ANA SƏHİFƏ / TEXNOLOGİYA

Sosial şəbəkə istifadəçilərinin diqqətinə - Nə etmək lazımdır?

17830    |   2019-07-02 16:11
Şriftin ölçüsü:
A+ Böyütmək
A+ Balacalaşdır

Məlumdur ki, sosial şəbəkələrdən istifadə nəinki Azərbaycanda, dünyanın bir çox ölkələrində geniş yayılıb. Hər kəs internetdən öz məqsədləri üçün istifadə edir. Lakin təəssüflər olsun ki, bu şəbəkədən şantaj, hədə-qorxu və digər cinayət əməlini həyata keçirmək üçün istifadə edənlər də var. Kimliyi bilinməyən saxta profillə insanların şəxsi məlumatları, fotoşəkilləri yayılır. Azərbaycanda da dəfələrlə bu kimi hallara rast gəlinib. Bəs, bu halda nüfuzu tapdalanmış, böhtana məruz qalmış şəxs nə etməlidir? Hansı hüquqi addımlar atıla bilər?

Adalet.az xəbər verir ki, məsələ ilə bağlı AZXEBER.COM-un suallarını vəkil Roman Qaraşov cavablandırıb.

Vəkil qeyd edib ki, Azərbaycan qanunlarına əsasən internetdən istifadə tamamilə azaddır və istifadəçilər istədikləri saytlara daxil ola və onları maraqlandıran mövzularda informasiyanı ala bilər, başqa bir tərəfdən də istədikləri xəbərləri, məlumatları, materialları internetdə yerləşdirib, yaya bilərlər. R. Qaraşov qeyd edib ki, məhz bu azadlıq sui-istifadə hallarına müəyyən mənada imkan yaradır. Vəkil təəssüflə bildirib ki, sosial şəbəkələr, internet resurslarından istifadə etməklə, insanların bir-birini təhqir etməsi, şər-böhtan dolu informasiyalar yayması adi hala çevrilib:

"Tövsiyyə edirəm ki, hər bir internet istifadəçisi dövlət və ictimai maraqlara zidd addım atmaqdan çəkinməli və dövlətimizin ali maraqlarını üstün tutan fikirlərlə çıxış etməlidir. Müşahidəmə əsasən, deyə bilərəm ki, Azərbaycanda böhtana əsasən tanınmış insanlar məruz qalır. Bir çox hallarda, internet mediasına açıqlama verən tanınmış şəxslər qarşı tərəflə bağlı nalayiq, təhqiramiz fikirlər söyləyir, böhtan xarakterli məlumatlar yayırlar. Bu fikirlərə əlavə olunan şərhlər isə mövcud problemi daha da qəlizləşdirir. İctimaiyyətin, eləcə də dövlətimizin ciddi narahatlıqla qarşıladığı bu məsələ qanun çərçivəsində öz həllini tapmaqdadır. Məsələn, Cinayət Məcəlləsinə əsasən, böhtan xarakterli məlumat yayan şəxs iki ilədək müddətə islah işləri, üç ilədək müddətə azadlığın məhdudlaşdırılması və ya üç ilədək müddətə azadlıqdan məhrum etmə ilə cəzalandırılır. Yəni qanunvericiliklə bu cür əməllərin sərt şəkildə cəzalandırılması imkanları mövcuddur”.

Bu gün internet mediasının yazılı mətbuata nisbətən daha geniş yayıldığını diqqətə çatdıran vəkil, insanların öz fikirlərini, böhtan atanların isə öz böhtanlarını məhz internet şəbəkədə yaymağa üstünlük verdiyini vurğulayıb. Onun sözlərinə görə, təhqirə, böhtana məruz qalan şəxs mütləq məhkəməyə müraciət etməlidir.

"Təəssüflər olsun ki, internetdə bir məsuliyyətsizlik mühiti hökm sürür. İnternet azadlığından istifadə edib, qarşılıqlı təhqir yolverilməzdir. Hər hansı bir şəxs hüququnun pozulduğunu zənn edirsə, əlində olan sübutlarla qeydiyyatda olduğu rayon üzrə məhkəməyə müraciət etməli, hüquqlarının müdafiəsində israrlı olmalıdır. Bu, təhqirlə, böhtanla bağlı ən effektiv üsuldur. Hətta mülki qaydada müəyyən məbləğdə pul kompensasiyasının ödəniləsinə də nail ola bilər. Lakin göstərilən cəza tədbirləri ilə yanaşı əgər yayılmış informasiya hər hansı xəbər portalında yayımlanıbsa, Azərbaycan Mətbuat Şurasına da bununla bağlı müraciət edilə bilər. Mətbuat Şurası hüquq mühafizə orqanı olmasa da, reket saytlar, saxta və qərəzli məlumat dərc edən mətbuat orqanlarının mütəmadi olaraq siyahılarını tərtib edir. Bu zaman nüfuzuna, jurnalist peşəsinə sadiq olan şəxs istəməz ki, onun əməkdaşlıq etdiyi xəbər saytı hər hansı mənfi rəy formalaşmış xəbər portallarının sırasında olsun” – deyə, vəkil qeyd edib.



İmza:

Bölgələrdə yaşayan 4000-dən çox ailə Azercell-dən dəstək aldı!

“Bakcell”dən Azərbaycanın ən sürətli mobil şəbəkəsində 50 GB trafiki cəmi 30 manata

Yeni “iPhone” qulaqlıqlar olmadan satışa çıxarılacaq

Bakıda internet xidmətinin kəsilməsinin səbəbi AÇIQLANDI

Hakerlər aviaşirkətin 9 milyon müştərisinin məlumatlarını ələ keçirib

Azercell-in bölgələrdə yaşayan ailələrə dəstəyi davam edir!

Hədiyyəli yeni iPhone SE modelləri Azercell Eksklüziv-lərdə!

600 mindən çox istifadəçi ölkənin ən reytinqli virtual müştəri xidməti aləti olan “Mənim Bakcellim”i seçir

Azercell “Kabinetim” mobil tətbiqinin yeni versiyasını təqdim edir

NASA-nın layihəsində Azərbaycanın ərazi bütövlüyünün pozulması ilə bağlı etiraz məktubu göndəriləcək

ABŞ-dan növbəti iddia: Çin oğurlamaq istədi

Azercell “Yeni Hər Yerə” tarifini təqdim edir!

SON XƏBƏRLƏR
2020-05-27
2020-05-26


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.23%)
Pullsuz (10.77%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK