ANA SƏHİFƏ / YAZARLAR

AQİL ABBAS: YETİMİN PAPAĞINI QAYTARIB VERƏSİ OLMADILAR

8253    |   2019-09-12 10:00
Şriftin ölçüsü:
A+ Böyütmək
A+ Balacalaşdır

Deməli belə. Yetimin papağını götürüb qaçırlar, sonra qaytarıb verib sevindirirlər. 2006-cı ildə yetimin papağını götürüb qaçdılar. Neçə ildi yetim gözləyir ki, papağını qaytarıb verəcəklər, o da sevinəcək.

Nəhayət, bu günlərdə baş nazirin müavini hörmətli Əli Əhmədov, eləcə də YAP-ın icra katibinin müavini və Parlamentin komitə sədri hörmətli Siyavuş Novruzov açıqlama verdilər ki, yetimin papağını qaytarıb verəcəklər. Yetimlər də sevindiklərindən atılıb-düşürdülər. Amma bu sevinc uzun sürmədi. Məlum oldu ki, yetimin papağını qaytarıb verməyəcəklər.

Yəqin ki, söhbətin «uşaq pulu»ndan getdiyini tutdunuz. Deyirlər ki, kasıb əliaçıq olur. Amma varlandıqca tək kasıb yox, kim olur-olsun əli bərkiyir, daha çox varlanmaq istəyir. Varlanır, varlanır, daha sonda…

Görkəmli yazıçı İsi Məlikzadənin «Quyu» povestində belə bir yer var. Yazır ki, Allaha bir adam lazım olur, xoşniyyətli. Əlini atıb yerdən birini götürür, qaldırır göyə. O, qalxdıqca camaat da deyir ki, kişi gör haralara qalxıb. Köks ötürürlər və sair və ilaxır.

Allah həmin adamı qaldırır, qaldırır, çatdırır özünə, çevirib bir sifətinə baxır, görür istədiyi adam deyil, qaytarıb çırpır yerə.

… Necə ki indi qaytarıb çırpırlar yerə. Və elə o çırpınanlar haqda da hörmətli Siyavuş Novruzov çox ciddi ittihamlar irəli sürüb. Artıq bu ittihamları araşdırmaq hüquq-mühafizə orqanlarının işidi. Təbii ki gücləri çatsa.

… Qayıdaq öz «uşaq pulu»muza. XX əsrin axırı XXI əsrin əvvəllərində Azərbaycanın indiki kimi qüdrətli bir iqtisadiyyatı yox idi, yavaş-yavaş özünü tuturdu. Və indi hər bir baxımdan – istərsə iqtisadi, istərsə hərbi, istərsə də siyasi cəhətdən qüdrətli bir dövlətə çevrilib. Dünyada söz sahibinə çevrilib. Büdcəmiz 25 milyard manata qədərdi. Neft Fondunda 40 milyard dollardan artıq pulumuz var.

Necə olur ki, Azərbaycan «kasıb» vaxtında «uşaq pulu» verə bilirdi, indi milyarder vaxtında «uşaq pulu» vermək problemə çevrilib?

Doğrudanmı dövlət də insan kimi varlandıqca xəsisləşir?

Hər halda inanıram ki, Dövlət baba bu məsələyə bir əl gəzdirəcək.

P.S. Hardasa oxudum ki, Qazaxıstanda «uşaq pulu» uşaq başına bizim pulla 200 manatdı. Gərək ki, Qazaxıstanda yaşayan, amma özü Qazaxıstan vətəndaşı olmayan dörd uşaq anası sosial şəbəkədə belə bir status paylaşmışdı.




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2020-07-03


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.57%)
Pullsuz (11.43%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK