağam

4506    |   2019-11-11 10:30
Şriftin ölçüsü:
A+ Böyütmək
A+ Balacalaşdır

Özümü toparlayıb yazını diqtə etməyə hazırlaşdığım ana qədər içimdə çox götür-qoy etdim. Bu da səbəbsiz deyil. Dediyim səbəb də elə-belə, yəni ötəri, unudulası məqamları yox, həyatımızın önəmli tərəfini bir xalq, bir məmləkət olaraq varlığımızı ifadə edə biləcək əsas atributlardan biri ilə bağlı idi. Təbii ki, bu yazı sabah (yəni bu gün – Ə.M.) oxucuların masası üzərində olacaq. Və deməli, sabah da (yəni bu gün – Ə.M.) tariximizin önəmli məqamlarından biridir. Artıq hər kəs, istər orta məktəb şagirdi, istər bütün əhali birmənalı şəkildə baxıb qürur duyduğu üçrəngli bayrağımızın Günüdür. Və biz bu Bayraq Günündə təkcə onun dalğalanmasını, rənglərini, mahiyyətini, məzmununu deyil, həm də onun uğrunda şəhid olanları, onu öpüb, ona bürünüb ölümün üstünə gedənləri xatırlayırıq. Paralel olaraq içimizdə qürurla yanaşı, həzin bir kövrəklik də özünü büruzə verir. Təbii ki, bu sevincin, qazandığımız müstəqilliyin yaratdığı, yaşatdığı ovqatdı!..

Bəli, bax, bu səbəbdən mən yazının ilk hissəsini bir zamanlar yazıb çap etdirdiyim şeirlə oxucuya çatdırmaq istəyirəm. O şeirdə yazmışdım ki:

Hayf deyilmi

adamın

dəli damarı ola

və sürünə-sürünə

çıxıb gedə

Şuşaya, Cıdır düzünə!..

Orada dirsəklənb

baxa

üçrəngli bayrağın altından

göy üzünə!..

Bəli, elə indi də həmin fikrimdə qalıram və ağıllılarımızın quyudan çıxarmağa çalışdığı bir daşın aqibətini gözləmədən sürünə-sürünə həmin üçrəngli bayraqla Şuşaya getməyi dəliliyin ən gözəl nümunəsi kimi qəbul edirəm. Kaş bu dəliliyi edə biləydim...

***

İllərin arxasında qalan ömür payının anlarını vərəqlərə köçürmüşəm, yaddaş vərəqlərinə. İndi həmin o yaddaş kitabını açıb o vərəqləri bir-bir çevirirəm. Zarafat deyil, 60 ildən çoxdur ki, yazılıb, cilidlənib bu kitab. Sovet dövrünü yaşayanların xatirində olar. O zamanlar idarə və müəssisələrin "qaytanlı kitabı” var idi. Bütün əmrlər, göstərişlər o kitaba yazılardı və heç kim də o kitabda heç nəyi dəyişə bilməzdi. Bax, ömür kitabının yazılarını da, səhifələrini də dəyişmək artıq nə mənim gücümdə deyil, nə də ən qoluzorlu pəhlivanların. Ona görə də o yazıları birmənalı şəkildə, hətta qəlbimə, ruhuma toxunan çalarları ilə birlikdə qəbul edir, oxuyur və düşünürəm... Bu ömürdə nədən necə, kimdən nə cür yararlandı? Maraqlı sualdı, elə deyilmi? Siz özünüz də bu barədə düşünün. Onda mənim söylədiklərimlə müəyyən mənada razılaşacaqsınız...

Təbii ki, burda söhbət maddiyyatdan, maldan, mülkdən getmir. Əksinə, o lap arxa plana keçir, hətta unudulur. Çünki mənəvi zənginləşmə, iç dünyanın varlanması həmin o maddiyatı az qala sabun köpüyünə çevirir. İnsan bir gilə üzmlə də, hətta sındıranda çürük çıxan bir qozla da sevinə bilir. Axı onun arxasında diqqət dayanır, xatırlanma durur. Ona görə də atalar deyib ki, "adımı an bir qozla, qoy o da çürük çıxsın”. Görün diqqət nə qədər vacib şərtdi, nə qədər önəmlidir. Hətta qoz çürük olsa belə, anıldığın üçün sənə xoşdur. Bax, bu yerdə mən də hər gün, hər an anıb, hər anımın dualarını ünvanladığım Allahıma və sənə sevgimi, inamımı yazmaqdan, dilə gətirməkdən yorulmuram. Baxmayaraq ki, bunun qarşılığının olub-olmayacağını az-çox duyuram. Lakin duysam da yorulmuram, usanmıram. Onsuz da seçim bir dəfə edilir və mən də o şansı artıq istifadə etmişəm. Ona görə də birmənalı şəkildə yazmışam ki:


Qoy əlini ürəyimin üstünə

Son pıçıltı qoy əlinə deyilsin...

