Film izle hacklink kiralık bahis sitesi satılık bahis sitesi Adalet.az | AQİL ABBAS: EH, AĞA ƏMİ, SƏMİMİYYƏT ELƏ SİZLƏRLƏ GETDİ Adalet.az | AQİL ABBAS: EH, AĞA ƏMİ, SƏMİMİYYƏT ELƏ SİZLƏRLƏ GETDİ Adalet.az | Ədalət -
ANA SƏHİFƏ / YAZARLAR

AQİL ABBAS: EH, AĞA ƏMİ, SƏMİMİYYƏT ELƏ SİZLƏRLƏ GETDİ

25228    |   2018-12-04 10:21
Şriftin ölçüsü:
A+ Böyütmək
A+ Balacalaşdır

Orta məktəbdə oxuyanda Ağa Laçınlının "Səmimiyyət” adlı bir şeirini oxumuşdum. Çox xoşuma gəlmişdi. Dil də o qədər şiriniydi ki, ikicə dəfə oxumaqla əzbərləmişdim. Atam da hərdən qonaq-qara olanda o şeiri mənə dedirdirdi. Və atam da elə bilirdi doğrudan da səmimiyyət qəlbin məhəg daşıdı.

Sonra universitetə daxil olanda (onda unversitet bir dənəydi) Ağa müəllimi gördüm, tanıdım, müəllimimiz oldu. Və gördüm ki, Ağa əmi (mənə çox doğmadır ona görə əmi deyirəm) özü elə səmimiyyətin məhəg daşıdı. Təkcə səmimiyyətin yox, insanlığın da, paklığın da, müəllimliyin də məhəg daşıdı.

Filologiya fakültəsinin qiyabi şöbəsinin dekan müavini, dekanı oldu. O illər filologiyanın qiyməti 5-10 min arasındaydı. Amma Ağa əmi heç 5-10 qəpiyin də yiyəsi olmadı, haram nədi bilmədi. Dünyanın o başı olan Əhmədlidə iki otaqlı "kasıb bir daxmada” ruhu uçub getdi Laçına.

Övladlarına da heç bir var-dövlət qoyub getmədi. Övladlarına paklıq, səmimiyyət, mərdlik, insanlıq və cəsarət qoyub getdi. Çox böyük bir mirasdı. Hər ata övladlarına belə qiymətli miras qoyub gedə bilmir. Elə bir miras qoyub getdi ki, övladları yüz il də xərcləsələr, dost-tanışa pay versələr də, tükənən deyil. Və bir də bu dağlar oğlu istedadını əmanat elədi övladlarına.

Son zamanlar dünyanı da, insanları da belə gördükcə, Ağa əminin bu şeirini tez-tez xatırlayıram.

Eh, Ağa əmi, səmimiyyət, yaxşı kişilər yaxşı at minib getdiyi kimi, sizin kimi yaxşı kişilərlə də çıxıb getdi. İndi səmimiyyət lağ yeri olub. İndi nə qədər səmimisənsə, insanlar sənə bir o qədər yuxarıdan aşağı baxır. Səmimisənsə, belinə çıxmaq istəyirlər. Heç kəs sənin kasıb daxmanı bağrına basmaq istəmir. Heç kəs sənin komanı imarət bilmir, yavan loxmanı bəyənmir. Və səmimiyyət duzu, çörəyi dada gətirmir.

Eh, Ağa əmi, kaş sənin bu şeirini bütün Azərbaycan xalqı əzbər biləydi. Və təkcə əzbər bilmiyəydi ey, həm də yazdığın kimi səmimi olaydı. Onda sənin doğma yurda həsrət nəşini oğlanlarınla birgə mən də çiynimə götürüb Laçına apara bilərdim.

Ağa əmi, amma onu da biləsən ki, o gün Azərin toyuna gələnlərin 95 faizi səmimi insanlarıydı..

P.S. Ağa əminin şeirini bu günkü nömrəmizdə oxuya bilərsiniz.


Ərk ilə evinə gəlmişəm, ay dost;
Görürəm, açıqdır qaşın-qabağın.
Komanı imarət bilmişəm, ay dost,
Nə gərək utanıb tər axıtmağın.

Səndən dünya malı ummayıram mən,
Sanma bəyənmirəm yavan loxmanı.
Doyursan qəlbimi səmimiyyətdən,
Bağrıma basaram kasıb daxmanı.

Sən danış səmimi, kiri səmimi,
Səmimiyyət qəlbin məhək daşıdır.
Söhbət olacaqsa qeyri-səmimi,
Dinib-danışmamaq daha yaxşıdır.

Dostum, doğrultmasa əməl niyyəti,
İnsan necə qalxar, necə ucalar?
Bir ölçü götürsək səmimiyyəti,
Alim var, çobandan geridə qalar.

Bir acı baxışdan sınmış ürəyi
Sağaldan o hansı şirin nemətdir?..
Dada gətirən də duzu, çörəyi,
Elə səmimiyyət, səmimiyyətdir.




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2019-09-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (50%)
"Sevilya" (50%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK