ANA SƏHİFƏ / YAZARLAR

Faiq QİSMƏTOĞLU: DÜNYANIN ƏN GÖZƏL QIZI

14585    |   2018-03-30 14:33
Şriftin ölçüsü:
A+ Böyütmək
A+ Balacalaşdır

… Onda dünyanın ən gözəl qızının 7-8 yaşı vardı. Və 7-8 yaşlı bu qız həmişə anası Xanım bibimlə və Həqiqət bibimlə bizə gələrdi. Gələn kimi də öz şıltaqlığı, öz dəcəlliyi və öz şirinliyiylə bizi ovsunlayardı. Həyətə düşərdik, ya qaçdı-tutdu oynayardıq, ya da başqa maraqlı oyunlar oynayardıq. Onun bizə gəlməsi həmişə toy-bayram idi. Çünki bizə gələndə sanki evimizdə günəş doğur, işıq olur və hər tərəfdə yaz ətri hiss eləyirdin…

… Bizə tez-tez də gəlməzdi. Ən yaxşı halda ildə bir-iki dəfə Xanım bibimə qoşulub qapımızı açardılar. Və biz qardaş-bacılar da dünyanın ən gözəl qızının gəlməsini səbirsizliklə gözləyərdik. Və bəzən də onu görməyəndə çox darıxardıq. Deyərdik ki, görəsən Nəzakət bizdən küsüb, ya yox?! Heç küsəyən qız da deyildi. Amma çox şirin, çox da dəcəl qızıydı…

Bəhmənliyə kəndirbaz gəlmişdi. Və bu kəndirbaz heç də bizim tez-tez kəndimizə gəlib çıxan deyildi. Kəndirbaz gələndə kolxoz həyətində tamaşaya o qədər adam yığılardı ki, iynə atsan yerə düşməzdi. Və bu kəndirbazlar da bir-birindən maraqlı nömrələr göstərərdilər. Ya nazik məftilin üzərində atılıb-düşər, ya da stolu o məftilin üzərinə qoyub onun üstündə akrobatik hərəkətlər eləyərdi. Onun hər nömrəsi alqışlarla qarşılanırdı. Və dünyanın ən gözəl qızı da kəndirbaz kəndimizə gələndə həmin tamaşaya baxardı. Kəndirbaz gedəndən sonra isə biz də kəndirbazlıq eləmək istəyirdik. Çünki kəndirbazdan dünyanın ən gözəl qızının xoşu gəlirdi.

… Bir dəfə bizə gələndə dedim ki, sənin kəndirbazdan yaman xoşun gəlir. O isə başı ilə təsdiq elədi, yəni «xoşum gəlir» - dedi. Bunu eşidən kimi həyətimizdəki iki gilanar ağacının arasında bir məftil bağladıq və əlimizə də uzun bir ağac alıb onun üstünə çıxdıq. Daha doğrusu, onun üstünə mən çıxdım. Ordan təpəsi üstə necə yerə yıxıldımsa, bir də gördüm başımdan qan axır. Və dünyanın ən gözəl qızı da buna baxıb gülür. Gülə-gülə dedi ki, səndən kəndirbaz çıxmaz. Başımın yarıldığını eşidən Xanım bibim də bunu görüb dünyanın ən gözəl qızına bərk əsəbləşdi və düşdü Nəzakətin üstünə. Dişinin dibindən çıxanı ona dedi. Dedi ki, ay canı yanmış, bu uşağı qızışdırıb nə o məftilin üzərinə çıxarmısan?

Özümü toparlayıb Xanım bibimi sakitləşdirdim. «Nəzakətin heç bir günahı yoxdur» – dedim. Mən özüm kəndirbazlıq elədim. Guya forslandım ki, onun xoşuna gələm. Sonra Xanım bibim güldü və dedi: «Ay pir olmuş, sən Qismətin oğlusan ey, nə kəndirbaz-zad. Dünya dağılsa da mən kəndirbaza qız vermərəm. Ancaq siz yaxşı oxusanız, dərslərinizdən beş alsanız, bax, Nəzakəti sizdən birinə verəcəyəm».

… İllər keçdikcə biz böyüyürdük. Və Nəzakət də məndən iki yaş böyük idi. Hər dəfə Xanım bibim gələndə soruşurdu ki, dərsinizi necə oxuyursunuz. Biz də Nəzakətin xoşuna gəlmək üçün bir-birimizin bəhsinə dərslərimizdən «beş» alırdıq. Elə rəhmətlik Xanım bibim həmişə bu sözü tez-tez dilinə gətirərdi. Sanki o bizi ruhlandırır və deyirdi ki, yaxşı oxuyan həmişə gözüaçıq və alnıaçıq olur.

… Üç qardaş üçümüz də orta məktəbi yaxşı oxuduq. Birimiz tarix fakültəsinə, birimiz jurnalistika fakültəsinə, birimiz də hüquq fakültəsinə qəbul olduq. Bəlkə də Xanım bibimin o sözləri olmasaydı, biz bir o qədər də yaxşı oxuya bilməzdik...

… Onlar hamısı uşaqlıq illərinin yaddaqalan anlarıydı. Amma elə ki, böyüdük, biz dünyanın ən gözəl qızını öz bacımız kimi sevdik. Hətta onu böyük qardaşıma atam almaq da istəyirdi. Buna nə qardaşım razı oldu, nə də Nəzakət. Biri dedi bacımdı, biri də dedi qardaşımdı. Gör neçə illərdi bu qardaş-bacı münasibətləri davam eləyir. Gör neçə illərdi xanım bibimin, Həqiqət bibimin bizim aramızda yaratdığı çox böyük məhəbbət və istək hər birimiz tərəfindən davam etdirilir…

Xanım bibim çox gözəl plov bişirərdi. Qarabağlılar plova aş deyirlər. Atam rəhmətə gedəndə bir gündə yas məclisində yeddi-səkkiz böyük qazan aş dəmləndi və camaat da bildi ki, bu plovu Xanım bibim bişirib. Düzdür, o bizdə atam rəhmətə gedəndə plov bişirmişdi. Amma evlərinə gedəndə də ondan da gözəl plov dəmləyərdi. Plovu yeyəndən sonra adam doymaq bilmirdi. Və düşünürdü ki, bir də Xanım bibimgilə nə vaxt gələcəyik ki, o dadlı plovdan yeyə bilək...

Xanım bibim də dünyasını dəyişdi. Sonra da Həqiqət bibim Allah dərgahına qovuşdu. Və hər iki yas məclisində iştirak eləyəndə onların yoxluğuna inana bilmirdik. İnana bilmirdik ki, bu gözəl mələk kimi insanlar haqq dünyasına qovuşub. Xanım bibimin də, Həqiqət bibimin də ətrini Nəzakətdən alırıq. Hətta mənim həyat yoldaşım Rəhilə xanım deyir ki, Xanım bibin yoxdu, Həqiqət bibin yoxdu, onun yerində şükür Allaha Nəzakət xanım var. Bax, biz də Nəzakəti görəndə elə bil ki, bacımızı görürük. Elə bil ki, Xanım bibimlə, Həqiqət bibimlə görüşürük…

Dünyanın ən gözəl qızına Bəhmənlidə çoxları elçi düşmüşdü. Ancaq o, öz seçdiyi, ürəyinə yatan insanla ailə qurdu. Çox yaxşı da övladları var. Səhv eləmirəmsə, oğlu polis orqanlarında işləyir. Əsas məsələ odur ki, bu ocaqda, bu yurd da həmişə səmimiyyət və meribanlıq olub. Və bizim xeyir-şərimizdə dünyanın ən gözəl qızı bacılarımızdan seçilməyib. Yəni bacılarımızla necə görüşürüksə, onunla da belə bir səmimiyyətlə görüşürük…

Novruz bayramı ərəfəsində onun mobil telefon nömrəsini bibim oğlu Tehrandan öyrənib zəng vurmaq istədim. Bibim oğlu Tehran da elə-belə oğlan deyil. Bir dəqiqənin içərisində istəsən sənə Amerikanın prezidenti Trampın da telefon nömrəsini öyrənib deyə bilər. Və heç kimin aşıra bilmədiyi işi bibim oğlu Tehran bacarır.

Dünyanın ən gözəl qızına zəng elədim. Əvvəl tanımadı. Sonra dedim ki, Qismət kişinin oğlu Faiqdi. Bax, onda səsi titrədi və kövrəldi. Bir anlıq sevincindən bəlkə də şoka düşdü. Handan-hana dilləndi: «Elə bil dünyanı mən verdin. Bu Novruzda heç kəs sənin qədər məni sevindirə bilməmişdi. Bax, indi gördüm ki, mən tək deyiləm. Arxamda sizin kimi etibarlı, namuslu, qeyrətli qardaşlarım var. Və siz də heç vaxt məni çətin gündə darda qoymamısınız. Səndən bir xahişim var: haçan kəndə gəldin, Rəhiləni, Emini götür gəl bizə! Gör maman qızı sizə necə süfrə açır. Allah sənə o bir oğlunun toyunu görməyi qismət eləsin! Bax, onda bacın Nəzakət o toyda ayaqyalın oynayacaq».

… Telefonu söndürəndən sonra özüm də kövrəldim. Və yadıma rəhmətlik Xanım bibim, Həqiqət bibim düşdü. Və yadıma onlara qoşulub uşaq vaxtı bizə gələn Nəzakətin o dəcəlliyi, o şirinliyi gəldi. Rəhmətlik atamın, anamın onların gəlişindən necə sevindiyini, necə fərəhləndiyini xatırladım. Həyətimizdə atamın göstərişiylə bu gəlişə qoçun necə kəsildiyi və kababın necə bişirildiyi gözümün önünə gəldi. Bir anlıq doğmalarımla sanki qovuşdum…

Elə bildim ki, Nəzakətlə telefonla danışanda rəhmətlik Xanım bibimin, Həqiqət bibimin ruhları da xəbər tutdu, dincəldi. Qohumların bir-birini axtarması, bir-birinə gedə bilməsə də, bayram günlərində zəng vurması inanın, dünyasını dəyişən doğmaların da ruhuna bir sığal çəkir. Və düşündüm ki, bu hərəkətimlə bir daha bibim qızı Nəzakətə arxa olduğumuzu, söykək olduğumuzu göstərmişik. Və bir daha dünyanın ən gözəl qızı hiss elədi ki, o tək deyil. Onun başının üstündə Allah var, arxasındasa mənim kimi, Elxan kimi doğmaları durub.

… O günü dünyanın ən gözəl qızını bəlkə də Allah sevindirdi. Çünki birdən-birə yadıma düşdü və ona telefon açdım. Allah-Təala heç vaxt heç kimi yaddan çıxarmır. Qəlbimizdə olan bu sevinci, bu istəyi, bu səmimiyyəti biz doğmalarımızdan heç vaxt gizlətməməliyik. Ən azından ona görə ki, onlar bu istəyi, bu səmimiyəti hiss edəndə qəlblərində və ürəklərində bir yaz təravəti, bir yaz işığı hiss edirlər…




İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
Ücretsiz php script indir film izle hd film izle ikinci el eşya alanlar shell indir hacklink satışı
SON XƏBƏRLƏR
2018-11-14


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Gəlin günahkardır, yoxsa qaynana?

Gəlin (66.67%)
Qaynana (33.33%)

ÇOX OXUNAN
GÜNÜN LƏTİFƏSİ

Seyran Səxavət Vaqif Səmədoğluna:

- Vaqif, yetmiş beş yaşın tamam olur , bu kasıb şairləri yığ sənin bu yubileyini bir yaxşıca yuyaq.

Vaqif Səmədoğlu:

- Seyran, inşallah, bu yaxınlarda yığışıb mənim özümü yuyarsınız, sonra da ehsan veriləndə babat yeyib-içərsiniz.





digər lətifələr
ARXİV
FACEBOOK