ANA SƏHİFƏ / İDMAN

"Qarabağ" qalib gəlsə...

12622    |   2019-08-06 12:29
Şriftin ölçüsü:
A+ Böyütmək
A+ Balacalaşdır

Çempionlar Liqasının III təsnifat mərhələsinin bu gün keçiriləcək APOEL - "Qarabağ” oyunu Azərbaycan futbol tarixinə düşə bilər.

Premyer Liqanın son çempionu Kipr səfərində qalib gəlsə, bu, klublarımızın avrokuboklarda 100-cü qələbəsi olacaq.

Yubiley qələbəsinin astanasında olan klublarımız indiyədək 99 dəfə rəqiblərinə qalib gəlib. Bu, keçirilən 338 oyunda qeydə alınıb. Əsas və əlavə vaxtın nəzərə alındığı statistikaya əsasən komandalarımız daha çox Avropa Liqasında (əvvəl UEFA kuboku) sevinib – 67 dəfə. 23 qələbə Çempionlar Liqasına, doqquzu isə İntertoto kubokuna təsadüf edib. Təmsilçilərimiz yalnız Kuboklar kubokunda qalib gəlməyi bacarmayıblar. 99 qələbədən dördü qrup mərhələsinə, qalanları təsnifat mərhələlərində rəsmiləşib.

100-cü qələbəni qazanmaq imkanına malik olan "Qarabağ” yubiley uğurunun müəllifi ola bilməsə, əlamətdar hadisə ən azı ikigünlük təxirə salınacaq. Avqustun 8-də Avropa Liqasında mübarizəni davam etdirən "Neftçi” İsrailin "Bney Yehuda” klubunu qəbul edəcək.

İndiyədək əldə olunan 99 qələbəyə 12 klub imza atıb. "Qarabağ” hamıdan çox – 38 dəfə sevinib.

Qeyd edək ki, Azərbaycan klublarının ilk qələbəsini 1996/97 mövsümündə "Neftçi” qazanıb. Bakılılar Bolqarıstan təmsilçisi "Lokomotiv”i (Sofiya) evdə 2:1 hesabı ilə üstələyiblər (APA).




İmza:
SON XƏBƏRLƏR
2020-06-05
2020-06-04


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.39%)
Pullsuz (10.61%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK