ANA SƏHİFƏ / YAZARLAR

EHTİYACDAN QUL EDİLMİŞLƏR

10601    |   2018-05-11 21:36
Şriftin ölçüsü:
A+ Böyütmək
A+ Balacalaşdır

Ayın müəyyən günlərində bankomatların qarşısında adamların toplanmasından pensiyaların verildiyini anlamaq olur. Əksəriyyəti yaşlı olan bu insanların üzlərində elə bir sevinc olur ki o gün, onları izləyəndə sevinmək yox, ağlamaq istəyirsən. Pensiyaların hesaba oturdulması xəbərini alar-almaz tələm-tələsik bankomatlara üz tutanların - Aparatda pul yoxdur! - xəbərdarlığı isə onlar üçün ən amansız xəbər olur. İnkassator günortadan sonra gələcək, xəbəri verilsə də, kimsə nəinki ordan aralanmır, əksinə bankomatın qarşısındakı basabas davam edir. Sabah ertədən hamıdan əvvəl gəlmiş biri yerini "günorta yuxudan oyanıb gələnə" verərmi? Tər-suyun içində olsa da, gözləyəcək. Ayın müəyyən günlərində buraya toplanan insanlar arasında hər dəfə təxminən eyni söhbətin dinləyicisi olursan. Bu söhbətlər pensiyanın azlığından narazılıq - heç dərmanıma çatmır - şikayətindən başlayıb, bazardakı "od bükülən" qiymətlərə, daha sonra nəvələrin yanında xəcalətli, yalançı olmağa qədər gedib çıxır. Əslində, özləri də bilir bunları hər dəfə təkrar-təkrar danışmağın xeyri olmadığını, sadəcə söyləməklə hər biri ürəklərini boşaldırlar. Bir ağsaqqalın isə müdrik sözü hafizəmdə taxılıb qaldı: Keçmişdə kişilər atlarına kişmiş yedirirdilər, amma biz özümüz yulaf yeyə bilmirik.
Pul gəldiyi zaman onları seyr edərək düşünürəm ki, üzlərindəki bu sevinc neçə saat çəkəcək görəsən? Yəqin ki, bir marketə, aptekə, yaxud bazara girənə qədər. Sonra da deyinə-deyinə evlərinə yollanacaqlar. Növbəti ayın bu gününü gözləmə "sevinci" ilə ömürlərini başa vuracaqlar. Və bu sevinc uzun illərin zəhmətindən, övladları yerbəyer elədikdən sonra artıq dincəlmək, səyahətə çıxmaq, qalan ömürlərini qayğısız yaşamaq üçün olan sevinc deyil, sadəcə ölməmək üçün yemək, yaxud müalicə olunmaq üçün dərmanlarının müəyyən qismini ala bilmə sevincidir. İki yüz manata çatmayan bu sevincin ömrü isti yerə düşən qarın ömrü qədər olur.
Deyirlər, toxun acdan xəbəri olmaz. Deyirlər deyəndə ki, bunun, həyatımızda hər gün şahidi oluruq. Mən o toxlarla acların arasındakı az qisim təbəqədənəm və hər an ikincilərə yoldaş ola bilərəm! Həyat təcrübəmdən də qəti əminəm ki, doğrudan toxların aclardan xəbəri olmur, bu söz elə-belə deyilməyib.
Xarici marka maşınını daha yeni çıxan modellə dəyişmək "dərdini" çəkənlə "bu gün balalarım nə yeyəcək?" dərdinin arasında milyon işıq ili fərq var... O pensiyaları ildə üç-beş manat yox, fantastik bir xəyal etsək məsələn, yüz manat qaldırsalar, pensiyaçı sevincdən bayılar yəqin ki. Amma varlı ölkəmizdə o qədər yüz manatı pul saymayanlar var ki...
Yaxınlarda millət vəkili Qüdrət Həsənquliyev Milli Məclisin plenar iclasında çıxışı zamanı dedi ki: Ölkədə artırılan əmək haqları yetərli deyil.
Bir çox sahələr, həmçinin millət vəkillərinin əmək haqqına görə region ölkələrindən geri qalırıq. Hətta bəzən bu bir neçə dəfə az olur". Bura qədərini dinlədikdə alışladım millət vəkilimizi. Amma davamında millət vəkili spiker, millət vəkilləri, baş nazirin maaşının artırılmasını təklif edib: "Prezident administrasiyasının şöbə müdirinin əmək haqqı millət vəkilinin maaşından yüksəkdir. Prezidentin əmək haqqı Seçki Məcəlləsi ilə 15 min manat müəyyən edilib.
Hesab edirəm ki, baş nazir, spiker 10 min, deputatlar 8 min manat maaş almalıdır. Orta əmək haqqının az olduğu dövrdə bu artımın narazılığa səbəb ola biləcəyi düşünülə bilər. Mən şəxsən belə düşünmürəm. Fikrimcə, bu barədə insanlar doğru məlumatlandırılmalıdır. Əsaslandırılmış izah aparılsa, heç bir qıcıq doğurmayacaq".
O, "əsaslandırılmış izah" hər nəysə, ondan kasıb təbəqə üçün də "aparılsa", qıcıq olmarıq. Amma doğrusu, ha istədim ki, özümü tox tutum, qıcıq olmayım, mümkün olmadı. Həm açığı, o izah çox maraqlıdı mənə, nətəər izah eləyəcəklər ki, səkkiz min manatla yüz qırx manatın fərqini ağlayan xalq qıcıq olmayacaq!
Mənim görə bilmədiyim, əslində heç kimin görmədiyi hansı işi görür ki, o deputatlar əməyini səkkiz min manatla dəyərləndirir. Yox, əgər dünya standartlarına, region ölkələrinə uyğun şəkildə müəyyənləşməsini istəyirsə, niyə əvvəlcə onu o kürsüyə layiq bilib seçən xalqın maaşının artırılması qayğısına qalmır? Xalq onu oraya öz güzəranını qurmaq üçünmü seçib? Hətta deputat o qədər səxavətlənib ki, spikerin də maaşının qayğısına qalır. Hörmətli deputatlar, millətin seçdikləri vəkillər, yuxarını izləyin, əmrini, tapşırığını, qulluğunu yerinə yetirin, amma hərdənbir aşağıya tərəf də baxın! Ayağınızın altını da görün, ayağınıza dolaşanları tapdalamayın! Görə bilin ki, ayağınızın altında qalıb əzilməsinlər!!!
Prezidenti də, deputatı da, naziri də - hər bir insanı yetişdirən, onların o səviyyəyə gəlib çatmalarında rolu, əməyi olan müəllimlərin maaşını da yada salın. Nolub deputatlarımıza son illər?
Hadı müəllim deyir, müəllim işdən sonra gedib fəhləlik eləsin. Bizim illərin müəllimlərinin maaşları onları təmin edirdi, kimsəyə möhtac deyildilər və indiki problemləri olmadığından arada pərdə saxlanılırdı, bizə elə gəlirdi ki, müəllimlər yemək yemir, adi insanlardan fərqlidirlər. İndi müəlliminin üzünə ağ olan cəmiyyət yetişib.
Ehtiyacın qul etdiyi qəhrəmanlar zəmanəsi gəlib. Həkimlərə cüzi maaş müəyyənləşdirib, sonra da rüşvətdə günahlandırırıq. Gündəlik ən çox zərurət olan maddi tələbatı, tibbi ehtiyacları ödəmək üçün o pulu necə xərcləmək də qabiliyyət tələb edir.
Jurnalist iki yüz-üç yüz manat maaşa ailə dolandırır və bəziləri durumlarına etiraz edərək çıxış yolunu vicdanının əleyhinə gedərək "reket jurnalist"liyə başlamaqda görürlər. İki yüz manat maaş alıb, dörd yüz manat kredit ödəyə bilən millətik(?!).
Maddi sıxıntısı olan, ən ümdəsi haqqını ala bilməyib ehtiyaclı yaşamaq məcburiyyətində olan insanların ahını almayın, bir gün bu həyatın sonu olacaq. Bir gün bütün bu yaşananlar əfasanə olacaq. Bir gün bu yaşananları yaşadanların cavab vermə günü gələcək. O gün çox amansız olacaq!




YAZARIN ARXİVİ

2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-05-26
2018-05-25


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Çempionlar Liqasının qalibi hansı komanda olacaq?

"Real" Madrid (53.33%)
"Liverpul" (46.67%)

ÇOX OXUNAN
GÜNÜN LƏTİFƏSİ
İki qadın söhbət edir:
- Az, ərin sənə pul verir heç?
- Həə, əlbəttə, nə vaxt istəyirəm verir.
- Doğrudaaaan?! Necə alırsan ki? Deginən biz də alaq da, bizimki heç vermir.
- Atamın xarabasına gedərəm bir də geri dönmərəm - deyirəm.
- Aha, sonra?
- O da həmin dəqiqə çıxarıb yol pulu verir.




digər lətifələr
ARXİV
FACEBOOK