Film izle hacklink kiralık bahis sitesi satılık bahis sitesi Adalet.az | Aqil ABBAS: 50 MANATLIQ FUTBOL «MƏDƏNİYYƏTİ» Adalet.az | Aqil ABBAS: 50 MANATLIQ FUTBOL «MƏDƏNİYYƏTİ» Adalet.az | Ədalət -
ANA SƏHİFƏ / YAZARLAR

Aqil ABBAS: 50 MANATLIQ FUTBOL «MƏDƏNİYYƏTİ»

7632    |   2019-05-14 09:42
Şriftin ölçüsü:
A+ Böyütmək
A+ Balacalaşdır

Şahmar Əkbərzadə Pele haqqında bir şeirində deyir:

Həsəd aparırdı ağıllı başlar,

Ağlı topuğunda olan oğlana.


İndi ağıllı başların «ağlı topuğunda olan oğlanlara» həsəd apardığını deyə bilmərəm, amma bütün dünya bu «ağlı topuğunda olan oğlanları» sevir, alqışlayır. Futboldan gözəl heç bir idman növü tanımıram, dünya futbolun üstündə köklənir, mənim fikrimcə.

Oyunda hər şey olur – dava-dalaş da, yumruqlaşma da, anaları yada salma da. Amma oyun bitəndən sonra o yumruqlaşanlar da, anaları yada salanlar da öpüşür, bir-birlərinə uğurlar arzulayır. Uduzan komandanın məşqçisi udan komandanın məşqçisini gedib qucaqlayır, təbrik edir.

Qəbələdə «Qarabağ»la «Neftçi» Kubokun finalını oynayırdı. Ramin Musayev də elə bir tədbir, elə bir futbol şöləni hazırlamışdı ki, yəqin ki uzun illər həmin oyunu izləyənlərin yadından çıxmayacaq. «Qarabağ» qalib gəldi, «Neftçi»nin rəhbərliyi ilə «Qarabağ»ın rəhbərliyi şərəf tribunasında yan-yana oturmuşdu. Final fitindən sonra «Neftçi»nin rəhbərliyi dərhal üzlərini yana çevirib çıxıb getdilər. Amma «Neftçi» qalib gəlsəydi, mən məmnuniyyətlə Çingiz Abdullayevi qucaqlayıb təbrik edəcəkdim.

Bu, futbol mədəniyyəti deyil.

«Qarabağ» Naxçıvanda «Qəbələ» ilə Kubokun finalını oynayırdı. Oyunu «Qəbələ»nin prezidenti Tale Heydərovla qoşa izləyirdik. Təbii ki, mən «Qarabağ»ı tuturam , o da öz komandasını. «Qarabağ» qalib gəldi. Tale Heydərov məni qucaqlayıb təbrik elədi, sonra da «Qarabağ»ın rəhbərlərini bir-bir təbrik elədi.

Bu, futbol mədəniyyətidi.

Gələk mətləbə. Türkiyənin əslində dörd böyük klubu var: «Beşiktaş», «Qalatasaray», «Fənərbağça», «Trabzonspor». İndi bir «Başakşəhər» də düzəldiblər, amma «demisezonnı» komandadı. Çempion da ola bilər, amma gələn il, ya o biri il bu komanda bizim «Keşlə»nin gününə düşəcək, çünki fanatı da yoxdu.

«Fənərbağça»nın bu il vəziyyəti elə bizim «Keşlə»nin vəziyyəti kimidi. Yüksək liqadan çıxa bilərdi, birtəhər sivişib aradan çıxdı. Bizim «Keşlə» də yüksək liqadan çıxa da bilər, çıxmaya da bilər.

«Fənərbağça»nın bu günə düşməsinin səbəbi çoxdu. Bu komandanın başına çox oyun açdılar, hətta prezidentini tutdular və sair və ilaxır. Bu günki vəziyyətinin bir əsas səbəbi isə maliyyədi.

İndi təkcə «Fənər»sevərlər yox, bütün Türkiyə bu kluba para yardımı edir ki, «Fənər» bu böhrandan çıxsın.

Biz də vaxtilə «Qarabağ» komandasını bu klubun sevənlərinin yardımı ilə dağılmağa qoymamışıq, indi Qurbanovun köhlən atlarının ayaq səsləri Avropanı başına götürüb.

«Fənər»lə «Qalatasaray» əzəli «düşmənlərdi», fanatları da. Amma baxın görün nə baş verir?

«Qalatasaray»lı zəngin iş adamı Sərkan Aydın «Fənər»ə 100 min dollar yardım edib. Eləcə də biri 50 dollardan 100 ədəd də forma alıb «Fənər»in azarkeşlərinə paylayıb və deyib: «Rəqabət öz yerində, dostluq öz yerində».

Bu, futbol mədəniyyətidi!

«Neftçi» ilə «Qarabağ» final oynayır. Dünənədək çempionatda 1 manata satılan biletin qiymətini «Neftçi» rəhbərliyi bircə günün içində 50 manata qaldırır ki, «Qarabağ»ın fanatları (bunların da çoxu evsiz-eşiksiz, dövlət yardımı ilə dolananlardı) oyuna gələ bilməsinlər.

Bu, futbol mədəniyyəti deyil!

Bunun heç adı da yoxdu.

«Qarabağ»ın rəhbərliyi fanatları darda qoymadı. 700 bilet alıb payladı onlara. Digərləri də qonum-qonşudan borc alıb gəldilər doğma «Qarabağ»a dəstək olmağa.

Və oldular! Kuboku Aqoli ilə Rəşad Sadıqov «Neftçi»nin stadionunda başlarına qaldırdılar, sonra da bütün komanda gedib «İmarət tayfa» azarkeşlərinin, onların sevgiləri önündə baş əydilər.

Bax, bu futbol mədəniyyətidi!




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2019-09-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (66.67%)
"Sevilya" (33.33%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK