bahis siteleri bahis siteleri deneme bonusu canlı bahis bahis siteleri Adalet.az | BÖYÜKLÜYÜ İLƏ BÖYÜK ADAM Adalet.az | BÖYÜKLÜYÜ İLƏ BÖYÜK ADAM Adalet.az | Ədalət -
ANA SƏHİFƏ / YAZARLAR

BÖYÜKLÜYÜ İLƏ BÖYÜK ADAM

8673    |   2018-12-29 00:16
Şriftin ölçüsü:
A+ Böyütmək
A+ Balacalaşdır


Neçə gündü onun 60 illik yubileyi barədə tanınmış, tanınmamış yazarların silsilə yazıları dərc olunur. Səmimi, təmənnasız, ürəkdən yazılan fikirlərdir. Belə sevilmək hər yazara nəsib olan bir şey deyil, həm də indiki - maddiyyatın əsas sayıldığı zamanda.
Bu, bəlkə də onun qəlbinin sevgi dolu olmasından irəli gəlir. Yazanlar əsasən onun yaradıclığını önə çəkirlər. Çünki o, əksər vaxt özünü yazır, içindəkiləri poetikləşdirib kağıza köçürür və deməli həm də onun özündən yazırlar.
İlk dəfə onu kim "Dərd şairi" adlandırıb, bilmirəm (səhv etmirəmsə, Bəxtiyar Vahabzadə idi). Amma həqiqətən də duruşundan, yerişindən, baxışından dərd tökülür. Onu o qədər dərdli görürəm ki, üzü güləndə sevinirəm. Özü yazdığı kimi, dərdi suçəkən kimi çəkir özünə. Dərdlə elə qardaşlaşıb, elə qolboyun olub ki, deyir: "Elə dərd var ki, gəlməyəndə, gərək özün durub gedəsən ayağına...".
Dərdiylə, duyğusuyla, düşüncələriylə, hərdən sezilən kiçicik sevinciylə, sözə güvənərək, dosta arxalanaraq, sevgisinə ümidlənərək yaşayır Dərd Şairi...
Həssas qəlbiylə çoxlarının yersiz iradlarını, haqsız davranışını "udsa" da, kin saxlamır, "dəvə səbri"ylə Haqqa sığınır.
Hətta ona maddi, yaxud mənəvi zərbə vurmuş, onu dəfələrlə incidən kimsəni belə incidəcək təbiətdə deyil. Kin saxlamaz, bir xoş sözə, bir həlim baxışa, bir sehirli "bağışla"ya bənddi ki, bütün günahları əfv etsin. Həlim, sadədən sadə, uşaq kimi xoş münasibətə "aldanan", bəzən fağır, bəzən incidiyi haqsızlıqdan ağlamaq həddinə çatan, amma gözündən yaş çıxmadan içində yanan közü boğub, tüstüsünü siqaretin tüstüsünə qataraq özündən uzaqlaşdıran, nə sevincini, nə kədərini gizlətmək "fərasətində" olmayan Əbülfət Mədətoğlu.
Yaradıcılığının ən gözəl çağındadı, nəsri də, poeziyası da paralel olaraq oxucusu tərəfindən sevilir, qiymətləndirilir. Onun yeganə ən böyük sevinci də məhz bu qiymətdi.
O, jurnalistika sahəsində mənim ilk müəllimimdi. Onun ilk oxucularından olmaq xoşbəxtliyi də mənə nəsib olub. Ürəyi silkələyən misralarına, Qarabağ nisgilinə ilk mən ağlayıram, yurd həsrətinin göynərtisini ilk mən qəlbimdə hiss edirəm, onu əsəbiləşdirən, haldan çıxaran olaylara münasibətində ilk mən təəssüflənirəm, ürəyinə sahib olan sevgisinin ilk pıçıltılarını mən duyuram... Bəzən hisslərinin təsiri ilə yazaraq fərqinə varmadığı redaktə işlərini görməyə də cəsarət edirəm. Təvazökarlıqla qəbul edir və bu da sadəliyin, böyüklüyün nümunəsidir.
Yaradıcılığı haqda kifayət qədər deyilib, yazılıb. Amma onun insan kimi ətrafına, yaxınlarına, kollektivinə, cəmi bir dəfə gördüyü birinə belə yardım əlini uzatması insanlığın gözəl nişanəsidir. Onun, təkcə mən yanında olarkən zəng edib iş düzəltdiyi insanları siyahıya alsaq, bütün respublikanın yarısı onun bacısı, qardaşı, xalaoğlusu, xalaqızısı, əmioğlu-əmiqızısıdır... Bu "qardaş-bacılığın, qohumluğun" ömrü isə o iş düzələnə qədər olur. Həqiqi qohumlarınsa "sağ əli" olan bu insan onların sol yanında - ürəklərində də yeri olmasını istəyir, amma buna nail ola bilirmi?! İşə başladığım gündən anamın: "Əbülfət, Fəridə sənə əmanət!" dediyi vaxtdan bugünə qədər əmanət kimi də yanaşır, bəzən az maaş almağımda da, xəstələnməyimdə də, bir problemlərimin olmasında, hansısa işlərimin düzəlməməsində də sanki özünü günahkar sayır.
Bircə umacağı var şairin: diqqət!
Təbii ki, hamının ehtiyacı olan istəkdir, amma şairin bu istəyi digər istəklərini üstələyir. Hə, bir də onu yaşadan, həyata bağlayan içindəki mübhəm sevgidi. Əlçatmaz olsa da, xəyala, ümidə güvənsə də, bəlli ki, yaşam qaynağıdı.

