ANA SƏHİFƏ / YAZARLAR

Əbülfət MƏDƏTOĞLU: SUSMAQ DİQQƏTDİRMİ?!

Qurduğum xəyallar sərhəd tanımır

10825    |   2018-05-11 13:02
Şriftin ölçüsü:
A+ Böyütmək
A+ Balacalaşdır

Həyatım boyu önəm verdiyim və hər kəsdən də umduğum və çəkinmədən də dilimə gətirdiyim bir istəyim olub. O da DİQQƏTDİ! Kim necə istəyir başa düşsün. Mənim əxlaqıma, mənim düşüncəmə, mənim inancıma görə, insanı yaşadan bütün vacib şərtlər içərisində diqqət xüsusi yer tutur. Yəni diqqət göstərilən insan özünün gərəkli olduğunu, özünün yaşadığını hiss edir. Və bu da ona impuls verir, ona uzadılan əl kimi onu çəkib quyudan çıxarır. Bax, bu mənada mən dostlarımdan, onların ölkənin harasında yaşamasından asılı olmayaraq, yerdən göyə qədər, hətta ondan da yuxarıya qədər razıyam. Onlar günün, hadisənin barometri kimi dərhal, özü də təmtəraqsız, necə var bu formada da səsləriylə, sözləriylə, telefon mesajlarıyla yanımda olurlar, harayıma çatırlar. Və israrla da məni öz yanlarına dəvət edib haraylayırlar. Bax, bu elementar bir insani addım mənə yandırılan yaşıl işıq, mənim üzümə açılan bir qapı kimi hər vaxt yadımdadı, yaddaşımdadı, həyatımdadı.. Lap çılpaq desəm, Naxçıvandakı dostlarımdan tutmuş Gəncədəki, Şəkidəki, Ağstafadakı, Balakəndəki, Lənkərandakı... bir sözlə, bütün Azərbaycandakı dostlarım bir diqqət simvoludu mənim üçün. Mən də o diqqətin həm daşıyıcısıyam, həm də onun üzvü. Axı təsir əks təsir yaradır. Görüb götürmək, öyrənmək azacıq ağlı olan hər kəsin həm haqqıdı, həm də borcudu...

Bəli, son günlər içimdən bir istək gəlib keçib. Bir dostun, bir yaxının təşəbbüsüylə Bakıdan bir az uzağa çıxmaq, bir az mühiti dəyişmək istəyirdim. Amma müəyyən səbəblərdən gerçəkləşmədi bu səfərim. Bunu yazmaqda, qeyd etməkdə məqsədim var. Yəni etiraf etmək istəyirəm ki, mənim bu səfərimlə bağlı xəbər tutmuş dostlarım hamısı telefon açıb səbrsizliklə gözlədiklərini, qarşılayacaqlarını o qədər doğmalıqla dilə gətirmişdilər ki, inanın, özümü artıq onların yanında hiss etmişdim. Səfər müvəqqəti təxirə salınsa da, onların səmimiyyəti mənə əvvəldə dediyim həmin o diqqəti təkrar xatırlatdı. Mən Allahımdan bir daha razı qaldım ki, O mənim üçün bu cür dostlar seçimində yardımçı olur. Mən yanılmamışam onları seçməkdə, onlara güvənməkdə. Ona görə də üzümü dostlara tutub bir üzrxahlıqla demək istəyirəm ki, yaxşı ki, varsınız və sizin varlığınız mənim Allahdan dilədiyim ən böyük diləklərdən biridi, etdiyim ən səmimi duaların birincilərindəndi. Və...

Bəli, insan özünə qapılanda, öz dünyasına çəkiləndə iki halın çözümündə bir fürsət qazanır. Onlardan biri həmin o təklikdə özünü görməkdi, özünü kitab kimi oxumaqdı. İkincisi də o təklikdə kimlərin səni arayıb-axtarması faktı ortaya çıxır. Görürsən ki, öz təkliyin içində də səni tək qoymayanlar var. Amma neyləyim ki, həmin təkliyin bütün incəliklərini, bütün çılpaqlıqlarını görən, duyan və onu mənə yaşadan sən isə kənardan əlini qaşının üstünə qoyub baxmaqla kifayətlənirsən. Və bilirsən ki, bu baxışın özü də o təkliyə düşən işıqdı. Və mən də bu işığa görə, təkcə yaşamağı, düşünməyi deyil, həm də yaşımın bu çağında da sevməyi öyrənəcəm və yazacam:


Kirpiyimdə yaşı sayma

Qopmuş qaya daşı sayma...

