ANA SƏHİFƏ / YAZARLAR

Aqil ABBAS: «SEVİLƏNLƏR»DƏN MÖHTƏŞƏM TAMAŞA

33440    |   2018-01-11 10:19
Şriftin ölçüsü:
A+ Böyütmək
A+ Balacalaşdır

Az.TV-nin ən maraqlı layihələrindən biri olan «Sevilənlər» verilişi hər bazar günü öz sevənlərini yığır ekran başına və xalqın sevilən şəxsiyyətlərinin görünən və görünməyən tərəflərini çox ustalıqla tamaşaçılara təqdim edir.

Bazar günü «Sevilənlər» verilişi möhtəşəm bir tamaşa qoydu ortalığa: Vaqif Səmədoğlunun «Yaşıl eynəkli adam» tamaşası ilə bağlı tamaşa.

Amma bu dəfə bu tamaşanın rejissoru Azərbaycan televiziyasında öz qeyri-adi rejissorluğu ilə fərqlənən Ramiz Həsənoğlu iştirakçı rolundaydı. Veriliş «Yaşıl eynəkli adam» tamaşasının 30 illiyinə həsr olunmuşdu. Amma əslində buna veriliş demək olmazdı, yuxarıda qeyd etdiyim kimi, tamaşa haqqında tamaşaydı.

Bu məşhur tamaşanın aktyorları, operatorları, ümumiyyətlə, bütün yaradıcı heyətin hər bir üzvü bu tamaşada rol oynayırdı. Bu gun aramızda olmayanlar da unudulmamışdı. Özü də sevilən olan aparıcı Nərgiz Cəlilova çox ustalıqla bu tamaşada baş rolun ifaçısı idi. Görkəmli rejissorumuz Ramiz Həsənoğlunu isə bu dəfə Teymur Quliyev əvəzləmişdi. Elə Ramiz məktəbinin yetişdirməsi olan Teymur müəlliminə layiq bir tamaşa səhnələşdirmişdi. Bəlkə də tamaşa haqqında tamaşa hazırlamaq bir əsəri səhnələşdirməkdən daha çətindi.

Proqramın redaktoru Afaq Vasifqızının redaktorluğu da qibtə olunasıydı.

«Yaşıl eynəkli adam» tamaşasını hazırlayarkən Ramiz Həsənoğlu, aktyorlar və bütün yaradıcı heyət necə böyük bir zəhmətə qatlaşıb, yuxusuz gecələr keçirdikləri kimi «Sevilənlər»in aparıcısı da, rejissoru da, redaktoru da və ümumiyyətlə, yaradıcı heyəti də həmin əziyyətə qatlaşmışdılar.

Bu proqramı araya-ərsəyə gətirənlərə təşəkkür edirik və daha böyük uğurlar arzulayırıq.

Baxmayanlar üçün! Beşinci gün «Mədəniyyət» kanalında saat 19.45-də təkrarını izləyə bilərsiz.



İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2020-05-27
2020-05-26


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.23%)
Pullsuz (10.77%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK