nulled forum sanal pezevenk hacklink satın al hacklink al Sit Giriş Hack haber epin scripti warez forum warez script hacklink nulled scripts warez forum xenforo nulled hack forum spyhackerz warez php script Adalet.az | Bakının sərnişindaşıma sektorunda gözlənilən YENİLİKLƏR Adalet.az | Bakının sərnişindaşıma sektorunda gözlənilən YENİLİKLƏR Adalet.az | Ədalət -
ANA SƏHİFƏ / AVTOMOBİL

Bakının sərnişindaşıma sektorunda gözlənilən YENİLİKLƏR

50950    |   2019-01-04 12:45
Şriftin ölçüsü:
A+ Böyütmək
A+ Balacalaşdır

"Ümumilikdə 2019-cu il şəhər nəqliyyatının inkişafı baxımından əhəmiyyətli il olacaq. Ötən 3 ildə həyata keçirilən tədbirlər xüsusən də 2018-ci ildə hüquqi bazanın daha təkmilləşdirilməsi ilə bağlı atılan mühüm addımlar belə deməyə əsas verir”.

BunuModern.az-ın sorğusuna cavab olaraq Bakı Nəqliyyat Agentliyinin (BNA) mətbuat xidmətinin rəhbəri Mais Ağayev bildirib.


Prezidentin tapşırıqları, BNA-nın gördükləri...


M.Ağayev qeyd edib ki, şəhər nəqliyyatının inkişafı, vətəndaşlarımıza daha müasir nəqliyyat xidmətlərinin göstərilməsi daim dövlətin diqqət mərkəzində olan məsələlərdəndir:

"Dövlət başçısı tərəfindən bu istiqamətdə BNA qarşısında çox mühüm tapşırıqlar qoyulub. Və elə cənab Prezidentin birbaşa diqqət və qayğısı sayəsində əminliklə deyə bilərik ki, 2019-cu il Bakının nəqliyyat sistemində mühüm dəyişikliklər, yeniliklər ili olacaq. Sərnişindaşıma sahəsində nəzərdə tutulan ən mühüm yenilik 300 ədəd komfortlu və müasir avtobusların nəhayət ki, bu il gətirilərək sərnişinlərimizin istifadəsinə verilməsidir”.

Sınıq-salxaq avtobuslardan canımız qurtarır

Qurum rəsmisinin sözlərinə görə, avtobusların ilk partiyası qarşıdakı aylarda Bakıya gətiriləcək:

"Bir qədər də konkretləşdirsək, avtobusların ilk partiyasının qarşıdakı aylarda paytaxta gətirilməsi planlaşdırılır. Bu avtobusların 280 ədədi 12 metrlik 20-si isə 18 metrlik avtobuslardır. Yeni avtobusların istismara verilməsi eyni zamanda, nağdsız ödəniş sisteminin əhatə dairəsinin bir qədər də genişlənməsi və nəticə etibarı ilə sərnişinlərimizə həm keyfiyyət, həm təhlükəsizlik nöqteyi-nəzərindən müasir standartlara uyğun xidmətin göstərilməsi deməkdir”.

"Xüsusi hərəkət zolaqları salınacaq”

M.Ağayev qeyd edib ki, il ərzində xüsusi hərəkət zolaqlarının çəkilməsi reallaşacaq:

"Marşrut xətlərinin optimallaşdırılması baxımından da mühüm dəyişiklər olacaq. Nəqliyyat Mübadilə Mərkəzlərində müasir infrastrukturun yaradılması da bu il planlaşdırılan tədbirlər sırasındadır. Artıq "Koroğlu" Nəqliyyat Mübadilə Mərkəzində bu işlərə başlanılıb. Sərnişindaşımadan istifadəni stimullaşdırmaq üçün tədbirlərimiz də davam edəcək. Bura xüsusi hərəkət zolaqlarının çəkilişi də daxildir. Məlum olduğu kimi artıq bir neçə küçə və prospektdə bu zolaqlar var. Hazırda bu zolaqların sayının artırılması və onların təyinatı üzrə işləməsi istiqamətində müvafiq qurumlarla iş aparılır”.

Bakının ənənəvi dərdi-tıxaclara çarə tapılacaqmı?...

M.Ağayevin sözlərinə görə, yol hərəkətinin təşkili istiqamətində əvvəlki illərdə başlanılan tədbirlər davam etdiriləcək:

"Bu il də əsas diqqət piyada təhlükəsizliyinin təmin edilməsinə yönəldiləcək. Yollarda piyadaların rahat, maneəsiz və təhlükəsiz hərəkətinin təmin edilməsi üçün zəruri olan bütün addımlar atılması təmin ediləcək. Pandusların quraşdırılması, qoruyucu tumbaların qoyulması, müxtəlif səviyyəli piyada keçidlərinin təşkili, ən əsas məsələ səkilərdə piyadaların hərəkətinə maneə yaradan halların aradan qaldırılması 2019-cu ildə daha genişləndirilmiş formada davam etdiriləcək. Yol hərəkətinin təşkilindən danışarkən onu da qeyd edim ki, bu il 74 yol kəsişməsi, 11 arterial yolda nəqliyyat şəraitinin yaxşılaşdırılması kimi vacib layihələrin icrası mümkün olacaq. Bu layihələrin icrası şəhər mərkəzində tıxacın aradan qaldırılmasına çox müsbət təsir göstərəcək. İcra ediləcək daha bir mühüm layihə Yusif Səfərov küçəsindən şəhər mərkəzi istiqamətində yeni giriş-çıxış dəhlizlərinin açılması ilə bağlıdır”.

