bahis siteleri deneme bonusu canlı bahis bahis siteleri bahis siteleri canlı bahis kacak bahis https://www.warezm.com kaçak bahis mobil ödeme bahis time4bets kaçak bahis canlı bahis güvenilir bahis siteleri deneme bonusu bonusal Adalet.az | İLAHİ ƏDALƏT ÜMİDİ Adalet.az | İLAHİ ƏDALƏT ÜMİDİ Adalet.az | Ədalət -
ANA SƏHİFƏ / YAZARLAR

İLAHİ ƏDALƏT ÜMİDİ

Fəridə RƏHİMLİ

6436    |   2019-04-12 15:52
Şriftin ölçüsü:
A+ Böyütmək
A+ Balacalaşdır

İmanı, haqq-ədaləti, vicdanı, qeyrəti görən olmayıb? Yolda-rizdə rastlaşmamısınız? Hara gediblər, niyə gediblər, nə vaxt gediblər, məlum deyil, yoxa çıxıblar bu məmləkətdən. Amma bir yerə getdikləri bəllidi. Ona görə yox ki, yerləri boş qalıb, kənardan boşluq görünür, ona görə ki, yerini imansızlıq, yalan, iftira, mənfəətçilik, ədalətsizlik, yalan... tutub və o yer köhnə sahibini əliçıraqlı axtarır.

Boş-boş danışanlar, boğazdan yuxarı sözləri hər gün utanmadan hər kəsə təkrar edən, yersiz tərifləri ilə nadanları "xoşbəxt edib” sevindirən, az-çox qalmış dürüst insanların ikrahedici baxışlarıyla qarşılaşsa da vərdişini tərgitməyən, yalan, boş vədlərlə vicdanlı insanların inamını qıran, əli çatmayan yüksəklikdə olan bilikli, elmli, savadlı, mədəni insanlara qara yaxmadan çəkinməyən böhtançı, qeybətcil, paxıl, kinli nəsil yetişdiririk. Eyni zamanda millətinin qızını, qadınını yoldan çıxarıb, sonra haqqında qeyrətli kişilərə məxsus palaz-palaz sitatlar gətirən, sosial şəbəkələrdə şiraslana dönüb namus keşikçilərinə xas təhdidlər yağdıran, torpaq, Vətən kəlməsini timsah göz yaşlarıyla anan, amma "lazım gələndə” ortadan sivişib çıxan "Qarabağı qarabağlılar xilas etsin” deyən ağıllı gədələr ordusu peyda olub. Peyda olub demək yanlış ola, bu, anidən olan şey deyil. Amma o xisləti içimizə nə vaxt yeritdilər, nə vaxt külli-millətin qanına-canına yoluxdu, onu anlaya bilmirəm. Qanında-canında yalançılıq, artistlik, ikiüzlülük, üzündə saysız-hesabsız maskalarla gəzənlər az idi bizim dövrdə və ətraf ikrahla qarşılardı onları. Eləcə yaşayardılar özləriyçün, bir də onlardan öz mənfəətləri üçün istifadə edənlər üçün. Amma nə zaman bu yoluxma baş verdi, hər kəs onlar kimi yaşamaq həvəsinə düşdü, bax bu çox məyusedici faktdı. İnsan olan birinin qəlbini sındırdımı yata bilməz! Peyğəmbərə gələn vəhylərdə bu da keçir: Bir qəlbi qırmaq bir insanı öldürməyə bərabərdi! Bəli, Allah: Sındırdığınız qəlblərin ahından qorxun! Mən sınıq qəlblərdəyəm, deyir. Hər fürsətdə maddiyyat xatirinə ikiüzlülük edən, yalan danışan, başqasının haqqını yeyən gecəni necə yatır görəsən? Yata bilməyənlər vicdanı olanlardı. Yata bilirsə, demək o, insanlıqdan çıxıb artıq... Abırına, həyasına qısılıb, haqqını tələb etməyənlərin haqqını xımır-xımır yeyən "fərasətlilər” anlamırlar ki, "Haqqımı halal eləmirəm!” kəliməsi qədər ağır bir lənət yoxdu bu həyatda və axirətdə...

Bu millətə nə Qarabağ, nə əski əldən getmiş yurd yerlərimiz maraqlıdı! Əksəriyyət bir qarın çörəyi əldə etmək üçün bu gün başqasının çörəyinə necə bais olum, necə aldadım, yalan danışım, öz evimi tikmək üçün necə ev yıxım, neçə ev yıxım deyə düşünür.

