ANA SƏHİFƏ / YAZARLAR

COCUQ MƏRCANLIDAN ŞUŞAYA

24804    |   2017-05-02 00:32
Şriftin ölçüsü:
A+ Böyütmək
A+ Balacalaşdır

(Möhtəşəm tikintidən reportaj)
... Bu yerlərə hələ 1994-cü ilin yanvarında gəlmişdik. Onda Azərbaycan ordusu Füzulinin 22 kəndini və bir qəsəbəsini işğaldan azad edəndə Cocuq Mərcanlı da ermənilərdən təmizlənmişdi. Ulu Öndər Heydər Əliyevin rəhbərliyi ilə həyata keçirilmiş uğurlu əməliyyat sonradan daha böyük bir quruculuq işlərinə start verdi. Amma ermənilər Cocuq Mərcanlının yaxınlığındakı Lələtəpəni nəzarətdə saxladığına görə, o kənddə abadlıq işləri görülmədi. Kəndin bütün evləri yandırılıb külə döndərilmişdi. Ancaq orda bir ev qalmışdı və onun da sahibi gündüzlər evdə qalsa da, gecələr həmin yerdə gecələmirdi. Çünki ermənilər hər gün kəndi atəş altında saxlayırdı. Hətta tez-tez yenidən qurulmuş və əsaslı surətdə tikilmiş Horadiz şəhərini də atəşə tuturdular...
Ötən ilin aprelində ölkə prezidenti İlham Əliyevin uğurlu hərbi siyasəti nəticəsində bir çox strateji əhəmiyyətli yüksəkliklər, o cümlədən Lələtəpə Azərbaycan əsgərinin gücüylə geri qaytarıldı. Yəni bu yerlər ermənilərin işğalından azad edildi və həmin gündən Cocuq Mərcanlı da, Horadiz şəhəri də rahat nəfəs almağa başladı. Həmin gündən ölkə prezidenti İlham Əliyev xüsusi tapşırıq verdi ki, Cocuq Mərcanlıda çox böyük möhtəşəm tikinti və quruculuq işləri görülsün...
Horadizdə olanda nəvəm Tunar da mənə demişdi ki, dədə, o kəndə gedəndə məni də apararsan. Bir neçə gün bundan əvvəl yenidən yolum Horadizə düşdü və evə gedib nəvəmi götürdüm. Ancaq ona dedim ki, bax ha, orda ermənilər var, qorxub eləmirsən ki?! Nəvəm heç nəyə məhəl qoymadan dilləndi:
- Dədə, sən yanımdasan, nədən qorxacam? Heç ermənilər Horadizi atəşə tutanda qorxmurduq. Üstəlik də müəllimimiz deyir ki, Lələtəpədə əsgərlərimiz keşik çəkir və bizi qoruyur.