Şaxta gəlib – üşüyəcək əllərin –

Pıçıltını qoy əllərin geyinsin!..


Mən bilirəm yaddaşı var, yadında –

Son pıçıltı qalacaqdı əlinin...

Sevinəcək sənin kimi qadında –

Tam üstünə olacaqdı əlinin...


Toparlayıb son gücümlə əlini

Ürəyimin tam üstündə saxlayım...

Əyil, öpüm üzündəki telini –

Ürəyimin gözlərini bağlayım...


Hələ o vaxt – duyulanda hıçqırtım

Mən etmişəm bu sevginin zikirin...

Nimdaşlaşıb süzüləndə pıçıltın –

Çəkəcəyəm əllərinin fikirin...

***

Bəli, əslində bu şeir parçası həmin o yaddaşın, o yaşamın bir anıdı sözə çevrilir. Və mən də sözə çevrilən həmin o anın içərisində təkcə yaşamamışam, həm də yanmışam. Bu yanğı da bütün vücudumu bürüyüb. Çünki haqdan gələn yanğıdı. Haqdan gələni nə söndürmək, nə də durdurmaq mümkün deyil. O, sönməz bir oddu, var olduqca yanacaq. Burda obrazlı da deyim ki, yandıqca da yaşadacaqdı bir cınqı ümidlə, kül altdakı qorla!.. Və beləcə, uzanacaq həyatın dolanbacları da, ağrı-acıları da, sevinci, fərəhi, şadlığı, şadyanalığı da. Başımız o qədər qarışacaq ki, günün hardan düşüb harda batdığı unudulacaq, yadımızdan çıxacaq. Bir də onda görəcəyik ki, elə bir yerə, elə bir nöqtəyə gəlib çatmışıq ki, burdan dönüş yoxdur...

Hə, mən bu fikirləri sözə, cümləyə çevirə-çevirə düşünürəm ki, nə yaxşı geriyə dönüş mümkünsüzdü. Yoxsa, Yer üzünün mövcud insanlarının ən azından 70 faizi geriyə dönüş hüququndan yararlansa, dünyada hansı tufanlar qopar?- bunu təsəvvür etmək mümkündürmü? Mən edə bilmirəm. Ona görə də heç o düşüncəni özümə yaxın da buraxmıram. Çünki geriyə qayıdıb yenidən bu yaşa qədər olan yolu gəlmək yaxşı heç nə vəd etmir. Axı kosmetik dəyişikliklər qısa ömürlü olur. Ona görə də mən daha çox bir məqamı önəmli sayıram. O da SEVGİdir. Həm çevrənə, həm dünyana, həm də bütövlükdə Allahın qəlbində göyərtdiyinə. Bax, bundan zəruri və həm də doğma heç nə qəbul etmirəm. Ona görə də hətta bir anlıq ayrılıq da mənə bir il, bir əsr qədər gəlir. Mən də onu ürək göynərtisiylə misralayırm, şeirləşdirirəm:


Gözümü yola sərdim

Yolun bağrını dəldim...

Bir az özümə gəldim –

Bir az ruhum dirildi...


Göynəyir üşüyən can

Donur dodağımda qan...

Səni görmədiyim an –

Elə bil ki, bir ildi...


Demə qəliz yazıdı

Demə "əlif” hansıdı?

Sevgi əlifbasıdı –

Nə latın, nə kirildi!


Ürəyimi az qanat

Etmə gülüm, ta inad...

Sən fərqli bir kainat –

Əbülfət də sirrindi...

***

Adətən yazdığım şeirləri, ifadə etdiyim fikirləri sərbəst, rahat mühitdə daha çox araya-ərsəyə gətirə bilirəm. Amma neyləyim ki, çox vaxt bu mümkün olmur. Bax, elə bu yazının özünü də diqtə edərkən yaşananlar, yaşadıqlarım, eləcə də müşahidələr və müşahidələrim bir-birilə baş-başa gəldi. Ona görə də hiss etdim ki, fikirlərim bir az pərən düşdü, adda-budda oldu. Bunun önəmini dərk etsəm də, amma içimdə bir rahatlıq var. Bilirəm ki, həmin o pərən düşmüş fikirlər bir-birilə dil tapa biləcək, yola gedəcək. Ən pis halda mən nə vaxtsa onları yenidən bir araya gətirə biləcəm. Çünki onlar mənim iç dünyamdan, mənim ruhumdan qopan zərrələrdir. O dünyanın, o için, o ruhun nə qədər önəmli olduğunu mənə qədər sən də bilirsən. Və deməli, Sən də bilidiyin üçün mən meydanda tək qalmayacam. Sən buna imkan verməyəcəksən, ruhlandıracaqsan... Közərən ümidlərimi nəfəsinlə alovlandıracaqsan... Bütün bunlardan sonra həmin o fikirləri toplamaq, onu ifadə etmək mənə nəsib olacaqdı.