BNA-nin fotokamerasına tuş gəlmək istəmirsinizsə, qaydalara əməl edin

BNA rəsmisi qeyd edib ki, 2019-cu ildə nəzərdə tutulan ən vacib yeniliklərdən biri parklanma yerlərinin idarə olunması ilə bağlıdır:

"Bu sahədə tam yeni bir siyasət, tam yeni bir yanaşma tətbiq olunacaq. Çünki parklanma yerlərinin düzgün idarə olunması şəhər nəqliyyatının ən vacib məqamlarından biridir. Bizim əsas məqsədimiz dayanıqlı proqram təminatına söykənən tam avtomatlaşdırılmış bir sistemin qurulmasına nail olmaqdır. Analoji sistem parklanma, dayanma və durma qaydalarını pozan sürücülərə qarşı inzibati tədbirlərin görülməsi işində də tətbiq ediləcək.

Cənab Prezidentin müvafiq Fərmanından irəli gələn tapşırıqların davamı olaraq, xüsusi proqram təminatı olan planşetlər vasitəsi ilə Bakı Nəqliyyat Agentliyi əməkdaşları tərəfindən dayanma və durma qaydalarını pozan sürücülərə qarşı inzibati tədbirlərin görülməsi təmin edilib. İnsan faktorunu minimuma endirmək, şəffaflığı təmin etmək məqsədilə tam avtomatlaşdırılmış qanunsuz parklanmaya intellektual nəzarət sistemi yaradılıb. Həmçinin, dövlət başçısının müvafiq fərmanında qeyd edildiyi kimi mərkəzi informasiya sisteminə inteqrasiya təmin edilib. Hazırda sistemin əsas komponenti olan foto və ya video qeydiyyat funksiyalarına malik xüsusi texniki vasitələrin (kameralar) quraşdırılması işləri isə intensiv şəkildə davam etdirilir. Həmçinin, intellektual nəzarət sistemindəki mövcud kameraların işi daha da təkmilləşdirilir. Məlumat üçün bildiririk ki, artıq sistemə daxil olan kameraların olduğu küçə və prospektlərdə sürücülər nəqliyyat vasitələrini qadağan edilən yerdə park etdikləri zaman bu xəta dərhal qeydə alınır və qayda pozuntusunu təsdiq edən 4 ədəd fotoşəkil çəkilir”.




İmza:
SON XƏBƏRLƏR
2020-04-04


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (90.48%)
Pullsuz (9.52%)

ÇOX OXUNAN
GÜNÜN LƏTİFƏSİ

-Sonuncu dəfə deyirəm, vətəndaş, damdan düş, gir evə, səninlə burda çənə-boğaz eləməyə vaxtımız yoxdu - polis mayoru həyətdən səs gücləndirici ilə binanın başındakı kişiyə səsləndi - hamımız eyni vəziyyətdəyik, amma dözürük, sən də dözməlisən!

Kişi etiraz etdi:

-Dedim yox! Mən dözmək istəmirəm! Mən bu qədər özümü çeynətməm!
Mayor nişan alıb tapança ilə adamı çiynindən vuraraq dama sərdi...
Kişi gözünü açdı ki, xəstəxanada çarpayıdadı. Mayor da oturub çarpayının yanında.

-Nahaq vurdun məni! - mayora baxıb narazı dilləndi - kişi-kişinin arvad-uşaq yanında sınmasına razı olmasın gərək!

Mayor başını aşağı salıb gileyləndi:

-A kişi bezmişik ey əlinizdən, biriniz dama çıxırsınız, biriniz yuxu dərmanı içirsiniz, hələ o gün biri evində üstünə benzin tökmüşdü ki, "mənə söz deyən olsa, özümü yandıracam". Boğaza yığmısınız ey bizi. Bilmirik asayişi qoruyaq, ya sizinlə uğraşaq. Ə, elə bilirsən bizə asandı? Biz də kişiyik, anlayırıq sizi! Ama day intihara cəhd etmək nədi?! Allah bu koronavirusa lənət eləsin!

Kişi əlini uzadıb mayorun qolundan tutdu - bilirəm qardaş, sizin işiniz lap ağırdı, özü də indiki vəziyyətdə, amma məni də başa düş - kişini qəhər boğdu - əşşi mən arvada dedim köməyə ciddi ehtiyac yaransa, kartof qızardaram, uzağı bozbaş bişirərəm. Day əriştə kəsmək nəymiş! Bu qədər də yox də! Bax, cənab mayişor, mən deyiləm sənsən, arvad desəydi əriştə kəs, kəsərdin? Yox vallah! Dama çıxmaq nədi ey, bəlkə də sən tapança ilə məni vurduğun kimi, arvadı da vurardın!

-A kişi nə kartof qızartması, nə bozbaş, nə əriştə? Orda sənə dedim axı, hamımız eyni vəziyyətdəyik - mayor yerindən qalxdı, gətirdiyi meyvə dolu torbanı çarpayının ayaq tərəfindən götürdü, bayaqdan oturduğu kətilin üstünə qoydu, kövrəlmiş halda sözünə davam etdi - tez sağal, get evinə qardaş, ta bir də dəlilik eləmə! Görünür bu da bir sınaqdı, dözməliyik. Bax, mən dünən gecə, növbədən sonra, evdə yarpaq dolması bişirmişəm, bu günə də düşbərə sifariş ediblər...





digər lətifələr
ARXİV
FACEBOOK