Mən çox düşdüm çovğununa, bürkünə,
Tale, məni sən bələdin kürkünə!
Altmış ilim dəyməz oldu bir günə,
Sənsizlikdə...

Sadə, səmimi, rahatlıqla ürək qızdırıb söz deyə, sirr verilə bilinən insan Əbülfət Mədətoğlu, şair Əşrəf Veysəlli deyir ki:

Altmışım arxada qalıb haçandı,
Haçandı gözümün yuxusu yoxdur.
Yaşın çətinliyi altmışacandı,
Altmışdan o yana qorxusu yoxdur.

Günlər qanadlanır, uçur - quş olur,
İllərin karvanı ötüşmüş olur.
Ömür yetmişində yetişmiş olur,
Yetmişdən o yana qorxusu yoxdur.

Taleyinə Qarabağ boyda qara yarası, yurd nisgili, "qaçqın" damğası və eyni zamanda el məhəbbəti, oxucu sevgisi yazılmış qohum, dost, sirdaş, böyük ADAM, yaşın mübarək!



YAZARIN ARXİVİ

2019-04-05 : YALTAQ
2019-03-20 : YENİ GÜN OVQATI
2019-03-07 : QADIN
2019-02-22 : QAR QAN AĞLAR...
2019-02-08 : YEYİM,YEMƏYİM?
2018-12-22 : GƏL...
2018-12-08 : ZƏRURƏT
2018-11-24 : ALO...
2018-11-08 : PALÇIQ VANNASI
2018-09-14 : ŞİLLƏTERAPİYA
2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2019-06-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirəcəksiniz?

Evdə (37.5%)
İşdə (62.5%)

ÇOX OXUNAN
GÜNÜN LƏTİFƏSİ

İki kişi restoranda oturublar. Yanlarında ofisiant keçir. Biri ona qışqırır:

- İki pivə xahiş edirəm!

İkincisi əlavə edir:

- Təmiz bakalda olsun xahiş edirəm!

Bir neçə dəqiqədən sonra ofisiant əlində iki bakal pivə gəlir və soruşur:

- Təmiz bakalda kim istəmişdi?





digər lətifələr
ARXİV
FACEBOOK