Hə, bir də bütün bunlarla yanaşı bir məqamı da vurğulamalıyam. Bu da həmin pərən düşən fikirlərin ünvanıdı. Yəni onların hara, kimə yönəldilməsidir. Bunu isə mən də, sən də bilirik. Ona görə də o fikirlərin diriləcəyinə, toparlanacağına heç bir şübhə yeri qalmır içimdə. Sadəcə, möhlət, zaman məsələsi var. Hamı kimi mən də zamana tabe oluram. Axı zamana hamımızın ehtiyacı var!

Bəli, indi bu yazını yaratdığı ovqatın içərisində əl-qol ata-ata ağlımdan gəlib keçən bir anı ipucuna çevirirəm. Həmin o ipucundan tutub qaranlıqdan işığa, quyu dibindən aşkarlığa çıxmağa çalışıram. İstəyirəm ki, iç dünyamın, duyğularımın ifadəsi olan bir məqamı, yəni o ipucu olan anı sən də görəsən, sən də ona sayqıyla yanaşasan. Əgər bacarsan, uyğun bilsən. Çünki:

Sən elə bilmə ki

asandı

hamıdan uzaqlaşıb

dörd divarla

və özünlə

heç kimin eşitmədiyi

söhbəti etmək...

sən elə bilmə ki

asandı

təkliklə qucaqlaşıb

içindəki qübarla

və özünlə

heç kimin işlətmədiyi

sözün

dalınca getmək

sən elə bilmə ki

dörd divar da,

qübar da,

təklik də,

söz də,

söhbət də -

sözə baxandı...

Yox- sözümü kəsmə

belə düşünməyə tələsmə

sən elə bil ki

sənin bildikərin

mənim dərdimin

əlindəki yaxamdı

çəkib arxasınca aparır

məni...

Həqiqətən hər şeyi olduğu kimi bilmək, hər şeyi olduğu kimi qəbul etmək və yaxamdan tutub arxasınca aparanın səndən nə qədər güclü olduğunu dərk etmək çox çətin bir işdi. Bunu hər adam bacarmır. Şükürlər olsun ki, sən bunu bacarırsan, sən bunun fərqinə vara bilirsən. Ona görə də mən səninlə bu müstəvidə, bu məqamda həmfikir oluram və bölüşürəm fikrimi, duyğularımı, içimi. Axı, sən həm də hər şeyi etiraf etdiyim ünvansan. O ünvan bilmirəm necə adlanır, amma az-çox təxmin edirəm. Bu mənə görə müqəddəslik anlayışı kimi bir şeydi və nə yaxşı ki, belədi!..

Və nəhayət, bu yazı boyu çatdırmaq istədiyim məqamların sırasına baxıram. Ən böyük istək sürünə-sürünə Cıdır düzünə getmək, üçrəngli bayrağın altından göy üzünə baxmaq... Ən böyük sevgi Sənə ibadət, Sənə qovuşmaq!.. Və bir də təbii ki, özümü həmin o istəklərə layiq edə bilmək. Düşünürəm ki, bunu elə sənin köməkliyinlə bacara biləcəm. Axı söhbət Şuşadan və Səndən gedir. Gəl, bunu untmayaq!



İmza:

YAZARIN ARXİVİ

2018-11-18 : DOYMUŞ MƏHLUL
2018-10-23 : YARIMÇIQ MƏKTUB
2018-09-21 : ÜMİD KƏNDİRİ
2018-09-14 : ÖMÜR YARPAQLARI
2018-09-08 : ŞUNURLULAR
2018-09-06 : Təzyiq yazısı
2018-09-05 : AYLI BİR GECƏ
2018-07-31 : HAVALI YAZI
2018-02-01 : "O SÖZƏCƏN..."
2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : HAVA
2016-08-12 : MƏKTUB…
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : Tofiq Abdinlə
2015-11-13 : ÜZ SUYU
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : ƏBƏDİ ÜNVAN
2007-10-06 : PERSONAJ
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
SON XƏBƏRLƏR
2019-11-14


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (93.33%)
Pullsuz (6.67%)

ÇOX OXUNAN
GÜNÜN LƏTİFƏSİ
"- Orda danışdığın anektodu mənə də danışa bilərsən?"

"Lavrov: 

- Hansını? Mollanın Teymurla olan fil anektodunu?"



digər lətifələr
ARXİV
FACEBOOK