Film izle hacklink kiralık bahis sitesi satılık bahis sitesi Adalet.az | Aqil ABBAS: BU, SƏMƏD VURĞUNUN DİLİ DEYİL Adalet.az | Aqil ABBAS: BU, SƏMƏD VURĞUNUN DİLİ DEYİL Adalet.az | Ədalət -
ANA SƏHİFƏ / YAZARLAR

Aqil ABBAS: BU, SƏMƏD VURĞUNUN DİLİ DEYİL

4553    |   2019-04-18 09:19
Şriftin ölçüsü:
A+ Böyütmək
A+ Balacalaşdır

Sosial şəbəkələrdə və bəzən də saytlarda Səməd Vurğunun bir bənd belə bir şeiri paylaşılır:

Arxalıya arxa durma,

Deməsinlər yamaqdı,

Arxasıza arxa dur ki,

Desinlər ki, dayaqdı.

Bu bir bənd şeir nə Səməd Vurğunun üslubuna uyğun gəlir, nə də dilinə.

Əslində bu bənd necədi?

Şair qələm yoldaşları ilə Nizami muzeyinin yanından keçərkən görür bir gənc çox pəjmürdə halda oturub skamyada. Amma nə qədər pəjmürdə olsa da, dahi şairi görəndə ehtiram əlaməti olaraq yerindən qalxır. Şair gəncə yaxınlaşır, soruşur ki, oğlum, bir bədbəxt hadisəmi olub, niyə belə pəjmürdəsən?

Gənc deyir ki, Səməd əmi, elə bir bədbəxt hadisə olmayıb , amma…

- Nə amma, oğul?

- Mən kənddən gəlmişəm, aspiranturaya daxil olmaq istəyirəm. Bir yer var, iki namizəd. Məni bu gün universitetin rektorluğuna çağırdılar, dedilər ki, o biri namizəd hörmətli bir adamın qızıdı, yüksək yerdən də tapşırılıb, o qəbul olunmalıdı. Yəni biz ona beş yazacağıq, sənə dörd. Ona görə bir az halım yaxşı deyil.


Səməd Vurğunun qaşları çatılır, bir az fikrə gedir, sonra cibindən bir dəftərçə çıxarır, ora nə isə yazır, verir gəncə:

- Oğul, qayıt get universitetə, bu kağızı ver Cəfər Xəndana.

Həmin vaxt universitetin rektoru görkəmli alim Cəfər Xəndanıymış. Gənc kağızı alıb qayıdır universitetə, katibəyə deyir ki, məni Səməd Vurğun göndərib. Buraxırlar rektorun yanına. Gənc kağızı verir rektora və deyir ki, bunu Səməd Vurğun göndərib.

Rektor açıb kağızı oxuyur, rəngi qaralır, bərk dilxor olur. Sonra imtahan götürəcək müəllimləri yanına çağırır və deyir:

- Dərhal mənim yanımda bu gəncdən imtahan götürüb özü də əla yazırsız.

Müəllimlər deyilən kimi də edirlər. Gənc həqiqətən də «beş»ə layiqiymiş.

Gənc universitetdən çıxıb qaça-qaça gedir Yazıçılar İttifaqına. Girir şairin yanına, təşəkkür edir və soruşur:

- Səməd əmi, o kağızda nə yazmışdınız? Oxuyandan sonra rektorun rəngi qaraldı.

Şair siqaretindən bir qullab vurub deyir:

- Oğul, mən o kağıza dörd misralıq bir şeir yazmışdım.

Dayaqlıya dayaq durma,

Yamaq deyərlər sənə.

Dayaqsıza dayaq dur ki…

Dayaq deyərlər sənə.

Mən bu mövzuda mübahisə etmək istəmirəm. Qoy sənətşünaslar desinlər, hansı düzdü?

P.S. Oxucular da saytımızın Facebook səhifəsinə girib fikirlərini bildirə bilərlər.




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2019-09-19
2019-09-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (66.67%)
"Sevilya" (33.33%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK