ANA SƏHİFƏ / ƏDƏBİYYAT

Əbülfət MƏDƏTOĞLU: TƏSƏLLİ MƏKTUBU

(" Bir qadına ..." silsiləsindən)

11152    |   2019-10-10 13:12
Şriftin ölçüsü:
A+ Böyütmək
A+ Balacalaşdır

Ürək düşüb qırıqlandı...
Dörd tərəfim qırıq qandı!
Təmənəylə sırıqlandı -
incə bir əllə...

Baxma küsgün - dodaq büzüb
Sən sər sinəm üstə , üzüb-
Sevincimi sapa düzüb -
dincə bir əllə!

Mən bir az şair meyiləm
Şəkiləm , - özüm deyiləm!
Götür as, qorxma əyiləm -
küncə bir əllə...

Sevgidən coşub , köplənən
Torpaqdan, daşdan , çöpdənəm ...-
Ruhumu oxşa - öpmədən -
öncə bir əllə!..

Can sıxmasam saxlayarsan
Bircə dəfə ağlayarsan...
Gözümü sən bağlayarsan -
qönçə bir əllə...




İmza:
SON XƏBƏRLƏR
2020-08-05


VİDEO