Sən gəl, məni naşı sayma -

Mən sevməyi öyrənəcəm...


Dilimdəki aha gülmə

Ucuz bilib baha gülmə...

Az qalıbdı, daha gülmə -

Mən sevməyi öyrənəcəm.


Ruhu sap-sap sökdürsəm də

Ürəyimi çökdürsən də...

Üstümə daş tökdürsən də -

Mən sevməyi öyrənəcəm.


Nədir çəkən bizi geri

Eşir dəmin dizi yeri!

Dönəcəksən üzü geri -

Mən sevməyi öyrənəcəm.


***

Hə, indi bir ipucu axtarıram. O ipin ucundan tutub getmək, getmək və gedə-gedə də niyə, nədən və kimdən getdiyimi anlamağa çalışıram. Amma neyləyim ki, sadəcə bir istəyin özü də mənə yaxın düşmür, nə də məni özünə yaxın buraxmır. Bilmirəm harda oxumuşam, ya da eşitmişəm. Bütün yollar harasa gedir. Və indiki anda mənə elə gəlir ki, bütün yollar mənim gözümün önündəki ünvana tərəf istiqamətlənir. Və gözümün önündəki o ünvan heç yerindən tərpənmir. Dayanıb gözləyir. Yollar isə uzanır, calanır bir-birinə... Çox qəribədir. Görəsən heç bitməyən yol varmı? Kimsə bilirmi bu sualın cavabını? Mənə görə hər yol, hər cığır bir insandı, bir fərddi. İnsanın dünyaya gəlişiylə başlayıb dünyadan gedişiylə bitir. Bu, pessimist, hüznlü fikir olsa da bunun içərisində insanın bir cismaniliyi özünü göstərir. Amma o da var ki, dünyasını dəyişən aydınlar, işıqlar, dahilər də var. Bəs onların yolu? Axı onlar da normal yanaşmada bizlərdən biridi. Yəni doğulub ölənlərdən biri. Nə isə... Bu sual çox su aparan xəmirə bənzəyir. Ona görə üstünə çox getmirəm. Qoy hər kəs bildiyi kimi fikirləşsin, bildiyi cavabı həmin sualın qarşısına yazsın. Mən isə həmin o tərpənməyən ünvana baxa-baxa axtarışlarımı davam etdirirəm. Və yenə də görürəm ki, bir şeirdə yazdığım kimi, hər anımda, hər fikrimdə sən mübtədasan. Sən onun şah damarı, baş qəhrəmanısan. Ona görə də sənsizlik anlayışını dilimdən, leksikonumdan, düşüncəmdən silməyə qərar verirəm. Bilmirəm gücüm çatacaq, ya yox. Amma bir halda ki, hər anımda sən varsansa, onda mən də elə sənin hər anında yəqin ki, varam. Bu, özüm haqqında bədgümanlığa bənzəsə də, amma içimdən gəldi, ona görə yazmaya bilmədim.


Yazdım ki:

Kirpiklərimdən damır

Çətirini götür sən...

Bu halda da gedərəm -

Məni hara götürsən....


Düşdüyüm boran, qarla

Ürəyim susuz tarla...

Günəşim kimi parla -

Buludumu ötür sən!


Nuh dövründən qalığam

Az qalıbdı lalıxam...

Ovcundakı balığam -

Əzab vermə, öldür sən!


Həsrəti talayaram

Ruhumu qalayaram...

Duz kimi yalayaram -

Mənə səni gətirsən!


