ANA SƏHİFƏ / YAZARLAR

Əzrayılın növbəsi

Nicat Novruzoğlu

31314    |   2018-05-18 10:23
Şriftin ölçüsü:
A+ Böyütmək
A+ Balacalaşdır

Bizdə mədəniyyət var. Ən azından bunu adında mədəniyyət olan nazirliyimizin mövcudluğu ilə bəyan edə bilərik. Deyilənlərə görə əvvəllər lap mədəni olmuşuq. Əvvəllər dediyim dövr müstəqillikdən öncəki zamanı əhatə edir. Bu mədəniyyətliliyimizlik həm də mentalitetdən güc alırmış. Baxmayaraq ki, əsarətdə olmuşuq, amma mentalitet öz sözünü deyirmiş. Gücünü ortaya qoya bilirmiş. Sonra bala-bala mentaliteti əridəndən sonra mədəniyyətimiz də, demək olar ki, büdrəməyə başladı. Hətta mədəniyyətin elə hissələri oldu ki, mədəniyyətsizlik adlandırıb iflic vəziyyətinə saldıq.

Biz mədəniyyətlilərə mədəni deyirik. Onlar hər zaman sıradan biri olanlardan fərqlənirlər. Danışıqları, yerişləri, duruşları fərqli olur. Bu fərqli insanları indiki zəmanədə tapmaq çətindi. Çünki mədəni oldun işin getmir. Tapdalayıb keçirlər. Nə qədər düz və ya səhvəm bilmirəm. Amma bir onu bilirəm ki, bu gün hər kəs bir-birini tapdalayıb önə keçmək istəyir. Kimsə kiməsə hörmət qoymur, bir-birinin haqqını tapdalayır və s. Və ən dəhşətlisi budur ki, bununla da özlərini fərasətli sayırlar.

Naxoşlayırsan. Üz tutursan həkimə. Sözsüz ki, qapıda növbədi. Həkim qapısında növbə olması acı gerçəklikdi. Hamımız xəstəyik. Generalımız saxta dərmanı bizə yedizdirirsə, sağlam olası deyilik ki. Sözsüz ki, həkim qapısında növbə çəkənlər də xəstələrdi. Yaşından, cinsindən asılı olmayaraq. Bir də görürsən ki, bazburutlunun birisi (sözsüz ki, kilo çəkisinə görə yox, tutduğu vəzifə çəkisinə görə) yanında bir tibb bacısı alıb o növbədə dayanan insanların növbəsini tapdalayıb keçir içəri. Nədi-nədi hansısa dövlət qurumunun işçisidir. Bir az da pulu var. Bu da bizim ali təhsillimiz. Yəni ki, mədənilik oxumaqla deyil.

Bu yaxınlarda bir dostum "urset"dən vətəninə dönüb. Danışır ki, hava limanında təyyarəyə giriş başlayan kimi yerlilərimiz necə qapıya hücuma keçdilərsə limanın işçisi qorxdu. Səs-küydən qulaq tutulurdu. Limanın işçisi nə qədər qışqırdı ki, növbə ilə yaxınlaşın, xeyri olmadı ki, olmadı. Sanki birinci keçən Bakıya tez çatacaqdı. Dostum deyir ki, bizdən 4-5 metr aralıda Ermənistana uçan təyyarənin sərnişinləri isə növbəlik sistemi ilə düzülüb qeydiyyatdan keçirdilər. Bu mənzərəni görüb utanıb.

Tıxacdı. Qarşı tərəfin hərəkət istiqaməti boş olsa da ora keçmək olmaz. O daha böyük tıxacın yaranmasına səbəb olar. Əlavə narahatçılıq yaradar. Bir da görürsən ki, qoşa nömrəlilərdən biri qiymətini bilmədiyimiz maşını ilə özünü vurur bu yola. Nədi-nədi, pulu çoxdu. Arxasında duranı var. Bir də ki, söyülməyi xoşlayır-meyillidi.

...Elə bu an səfərbərlik başlayır. İlahi, necə də mədəniymişik biz. Düz xətt üzrə bir növbə var ki, gəl görəsən. O buna can deyir, bu da ona can deyir. O birisi qayıdır ki, qardaş, sən tələsənə oxşayırsan, gəl keç qabağa. O xəstəxanada növbəni tapdalayan yoxa çıxır. Əlində bir sənəd tutub özünü verir yorğanın altına. Qarşı tərəfin yoluna çıxansa elə o sürətlə də girir qarajına. Növbədə də qalır həmin o utancaq dostum.

Əzrayılın qapısında növbə olmur. Yeganə onun qapısıdır ki, orda növbə yoxdur. Daha doğrusu növbəyə duran yoxdu. Hər kəs çalışıb vuruşur ki, onun qapısına gedib çıxmasın. Bu səbəbdən də məcbur olub Əzrayıl özü növbə yaradır. Bizi növbəyə qoyur. Səssiz-səmirsiz. İcazəsiz-filansız. Tam da ədalətli. Ağına-qarasına baxmadan, varına-dövlətinə baxmadan. Qibtə edirəm onun növbəsinə. Noolsun ki, can növbəsidir. Canı da gərək növbə ilə alasan. Yoxsa, dünya boş qalar.

Növbənizi qoruyun.




İmza:

Nərimanov məsələsi - Mehman Cavadoğlu yazır

Prokurorluq Bərdədə ana və qızının qətli ilə bağlı məlumat yaydı

ABŞ DA ÜMUMDÜNYA SƏHİYYƏ TƏŞKİLATINA DEDİ GET İŞİNİN DALINCA, 500 MİLYON DOLLAR YARDIMINI DA KƏSDİ

Gürcüstanı həvəsləndirən Ermənistan yolu: Münasibətlər, əlaqələr və insidentlər...

AZƏRBAYCANIN ƏN GÖZƏL ŞAİRİ AQŞİN YENİSEYİN NƏNƏSİNƏ

Aqil Abbas: "Ay it uşaqları, Ramil Markaryanı yatdığı yerdə öldürməyib..."

Uşaq ədəbiyyatı hansı durumdadır? - Sorğu

Qarabağ qazisindən Prezidentə müraciət: Əməliyyata gücüm çatmır, ayağımı isə itirmək istəmirəm - FOTO

İran və Azərbaycan münasibətlərinə real baxış: Körpü məsələsi...

İlham Əliyev Ağcabədidə taxıl biçininə başlanması mərasimində iştirak edib

YAZARIN ARXİVİ

2018-04-20 : İT GÜNÜNDƏ
2018-03-29 : DAY-DAY
2018-02-12 : XANALIQ
2018-01-24 : Vayına oturum
2017-11-01 : QOL-un içi
2017-10-25 : Nətərsən?
2017-10-17 : FAL QƏLƏM
2017-10-06 : TRANSPLANTASIYA
2017-09-16 : İlk zəng
2017-09-14 : MƏN ÖLƏCƏM
2017-09-11 : MƏN ÖLƏCƏM
2017-08-23 : SAHİBSİZLƏR
SON XƏBƏRLƏR
2020-06-07
2020-06-06


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.39%)
Pullsuz (10.61%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK