Adalet.az | Əbülfət MƏDƏTOĞLU: NAXÇIVANDA AÇDIĞIM SƏHƏR - ALTINCI YAZI Adalet.az | Əbülfət MƏDƏTOĞLU: NAXÇIVANDA AÇDIĞIM SƏHƏR - ALTINCI YAZI Adalet.az | Ədalət -
ANA SƏHİFƏ / YAZARLAR

Əbülfət MƏDƏTOĞLU: NAXÇIVANDA AÇDIĞIM SƏHƏR - ALTINCI YAZI

«Qızlar bulağı»nda düşündüklərim

13459    |   2018-06-14 14:57
Şriftin ölçüsü:
A+ Böyütmək
A+ Balacalaşdır

Bayırda nəfəs dərmədən ələnən gürşadın səsi «Gənclik» kafesinin içərisində də eşidilir. Səhərin ilk müştərisi olduğumdan kafenin işçiləri demək olar ki, hamısı diqqətlərini mənə yönəldiblər. Hiss ediblər ki, qəribəm. Dilli-dilavər bir oğlan yaxınlaşır mənə. Tanış oluruq. Adı Zakirdi. Bu kafedə yenicə başlayıb işləməyə. Deyəsən adminstratordu. Onun səmimiyyəti, ümumiyyətlə bu kafenin içərisindəki aura diqqətçəkəndi. Mən də bundan istifadə edib ərklə deyirəm:

- Naxçıvan nemətləriylə bir səhər yeməyi keçir könlümdən.

Bu təklifimi Zakir də səmimi qarşılayır. «Heç bir problem yoxdu»- deyir. Süfrəyə pendir, çay gəlir öncə. Əlavə nə sifariş edəcəyimi soruşurlar. Bəs edər» deyirəm. Və Zakirlə söhbət zamanı öyrənirəm ki, mətbuatla, televiziya ilə bağlı gənclərdəndi. Üstəlik, qardaşı da torpaqlarımızın qorunması uğrunda döyüşlərdə qəhrəmanlıq göstərənlərdən, səngərdə düşmənə «dərs» verənlərdəndi. Elə bu söhbət zamanı mobil telefonuma zəng gəlir. Artıq dostlar məni axtarmağa başlayıblar. İlk zəng Hüseyn Əsgərovdandı. Salamlaşırıq. Harada olduğumu soruşur. Otelin yaxınlığında olduğumu söyləyirəm. O da otelin digər bir istiqamətində dayandığını vurğulayır. Dərhal səhər yeməyinin haqq-hesabını verib Hüseynin dayandığı yerə tərəf yönəlirəm. Bəli, bu da xeyli vaxtdı ki, görüşmədiyim dəyərli həmkarım, dostum, gözəl yazıçı-publisist, həm də şuxluğu ilə həmişə məndə və dostlarımda xoş ovqat yaradan Hüseyn Əsgərov! Görüşürük, hal-əhval tuturuq. Yenə özünəməxsus aurasında olan Hüseyn qardaşım məni bir balaca danlayır və oruc tutduğu üçün birlikdə çox ola bilmədiyimizə görə üzrxahlıq edir. Bir-birimizin yazı-pozusu ilə maraqlanırıq. Hüseyn yenicə işıq üzü görmüş kitablarını mənə bağışlayır və bir də həyətinin ilk nübarı olan meyvələrdən nəvələrim üçün hazırladığı payı göstərib deyir:

- Bunu uşaqlara çatdır. İnşallah, özləri gəlib paylarını burda dərib doyunca yeyərlər…

Açığını deyim ki, bu diqqət könlümü bir az da yuxaldır. Hiss edirəm ki, sayğı, münasibət öz təsirini göstərir. Burada məsələ heç də hansısa bir payı, hədiyyəni qəbul etməkdən getmir. Və təbii ki, Naxçıvana səfərimdə məqsəd nə bu paydı, nə də hədiyyə. Amma diqqət tamam fərqli bir şeydi. Bunun üçün Hüseyn qardaşıma bir daha təşəkkür edirəm. O, işə tələsir. Mən isə onun gətirdiyi payı dostlardan birinin maşınına yerləşdirib Naxçıvanın nə vaxtdan bəri adını eşidib ziyarət edə bilmədiyim «Qızlar bulağı»na tərəf tələsirəm…

Bəli, qəribə bir məkandır bu «Qızlar bulağı». Parkdan üzüaşağı düşdükcə gözlərimin önündə Şuşanın qırxpilləkəni canlanır. Pillələri endikcə hər qatda havanın da dəyişkənliyinin təsiri hiss olunur. Lap aşağı enirəm. Gözümün önündə ovulmuş, kahaya bənzəyən bir mənzərə açılır. Bu kaha ansamblın fonunda «Qızlar bulağı» məndə elə bir duyğu yaradır ki, sanki tükdən də nazik, hörümçək sapı qədər diqqətçəkən nazik su axını ələyin gözlərindən üzüaşağı axır. Arası kəsilmədən süzülən bu suların altına ovcumu tuturam. Buz kimidi. Bir azdan ovcum dolur. Suyu içməyə tələsmirəm. Mənə elə gəlir ki, indiki anda daşların arasından qayanı yarıb gələn bu suyu içməkdən çox, onu öpmək, ona səcdə etmək lazımdı. Çünki bu naziklikdə suyun o sərt daşları necə dəlməsinin özü bir möcüzədi.

