Film izle hacklink kiralık bahis sitesi satılık bahis sitesi Adalet.az | Aqil ABBAS: MƏHƏMMƏD FÜZULİDƏN KÜSMÜŞƏM Adalet.az | Aqil ABBAS: MƏHƏMMƏD FÜZULİDƏN KÜSMÜŞƏM Adalet.az | Ədalət -
ANA SƏHİFƏ / YAZARLAR

Aqil ABBAS: MƏHƏMMƏD FÜZULİDƏN KÜSMÜŞƏM

7391    |   2019-01-30 10:36
Şriftin ölçüsü:
A+ Böyütmək
A+ Balacalaşdır

O qədər də məşhur olmayan bir müğənni aləmi qatıb bir-birinə, sosial şəbəkələr də partlayır. Həftənin qəhrəmanıdı, yəqin bu hadisədən sonra toy qiymətləri də qalxar. Deməli, Nəsiminin bir qəzəlini hind musiqisi üstündə oxuyub. Sonra da deyib ki, Nəsimini gecə yuxusunda görüb ona görə bu mahnını oxuyub. Çox güldüm.

Kənddə bizim bir qohum vardı, atasıyla anasının uyuduğu qəbirlərlə evinin arası heç yüz addım olmazdı. Qardaş-bacıları da Bakıda yaşayırdı. Demək olar ki, hər həftə bir qardaşı, ya bacısı ailəliklə Bakıdan tökülüb gəlirdilər kəndə, bəs, ötən gecə nənəmlə-dədəmi yuxuda görmüşük. Yarım saatlıq bir qəbiristanlıq ziyarətindən sonra iki-üç gün də qalırlar, yemək-içmək. Qohum da ya bir qoyun kəsməlidi, ya da iki-üç hinduşka. Onu da deyim ki, buna imkanı çatırdı.


Bir gün dözməyib deyir:

- Ay qardaşlar, ay bacılar, nənəmlə-dədəmin qəbirləri bizim evin yüz addımlığındadı. Nə təhər olur ki, bu on beş ildə bu bədbəxtlər bu yüz addımlıq yolu keçib burdan-bura bircə dəfə mənim yuxuma girmirlər, amma basa-basa durub gedirlər Bakıya, sizin yuxunuza girirlər?!

İndi Nəsiminin durub Hələbdən Bakıya gəlib onun yaradıcılığından bixəbər bir qızın yuxusuna gəlməsi məni inandırmadı. O yuxusunda yalnız Rasim Balayevi görə bilər. Rasim Balayev də çörəyi qırıq-qırıq edib and içdi ki, mən o xanımın yuxusuna girməmişəm. Ümumiyyətlə, heç onu tanımıram, həm də bir az naxoşam. Belə vaxtımda durub onun-bunun yuxularını gəzməyə halım nə gəzir?

İndini deyə bilmərəm, amma bir vaxtlar Rasim Balayev hər gecə az qala yüz-iki yüz qızın yuxusuna girərdi.


Mən özüm Məhəmməd Füzulinin kəndçisiyəm və Füzulini əzbər bilirəm. Və doğulduğum Bayat kəndində də şairin adına layiq gözəl bir kitabxana tikdirmişəm, önündə də möhtəşəm bir abidəsini qoydurmuşam. Yaşım Füzulinin yaşını xeyli ötüb, amma eloğlum bircə dəfə də olsun gəlib yuxuma girməyib. Füzulidən küsmüşəm. Nə təhər olur, ay şair, bir kənddən ola-ola səni sevən bir adamın yuxusuna gəlib girmirsən, amma Nəsimi ordan durub gəlib onu tanımayan bir qızcığazın yuxusuna girir? Özü də Bağdad Bakıya Hələbdən min kilometr yaxındı.

Nəsimi onun yuxusuna gəlsə də, gəlməsə də əsas odur ki, xanım tutuzdurdu ey, bir anın içində məşhurlaşdı, yuxarıda qeyd etdiyim kimi, toylarının sayını da, qiymətini də artırdı.




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2019-09-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Məktəbli formalarının qiymətlərindən razısınızmı?

Hə (25%)
Yox (75%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK