ANA SƏHİFƏ / MÜSAHİBƏ

“Bir dəfə Mübariz Qurbanlı səhv salmışdı, elə bilmişdi İlqar Məmmədovam”- millət vəkilinin hadisə açıqlamaları

28058    |   2018-02-21 15:39
Şriftin ölçüsü:
A+ Böyütmək
A+ Balacalaşdır

Elşən Musayev:"Əli Kərimlinin cəsarəti çatıb bu gün də debata gəlsə..."

"Yeni Müsavat” qəzetinin növbəti qonağı millət vəkili, Demokratik Maarifçilik Partiyasının sədri Elşən Musayevdir. Qeyd etmək yerinə düşər ki, Elşən bəy media ilə əməkdaşlığa xüsusi önəm verən siyasətçilərdəndir və saytımızda müntəzəm yazıları ilə çıxış edir. Milli Məclisin deputatı müsahibə təklifimizi də geri çevirmədi və ofisimizə təşrif buyurdu. Onunla olan son dərəcə maraqlı söhbətin ikinci hissəsini oxucuların diqqətinə təqdim edirik.

(Əvvəlli ötən sayımızda)

- Seçkidən sonra necə, siyasi komandada ciddi dəyişikliklərin olacağını gözləyirsiniz?

- Məncə, bu barədə nəinki danışmağım, hətta ehtimal yürütməyim belə etik baxımdan düz çıxmaz. Komanda dəyişikliyi ilə bağlı səlahiyyət sahibi cənab prezidentdir. Kimin harda olacağına o qərar verir. Qalan hər kəs yalnız fərziyyə irəli sürə bilər. İndiki hökumət yetərincə güclü və rentabelli hökumətdir. Nazirlərin əksəriyyəti ilə şəxsi münasibətim var, hamısı işinin peşəkarıdır. Şəxsən öz timsalımda deyə bilərəm ki, deputatlara münasibətdə də son dərəcə böyük hörmət və ehtiram nümayiş etdirirlər. İndiyə qədər xatırlamıram ki, kiməsə zəng edim, telefon qaldırmasın. Təbii, bu zəngləri ərkim və səlahiyyətim çərçivəsində, seçicilərimin problemləri ilə bağlı edirəm və qarşı tərəfin də əlindən gələni əsirgədiyini görməmişəm. Yəni demək istədiyim budur: komanda onsuz da dəyərli və sanballı insanlardan təşkil olunub. Amma qarşıdakı dönəmlərdə kim gedəcək, kim qalacaq, bu mənə və mənim mülahizə predmetimə aid məsələ deyil.

- Bu yaxınlarda keçmiş vergilər naziri Fazil Məmmədov Mikayıl Cabbarovla əvəzləndi. Sizcə, buna səbəb nə idi və yeni nazirdən müsbət gözləntilər varmı?

- Fazil Məmmədovu indiyə qədər yalnız rəsmi tədbirlərdə, uzaqdan-uzağa görmüşəm. İşdən çıxma səbəbi isə təfsilatlı şəkildə olmasa da, təxmini formada hər birimizə bəllidir. Amma bu haqda danışmaq istəmirəm. Ən azından Fazil Məmmədov indi vəzifə başında deyil. Ona görə. Vəzifədə ola-ola bu sual verilsəydi və mən də iradlarımı bildirsəydim görüntü etibarilə də, səmimiyyət etibarilə də daha təbii effekt almaq olardı. İndi isə nəsə söyləsəm, anlaşılmazlığa yol açmış olaram. Bu səbəbdən artıq heç nə danışmayım. Yeni nazirdən gözləntilərə gəlincə isə... Mikayıl Cabbarovu şəxsən tanıyıram, biz tələbə yoldaşı olmuşuq, həmişə münasibətimiz qarşılıqlı hörmətə əsaslanıb. Üstəlik, fikirlərimizdə, həyata baxışımızda da oxşar cəhətlər yetərincədir. Mikayıl müəllim billur təmizliyində olan biridir, hiper həddə aristokrat insandır. Ən əsas da işçi qədrini biləndir. Təyinatdan sonra onunla bağlı yalnız xoş xəbərlər gəlib. Mən inanıram ki, bu dinamikanın davamı olacaq və Mikayıl Cabbarov əgər mən tanıdığım insandırsa, 3-4 ay sonra onun tabeçiliyində olanlar, eyni zamanda iş adamları yeni nazirin başına and içəcəklər. Cənab prezidentə də minnətdar olacaqlar ki, bu posta bir başqasını deyil, məhz Cabbarovu təyin edib.

- Elşən bəy, istənilən siyasətçinin ən böyük arzularından biri millət vəkili olmaqdır. Millət vəkilinin arzusu nədir bəs? Paralel olaraq ikinci sualı da verim, mümkünsə hər ikisini eyni anda cavablandırın: Hamı dərdini deputata deyir, deputat dərdini kimə deyir?


"Həbsdən çıxdığı zaman da ilk debat təklifini ona mən göndərəcəm”

- Özümü tanıyandan, dərk edəndən bəri fəaliyyətimlə bağlı içimdə dəyişməyən bir arzu var: ağlımı, bacarığımı, istedadımı realizə etmək üçün münbit şərait olsun və ən əsası, nə istədiyimi bilim. Çünki nə istədiyini bilən insana Tanrı da azarkeşlik edir. Mən iddialı insan deyiləm və elə də marağımda deyil ki, rəhbərim, böyüklərim, ailəm, dostlarım onları nə qədər sevdiyimi bilsinlər. Mən istəyirəm, ilk öncə bunu özüm bilim, əvvəlcə özüm buna inanım, özüm əmin olum. İlham Əliyev kimi ləyaqətli rəhbərin var olduğu sağlam ölkədə bənna da işləyərəm, sürücü də, yol çəkən də. Heç vaxt da durumumdan gileylənmərəm. Nə işlə məşğul olursan ol, fərq etməz. Əsas odur həmin işi sevəsən. Mən siyasəti sevirəm. 20 ildir danışıram, yazıram-pozuram. Və inandırım sizi, hər dəfə öz yazılarımı ilk yazımı necə yazmışamsa, həmin həvəslə yazıram. Bəzən əlimin altında hansısa səbəbdən internet olmayanda 15 dəqiqədən bir evə zəng edirəm ki, bir baxın görün musavat.com-da yazımın oxunması nə qədərdir? Yəni mövcud fəaliyyətimdən zövq alıram, durumumdan çox məmnunam. Heç nədə gözüm yoxdur. Sevdiyim iş mənim arzularımın çərçivəsi, xoşbəxtliyimin sütunu deməkdir. O ki qaldı dərd paylaşma bölümünə... Adi bir misal çəkim. Mən 2010-cu il parlament seçkilərində məğlub olandan sonra uzun müddət özümə qapılmışdım. Amma üzərindən illər keçəndən sonra anladım ki, tez imiş. Nə yaxşı o vaxt seçilməmişəm. Yüksək postda qərar tutmağın ən birinci vacibatı böyümək və bərkiməkdir. O vaxtkı ağlımla ən xırda səbəbdən kiməsə zəng edib şikayətlənərdim ki, filan yerdə mənə qarşı düz eləmədilər, beşmankəs xətrimə dəydi. İndi isə qarşıma çıxan bütün problemləri özüm həll etməyə çalışıram. Prinsipim də budur: sənə qarşı doğru və ya yanlış oldu, fərq etməz. Yolunu, çarəsini tap və problemi çöz. Fəqət, özün. Yalnız özün. İnsan başını aşağı salıb işi ilə məşğul olmalıdır. Səni tanıyan zatən tanıyır, görən görür, qiymətləndirən qiymətləndirir. Deputatın missiyası və iş fəlsəfəsi kiminsə problemini həll etməkdir, öz problemi ilə kimisə dəng etmək deyil. Düşüncə tərzim budur. Ona görə dərd bölüşməyi, şikayət etməyi sevmirəm. Ən azından bunu daşıdığım statusa yaraşdırmıram.

- Bir az rakursu dəyişək: Eynək taxanda sizi İlqar Məmmədova bənzədirlər. Bənzəriniz haqda nəsə deyə bilərsiz?

"Əli Kərimlinin cəsarəti çatıb bu gün də debata gəlsə, 2 saatdan sonra Azərbaycan siyasətindən gedər. Onun daşını daş üstə qoymaram”

- Mən İlqarı Etibar Məmmədovun müavini olandan tanıyıram. Bir dəfə Mübariz Qurbanlı da bizi səhv salmışdı, elə bilmişdi İlqaram. Amma... Həyatda, siyasətdə onunla olan fərqimiz çox böyükdür. Bu adam Qərb institutları ilə işləyənə qədər daxili siyasətdə sabit biri idi. Sonradan sanki içinə iblis salıb dəyişdirdilər. Bir siyasətçi həmişə mümkün qədər həbsdən yayınmalıdır - bu aksiomdur. Çünki illər gedir, ən azından, zaman itkisi yaşanır. Amma İlqarın bəlli yerlərdən, ünvanlardan təlimatı necə gəlmişdisə adam sanki həbs olunmamaqdan çox, həbs olunmağa can atırdı. Əvvəlcə deputatları ən ağır formada təhqir elədi, sonra başqa olaylar, ən axırda da İsmayıllı hadisələri. Mən cinayət motivini təftiş etməyəcəm, bu, hüquq-mühafizə orqanlarının işidir. Amma bir siyasətçi kimi deyə bilərəm ki, o, bu sahədə son dərəcə naşıdır. İlqar indiyə qədər qarşılaşdığımız bütün debatlarda mənə uduzub və bunu özü də etiraf edib. Həbsdən çıxdığı zaman da ilk debat təklifini ona mən göndərəcəm. İllər sonra tam başqa ortamda və məqamda ona başa salacam ki, səndən siyasətçi çıxmaz, get özünə aid işlə məşğul ol.


- Debat demişkən, Əli Kərimlini də illər öncə canlı debata dəvət etmişdiniz. Deyəsən, səs çıxmadı.

- Əli Kərimlinin cəsarəti çatıb bu gün də debata gəlsə, 2 saatdan sonra Azərbaycan siyasətindən gedər. Onun daşını daş üstə qoymaram. Və bu pafos deyil. Özümə güvəndiyim üçün deyirəm. Amma neyləməli ki, adam monoloq söyləməyi, solo oxumağı sevir. Canlı döyüş meydanı onun təpərinə uyğun məkan deyil. Ha çağır, bir bəhanə tapıb qaçacaq.

- Amma müxalif qüvvələr mart ayının əvvəli üçün izdihamlı mitinq vədi veriblər. Bəlkə bu səbəbdən debat həvəsində deyillər?

"Mikayıl Cabbarovu şəxsən tanıyıram, biz tələbə yoldaşı olmuşuq”

- Məncə, əvvəl mitinq keçirilir, sonra onun izdihamlı olub-olmamağına qərar verilir. Deyilmi? Keçirsinlər, baxaq. Marağındayam o "izdiham”ın. Tək bildiyim odur ki, "Məhsul” stadionunun həndəvəri 11 nəfərdən ibarət iki komanda futbol oynayanda daha sıx, daha gur görünür, nəinki bunlar mitinq keçirəndə.

- Seçkidə kimə səs verəcəksiz?

- Mənim bir liderim var: İlham Əliyev. Səsim də onundur. Hər halda, gedib Elşən Həsənova səs verəsi deyiləm.

- Elşən Həsənov kimdir?

- Sosial şəbəkədən tanıyıram. Namizəddir. Dünən özü-özünə uğurlar arzulayırdı.

- 13 namizədin hamısı 40 min imza toplaya biləcəkmi?

- 13 nəhs rəqəmdir, inanmıram.

- Sizcə, ikinciliyi kim qazanacaq?

- Düşünürəm, Qüdrət Həsənquliyev.

- Növbəti 7 ildə Qarabağ mövzusunda irəliləyiş gözləyirsinizmi?

- İlham Əliyev Azərbaycan tarixinə öz adını həm də Qarabağı işğaldan azad etmiş lider kimi yazdıracaq. Buna kimsənin şübhəsi olmasın.

- Müharibə ehtimalı necə, varmı?

- Bu sualın cavabını cənab prezident YAP-ın son qurultayında, hörmətli müdafiə nazirimiz isə dünənki açıqlamasında verib.

- Müsahibəyə görə təşəkkür edirik.

- Mən təşəkkür edirəm və Rauf Arifoğlu başda olmaqla, musavat.com-un bütün dəyərli və əziz kollektivinə uğurlar diləyirəm.




İmza:musavat.com

O, BÖYÜK AZƏRBAYCANÇILIĞIN TƏMSİLÇİSİDİR

Azay Quliyev: “Girovlarla bağlı ATƏT PA-nın komitə sədrindən cavab gözləyirəm”

Səməd Seyidov: “Rusca rusların özündən də yaxşı danışıram” - MÜSAHİBƏ

Borca görə adam döyənlər saxlanıldı

Qismət : “Yazıçının avara olmasına əsəbləşmişəm” - MÜSAHİBƏ

"Özümü tanıtmaq üçün təhqir olunmalıyam" - MÜSAHİBƏ

Cavanşir Paşazadə: “Həyata keçirilən işlərin kökündə Azərbaycan xalqı dayanır”

“Dövlət əhəmiyyətli torpaqlarda özlərinə villalar tikiblər” - Cavanşir Paşazadə

DGKA-nın tələbəsi: Məqsədim gömrükçü olmaqdır

Məşhur yazıçının oğlu: - “Atam çörək qarşılığında fəhləlik edirdi”

XİN-in yeni mətbuat katibi: “2 övladım var” - MÜSAHİBƏ

Azərbaycanlı yazar: “Oğlumun adını Roman qoyacam” - MÜSAHİBƏ

Ücretsiz php script indir film izle hd film izle ikinci el eşya alanlar shell indir hacklink satışı
SON XƏBƏRLƏR
2018-11-12
13:27 TƏBRİK


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Gəlin günahkardır, yoxsa qaynana?

Gəlin (66.67%)
Qaynana (33.33%)

ÇOX OXUNAN
GÜNÜN LƏTİFƏSİ

Rəhmətlik Surxay Əlibəyli pul xərcləyən, yeyib-içən oğlan idi. Dost-tanışa qonaqlıq verəndən sonra çıxıb oturur taksiyə, evə getmək üçün.

Taksi sürücüsü soruşur:

- Brat, hara sürüm?

- Ağdama.

Sürücü:

- Brat, Ağdam var ki?

Surxay Əlibəyli:

- Qaqa, Ağdam yoxdusa, deməli, hər yer cəhənnəmdi, sür cəhənnəmə.




digər lətifələr
ARXİV
FACEBOOK