Doğrudu, burada suların axıb bir yerdə birləşdiyi, bulağa çevrildiyi yer də var. Mən həmin o gözü də seyr edirəm. Amma mənə daha çox eləcə sap kimi üzüaşağı sızıb gələn sular və onun həzin pıçıltısı daha xoş gəlir. Hətta məndə, bulaq başında tellərini meh darayan bir gözəlin saçını da xatırladır. Bəlkə də burada bir sirr, bir möcüzə var. Bilmirəm, amma mənim üçün bu «Qızlar bulağı» doğrudan-doğruya yaddaqalan bir gözəl yer oldu. Elə ona görə də ovcumdakı suyu içməmiş ürəyimdən gəlib keçdi ki, deyəm:

Adını eştimişdim
Gəlib özünü gördüm…
Daşların arasından
Gülən gözünü gördüm –
Qızlar bulağı…

Pıçıltın şeh səsidi
Həzin bir meh səsidi…
Ünvanın görüş yeri
Mən aşiqin bəsidi –
Qızlar bulağı…

Gedənlər dönür sənə,
Pillələr enir sənə…
Ovuc açdım önündə
Atəşin sinir mənə –
Qızlar bulağı…

O, könlümdə mənimlə
Dolaşır addım-addım…
Burda da qoşalaşır
Sevgimlə mənim adım –
Qızlar bulağı…

Ürəyi alıb ələ
Gəlmişəm demə, belə…
Qonaqlarına mənim
Sevgimdən nağıl elə –
Qızlar bulağı…

Bəli, bulağın ətrafındakı həmin o kaha formalı yerlərə bir maraqla, həm də bir az nəyisə öyrənmək istəyi ilə baxıram. Kahanın tavanına əlimi çəkirəm. Çox sərtdi. Amma bu sərtlik adamın əlini incitmir, göynətmir. Görünür, yerin adı, ünvanın özü incə olduğından daşlar da, qaya parçası da ruh oxşayır, könül sevindirir. Düşdüyüm pillələrlə yuxarı qalxıram. Yanılmıramsa, ikinci döngədən sonra burada o mənzərəni tamamlayan bir çay evi var. Düşünürəm ki, Qızlar bulağının suyundan dəmlənmiş bir stəkan çayı içmədən burdan getmək günah olar. Belə də edirəm. Çay gətirilir, özü də qoz mürəbbəsilə. Qiymət də o qədər baha deyil. Paytaxtla müqayisədə havayıdı. Mən ətrafı yaddaşıma, gözümə köçürə-köçürə təəssüratlarımı ürəyimə yaza-yaza çox məharətlə dəmlənmiş bu çayı tələsmədən içirəm. Təyyarənin vaxtına hələ üç saat var. Üstəlik, dostları da işdən ayırmamaq əsas şərtdi…

Bəli, Naxçıvana bu dəfəki səfərimdə cəmi bir gün və bir neçə saat vaxt tapa bildim. İllərdən, aylardan, həftələrdən qopartdım onu. Düşünürəm ki, bu, bir yazı adamı kimi söz qazancım, bir vətəndaş kimi görüb şahid olmaq haqqım, bir insan kimi səyahət hüququm və nəhayət, bu torpağa xüsusi marağı, istəyi olan adam kimi ziyarət şərəfim idi. Bunu mənə Tanrı nəsib etdi!..

Hə, saata baxıb çay evindən pillə-pillə üzüyuxarı qalxıram. Düşünürəm ki, Naxçıvana gəlib onun bazarına baş çəkməmək hardasa qüsur sayıla bilər. Üstəlik, bazarda alış-veriş etməkdən daha çox ordakı reallıqları görmək olduğun yer haqqında adamda əlavə təəssüratlar yaradır. Yəni, alış-verişin özü həmin məkandakı alıcılıq qabiliyyəti ilə yanaşı, adamların tələbatlarını da, istəklərini də büruzə verir, ehtiyaclarını da göstərir. Bax, bu şərtləri daha vacib saydığımdan gəzə-gəzə Naxçıvan bazarına gəlib çatıram. Təbii ki, yolboyu hər səfərimdə diqqətimi çəkən məqamlar yaddaşımda təzələnir. Və mən xüsusi olaraq vurğulamaq istəyirəm ki, Naxçıvan şəhərindəki inzibati binaların demək olar ki, hamısının görünüşü ürəkaçan, göz oxşayandı. Bu binaların arxitekturası müasirliklə milliliyin ortam bəhrəsidi, yəni istər Vergilər Nazirliyinin, istər Ədliyyə Nazirliyinin və yaxud, Səhiyyə Nazirliyinin, eləcə də digərlərinin binaları Avropa stili ilə yanaşı, Azərbaycan memarlığını da ifadə edə bilir. Tam səmimi deyəcəm, burada görüdyüm həmin o binaların ətrafında yaradılmış gözəlliyin özü də adamda xoş əhval yaradır. Xüsusilə, mənim yaddaşımda Naxçıvanın Statistika İdarəsinin binası öz qeyri-adiliyilə qaldı. Və mənim o binaya olan bir marağım geriyə dönüb təkrar onu müşahidə etməyə həvəsləndirdi…