Necədi? Xoşuna gəldimi? Yəqin ki, yox! Çünki şit, bayağı, bir az da şişirdilmiş görünəcək bu dediklərim, bu yazdıqlarım. Elə biləcəksən ki, xoşuna gəlmək üçün aktyorluq edirəm, rol oynayıram, səhnə yaradıram. Olsun! Belə düşünmək sənin haqqın... Amma mənim də haqqımı tapdalama. Necə yazıramsa, necə deyirəmsə, bir dəfə də onu eləcə gör, eləcə qəbul et! Onda biləcəksən ki, tərəzinin iki gözü var, baxış bucaqları da müxtəlifdi. Axı, adamı olduğundan böyük və yaxud kiçik göstərən, yəni əks etdirən güzgülər mövcuddur. Bir də sənin və bütün qadınların çantasında gəzdirdiyi güzgülər. Yəqin ki, nə dediyimi, nə yazdığımı təxmin edirsən. Əgər etdinsə, onda biləcəksən ki, tərəzinin bir gözündəki haqq da mənimdi. Mən bu haqqın tapdanmasını heç arzu etmirəm. Ümumiyyətlə, Tanrının bəndələrinə verdiyi haqqı elə bəndələrin özlərinin tapdaması günaha yazılan məqamlardan biridi. Sən o məqama yaxın durma. Və...


Mən ki kədər dəlisiydim

Sevinc göndərib küsdürdün...

Yatmış bir vulkan kimiydim -

Mənimlə birgə püskürdün...


Bir anda dəyişdi həyat

Çaşdım durduğum yeri mən...

Ürəyim açdı qol-qanad -

Dönə bilmədim geri mən...


Dörd tərəf sonsuz qəm, kədər

Qaldım atdığın adada...

Sevinc daşlaşdı o qədər -

Qoymadı düşüm yada da!..


***

İnsanda yaddaş yerində olursa və bu yaddaşın üstünü toz basmırsa, bunun özü bir xoşbəxtlikdi. Doğrudur, bu xoşbəxtliyin kölgəli tərəfi də var. Yəni yaddaş bir saxlanc kimi, yəni bir mücrü kimi, bir sandıq kimi hər şeyi yığır öz daxilinə - yaxşını da, pisi də. Bax, insanın yaddaşı fəal olanda yaxşını xatırladığı kimi, pislikləri də unutmur. Amma mən çox istərdim ki, yaddaşın o pislik toplanan bölməsi ya dondurulsun, ya da ümumiyyətlə, həmin hissə olmasın. O bölum Tanrı tərəfindən silinsin. Deyə bilərsiniz ki, bəs onda insanlığın düşməni olan erməniləri necə, onları da yaddaşdan silək? Onların pisliklərini unudaq?

Bəli, haqlı və yerində səslənən sualdı. Amma bu sualdan öncə mənim ifadə etdiyim təklifə diqqət yetirin. Mən axı dedim ki, bütün pislikləri... Deməli, o pisliklərin içərisində erməni də gedir...

Hə, indiki anda yaddaşla üz-üzə dayanıb həmsöhbət olmaq mənə əvvəldə söylədiyim diqqətin qapısına qayıtmaq imkanı verir. Yəni yazımın əvvəlində dostlarımın, onların timsalında duyduğum, hiss etdiyim, yaşadığım diqqəti qabartmışdım. Elə yazımın sonunda da həmin yerə, həmin qapıya dönürəm. Axı, ürək istəyən yerə ayaq yüyrək gedər. Bir də harda arzulanırsansa, harda yerin görünürsə, orda olmaqdan, ora getməkdən gözəl nə ola bilər ki? Vay odur ki, gözlənmədiyin yerdə gözə dəyəsən. Və bu da sənə qarşı xoş olmayan bir münasibətin yaranmasına səbəb ola. Sən də bunu duyasan, yaşayasan və içində çiliklənəsən...

Hər halda, hər kəs öz qibləsini tanıdığı kimi, yəqin ki, öz yerini də, ona olan münasibəti də az-çox bilir. Mənim söylədiklərim, yazdıqlarım ən yaxşı halda bir xatırlatmadı. Özü də təkcə sizin üçün yox, mənim elə özüm üçün də. Mən özüm özümə xatırladıram ki, xəyal qurub gözlənildiyimi düşündüyüm yer, yəni sənin yanın mənə üzərinə "giriş qadağandı" yazılmış qapını xatırladır. Neyləyim ki, xəyalım, elə ruhum da o qadağanı aşıb keçir. Axı deyirlər ruh da, xəyal da qadağaları qəbul etmir, onlara məhəl qoymur. İndiki anımda mən bu deyimə, bu fikrə tam inanıram və ikiəlli səs verirəm. Üstəlik, onu da demək istəyirəm ki, yaşanan hisslər, duyğular mənim üçün son nəfəsdi. O nəfəs isə...

Çox dolanbac bir yolu gəzib gəlmiş və gəldiyi ünvanda da kimsə tərəfindən qarşılanmayan birisi kimi mən yalnız özüm-özümə təsəlli vermək imkanındayam indi.

Başqa bir imkanım, başqa bir üz tutağacım yer, məqam, şərait, hətta əhval belə ağlıma gəlmir. Ona görə də kağızla qələmin həmsöhbət olmasına üstünlük verirəm.


Və xəyalımın aşıb qarşısında dayandığı ünvan sahibinə deyirəm:

Sən özün bilərsən nə düşünürsən

Mənim yaşadığım bu sevgi haqqdı!

Gözlərim görür ki, tək üşüyürsən -

Mənim güvənc yerim, bu sevgi haqqı!


Sən ovsan, mən ovçu - gəldik bərəyə

Dağı düzə çəkək, düzü dərəyə...

Bir dəfə pay düşür bil ki, hərəyə -

Belə bir sevgidən, bu sevgi haqqı...


Tut oda, tut suya, günə yönünü

Bəzə xəyal ilə bütün ömrünü...

Heç vaxt uduzmazsan, açıb könlünü -

Sən məni sevginən, bu sevgi haqqı!


Ürək söz çəməni, çiçəklər tər söz

Könlün istəyəndə, çəkinmə, dər söz...

Mənə təsəllidi dediyin hər söz -

Doymuram sevgindən, bu sevgi haqqı!..


Deməli, bütün bu yazılanlar, bütün bu deyilənlər əslində özü də toplum halında bir DİQQƏTdi - hamıya, hər kəsə, xüsusilə sənə! Bəs səndə necə? Sənin baxış bucağın altında mənim diqqətim necə görünür?!.

... Susursan... Bunu diqqətəmi yozum?..




İmza:

YAZARIN ARXİVİ

2018-02-01 : "O SÖZƏCƏN..."
2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : MƏKTUB…
2016-08-12 : HAVA
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : ÜZ SUYU
2015-11-13 : Tofiq Abdinlə
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : PERSONAJ
2007-10-06 : ƏBƏDİ ÜNVAN
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
SON XƏBƏRLƏR
2018-06-23
11:09 İNSAN
2018-06-22
17:29 ÜMİD


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Sizcə bu komandalardan hansı çempion olacaq?

Braziliya (36.37%)
Argentina (9.09%)
İspaniya (18.18%)
Almanıya (36.36%)
Fransa (0%)

ÇOX OXUNAN
GÜNÜN LƏTİFƏSİ

Ermənilərlə bacı-qardaş olduğumuz vaxtlardı. Moskvada Yazıçılar Evinin restoranında Zakir Fəxri yeyib-içir. Bu vaxt bir erməni yazıçı da gəlib onunla bir stolda oturur. Hesab vaxtı gələndə erməninin 20 qəpiyi düşür stolun altına. Erməni əyilib pulu axtarır. Zakir Fəxri dərhal bir iyirmi beşliyi yandırıb tutur stolun altına, erməniyə deyir:

- Kirvə, axtar.

Erməni pərt olur. Restorandan çıxırlar, asılqandan paltolarını götürəndə erməni Zakirin acığına asılqanda işləyən kişiyə bir əllilik verir.

Zakir əlini atır cibinə, görür ki, o qədər pulu yoxdu, əlini yelləyib deyir:

- Brat, paltonu bağışladım sənə, geyinərsən. Mən dünən QUM-dan fransuzski əla bir palto almışam.





digər lətifələr
ARXİV
FACEBOOK