Bir dəstə də dindarlar peyda olub. Dini icmanın yarıtmaz işindən din adına çoxlu oyunlar oynanılmaqdadı. Allahın vacib buyurduğu Həcc ziyarətini icra etmək üçün ömür boyu pul toplaya bilməyib, o arzuyla ölən barmaq sayı vicdanlı insanlar və hər il yetim haqqı, qul haqqı yeməklə, yalan, böhtan, qeybət etməklə bərabər bu ziyarətgahı suyoluna çevirən şərəfsiz, dinsizlərin timsalında görünən təzadın ağırlığı da vicdanlıları ağrıdır. Bir dəfə ziyarət etməklə Allahın vacib buyurduğu əməli yerinə yetirdikdən sonra kasıba, xəstəyə, imkansıza xərcləməli deyilmi əsl müsəlman? Həcc, Kərbəla, Məşhəd ziyarətini təşkil edənlər arasında gedən gizli "müharibə” də onların nə qədər "doğru, imanlı insan” olduqlarını göstərir. Hərəsinin bir qiymət deməsi də vahid bir təşkilatın olmadığını, kimin necə "müştəri tutmasından” asılı olaraq tur təşkil etmələri və bu müqəddəs işdən də xeyir, nəf güdərək bir-birlərini gözdənsalma kampaniyasına başlamaları nə qədər müsəlman olduğumuzun sübutudur. Ondandır ki, Sahibəzzamanın yer üzünə dönməsi üçün şərt olan 313 əsl müsəlman hələ də dünyaya gəlməyib.

Hərdən "bizim illər”in insanları ilə rastlaşıb söhbət edəndə adam yüngülləşir bir az. Səni anlamayan, sənin anlamadığın indiki durumla əvvəlki doğru yaşamağın şərəf olduğu illəri müqayisə etdikcə özündə təskinlik tapırsan, qüssən müvəqqəti azalır, müasir kompüter diliylə desək, güncəllənirsən, format olursan, hələ vicdanlıların qaldığına, şərəfin, vicdanın, mənəviyyatın, insanlığın pul, maddiyyat olmadığını anlayanların olduğuna sevinir, ümidlə yaşamına davam edirsən. O insanların köməyiylə dəli olmadığını, dəyərlərin hələ tam əldən getmədiyini düşünürsən. Amma bu da zəif, öləziyən şamı xatırladır və təəssüflə, tezliklə onun da sönəcəyini qəbul etdiyin halda bir zəif ümidə də bel bağlayırsan. Bəlkə... deyə.

Haqq paylanarkən kölgədə qalan, qapılar döyməkdən çəkinən, qabaqdakı məndən istedadlı deyil, deyə başladığı mübarizəyə son qoyan, bir gün ədalətin təcəlli edəcəyini ümidlə gözləyən və hər şeyi Ona həvalə edərək Allahın ətəyindən yapışan vicdanlı insanlar, İlahi ədalət əlbət təcəlli edəcək, sadəcə səbir gərək. Bu rəzil insanların at oynatdığı dünyada olmasa da, o biri dünyada yüz faiz olacaq...




İmza:

YAZARIN ARXİVİ

2019-04-05 : YALTAQ
2019-03-20 : YENİ GÜN OVQATI
2019-03-07 : QADIN
2019-02-22 : QAR QAN AĞLAR...
2019-02-08 : YEYİM,YEMƏYİM?
2018-12-22 : GƏL...
2018-12-08 : ZƏRURƏT
2018-11-24 : ALO...
2018-11-08 : PALÇIQ VANNASI
2018-09-14 : ŞİLLƏTERAPİYA
2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2019-06-26
2019-06-25


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirəcəksiniz?

Evdə (37.5%)
İşdə (62.5%)

ÇOX OXUNAN
GÜNÜN LƏTİFƏSİ

İki kişi restoranda oturublar. Yanlarında ofisiant keçir. Biri ona qışqırır:

- İki pivə xahiş edirəm!

İkincisi əlavə edir:

- Təmiz bakalda olsun xahiş edirəm!

Bir neçə dəqiqədən sonra ofisiant əlində iki bakal pivə gəlir və soruşur:

- Təmiz bakalda kim istəmişdi?





digər lətifələr
ARXİV
FACEBOOK