Təbii ki, Naxçıvanda hələ ötən səfərimdə ziyarət etdiyim Hüseyn Cavid əfəndinin, Möminə Xatunun müqəddəs ünvanlarını bu dəfə də unutmamışdım. Onları atüstü də olsa seyr etmək, böyük Cavid əfəndinin ruhuyla bir anlıq baş-başa qalmaq şərəfini əldən buraxmadım…

Beləcə, gəzə-gəzə gəlib çıxdım Naxçıvan bazarına. Bütün bazarlarda olduğu kimi, burada da hər kəs öz işindəydi. Yadıma atamın bir sözü düşdü. Rəhmətlik deyirdi ki, bazarda alan aldanır, satan aldadır. Bilmirəm, bu deyim, bu ifadə Naxçıvan bazarına nə qədər şamil ola bilər, amma alış-veriş olan yerdə alıb-aldatmaq məncə qaçılmaz bir gerçəklikdi. Elə ona görə də bazarı başdan-başa gəzirəm. İstənilən tərəvəz növləri, meyvələr boldu bazarda. Bazarın sənaye və ərzaq məhsulları satılan bölmələri də var. Düşünürəm ki, Naxçıvana gəlib Naxçıvan duzu almadan Bakıya dönmək heç də yaxşı hal deyil. Belə də edirəm. Satıcıdan bir kiloqram narın şəkildə üyüdülmüş Naxçıvan duzu alıram. Özü də duz qiymətinə, yəni bir manata. Düşünürəm ki, süni yolla, yəni texniki üsulla yodlaşdırılmış Masazır gölünün duzundansa, süfrədə Naxçıvan duzunun olması daha məsləhətlidir.

Bəli, dostlar yığışıb, sağolaşmaq məqamıdı. Asim müəllim, Əbülfəz Ülvi Bakıdakı dostlara salam göndərirlər. Görüşün atüstü olmasından o qədər də razı qalmadıqları hiss olunur. Amma mən zamanın darlığına baxmayaraq, dostlarımın bu boyda sevgisinə, diqqətinə layiq görüldüyümü xüsusi fəxarət hissilə dilə gətirirəm. Və bildirirəm ki, onların varlığı, ümumiyyətlə isə Naxçıvanın bugünkü durumu mənim üçün çox önəmli və yaddaqalandı. Çünki mən bu şəhərdə özümü dünyanın ən möhtəşəm ünvanlarından birində hiss etdim. Bir qonaq, bir müsafir kimi gördüm və inandım ki, Naxçıvan dünya şəhəridi. Bunu etiraf etmək lazımdı! Elə ona görə də:

Hər gəlişim ziyarət,
Hər görüşüm şərəfdi.
Dilmidə həm nəqarət,
Həm də özəl tərəfdi –
Naxçıvan!

Oymaq-oymaq dolaşıb
Bulaq-bulaq içirəm.
Yağışına bulaşıb
Mehindən don biçirəm –
Naxçıvan!

İçimdə qəm əridir
Qovuşduğum hərarət.
Doğmalığın sirridi
Səndəki bu məharət –
Naxçıvan!

Yenilməzsən, həm də mərd
Vətən səndə öncədi!
Kökü üstə sərtdən sərt
İncədən də incədi –
Naxçıvan!

… Bu da Naxçıvan Beynəlxalq Hava limanı… bu da 256 saylı Naxçıvan-Bakı reysi ilə havaya qalxacaq təyyarə… Bu da mən, Naxçıvana «hələlik» deyən bir söz adamı…





İmza:

YAZARIN ARXİVİ

2018-07-31 : HAVALI YAZI
2018-02-01 : "O SÖZƏCƏN..."
2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : HAVA
2016-08-12 : MƏKTUB…
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : ÜZ SUYU
2015-11-13 : Tofiq Abdinlə
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : PERSONAJ
2007-10-06 : ƏBƏDİ ÜNVAN
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
SON XƏBƏRLƏR
2018-08-19
2018-08-18
2018-08-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (71.43%)
Yox (28.57%)

ÇOX OXUNAN
GÜNÜN LƏTİFƏSİ
Nəvə nənəsindən soruşur:
- Nənə, qanın dadı necə olur?
- Mən, nə bilim, ay bala?
- Bəs babam deyir ki, sən ömür boyu onun qanını içmisən.
- Babanın beyni yoxdu, boş-boş danışır.
- Bilirəm yoxdu, babam deyir ki, sən onun beynini də yemisən.




digər lətifələr
ARXİV
FACEBOOK