... Nəvəmin istəyini başa düşürəm. O, Horadiz şəhər 1 nömrəli tam orta məktəbin 3-cü sinifində oxuyur, dərs əlaçısıdır. Dostum, əslən Laçından olan Arif Ağayev deyir ki, lap yaxşı eləyirsən Tunarı özümüzlə aparırsan. Qoy uşaq bir qədər də vətənpərvərlik ruhunda böyüsün.
Oğlum Emin, nəvəm Tunar və dostum Ariflə maşında Horadiz şəhərinin içərisindən keçib Əhmədbəyli kəndindən ötməklə Qazaxları adlayıb Cocuq Mərcanlıya yaxınlaşırıq. Düzdür, yolun müəyyən hissəsi daşlı-kəsəklidir. Sürücümüz Arif buna heç bir məhəl qoymur. Deyir ki, müəllim, mən çoxdan bu kəndə getmək istəyirdim. Elə sevinirəm ki, sanki Laçına gedirəm...
Daşlı-kəsəkli yollardan sonra asfalt yol başlayır. Qazaxlar kəndinin içində isə bir qədər yollar narahatdır. Bu da elə-belə baş verməyib. Çünki ağır tonajlı maşınlarla yeni tikilməkdə olan kəndə tikinti materialları daşınır...
...Artıq Cocuq Mərcanlıya çatırıq. Horadiz şəhəri ilə oranın arası 4-5 km olar. İlk nəzərimizi də cəlb edən bir lövhə olur. O lövhədə yazılıb: "Cocuq Mərcanlıdan Şuşaya". Bəli, bu bizim indi həyat devizimizdi. Bu yol bir müddətdən sonra bizi Şuşaya, Laçına, Cəbrayıla, Qubadlıya, Zəngilana aparacaq. Bu yol Azərbaycan xalqını öz istəyinə qovuşduracaq. Hələ ki, bu yol Cocuq Mərcanlıya çatıb...
... Hər tərəfdə traktorların, buldozerlərin, iri tonajlı maşınların səsi eşidilir. Möhtəşəm bir səs gəlir. Bu səs Cocuq Mərcanlıda böyük işlər görən texnikanın və eləcə də maşınların səsidi. Və bu səsə həm də tikinti-abadlıq işləri görən insanların səsləri qarışıb. Bu səsin içində bir ümid, bir sevgi, bir qayıdış notları duyulur...
Yadıma böyük xalq şairi Səməd Vurğunun "Muğan" poeması düşür. Həmin poemada Sarvanla Manya Mingəçevirdə böyük quruculuq işləri görürlər. Bütün insanlar qolunu çırmayıb yeni bir şəhər tikir. Bax, indi də Cocuq Mərcanlıda belə bir mənzərə var. Hara baxırsan orda həyat qaynayır, bina inşa edilir, suvaq və boya işləri görülür...
Burda artıq 150 bina tikilir. Bir çox binalarda son tamamla işləri görülür. Bununla yanaşı, sosial obyektlər, məktəb, xəstəxana, məscid inşa edilir. Adam bu anları görəndə daxilən qürur hissi yaşayır və düşünür ki, qısa zaman kəsiyində çox möhtəşəm bir kənd tikilir. Onun artıq bütün infrastrukturları, kommunikasiya - işıq, su, qaz xətləri yenidən çəkilir. Bunu isə qısa zaman kəsiyində həll etmək o qədər də asan deyil. Ölkə prezidenti cənab İlham Əliyevin sərəncamı ilə Cocuq Mərcanlının yenidən tikintisi üçün milyonlarla vəsait ayrılıb. Və bu vəsait də sürətlə kəndin tikintisinə və abadlığına xərclənir.
...Diqqətimizi inşa edilən məscidin tikintisi cəlb eləyir. Tikintinin iş icraçısı İsmayıl müəllimlə söhbət eləyirik. O bildirir ki, artıq məsciddə çox böyük işlər görülüb. Və bu məscid Şuşa məscidinin oxşarı olacaq. Məscidin layihəsini isə Mənsur Hüseynov verib. Məscidin minbərinin hündürlüyü 24 metrə çatacaq. Bununla yanaşı, tikintidə ən müasir texnologiyadan və tikinti materiallarından istifadə olunur. Allahın köməkliyi ilə iyun ayının əvvəllərində tikinti işlərini başa çatdıracağıq. Siz də görürsünüz ki, burda işlər necə sürətlə davam eləyir.
...Nəvəm bir anlıq mənə yaxınlaşır. Deyir ki, dədə, mənim burda şəklimi çək! Mən də onun dediyinə əməl eləyirəm və şəklin çəkirəm. Sonra tikintidə işləyən iki gənc bizə yaxınlaşır. Söhbətimiz maraqlı alınır. Hiss olunur ki, bu uşaqların ürəyi vətən sevgisiylə doludur. Deyirlər ki, müəllim, işləməkdən yorulmuruq. Birincisi ona görə ki, ermənilər görürlər ki, burda necə böyük işlər görülür. İkincisi də işimizi görüb əməkhaqqımızı alırıq...
Yaxınlığımızda bir maşın dayanır. Ordan da iki nəfər düşür, bizə salam verir və yeni tikiliyə baxırlar. Öyrənirik ki, onlar da Bakıdan gəliblər. Cocuq Mərcanlıda görülən abadlıq, qurculuq işlərinə baxırlar. Tanış oluruq və aramızda isti münasibət yaranır. Hər ikisi Cəbrayılın Süleymani kəndindəndi. Söhbət eləyəndə gözləri dolur. Deyirlər ki, bu kəndə gəlmişik ki, öz kəndimizin ətrini hiss eləyək...
Dostum Arif Ağayevin də gözləri dolur. O da Laçının havasını bu yerlərdə hiss eləyir. Görürəm ki, dostum Arif lap kövrəlib. Bir az danışdırsan gözləri yenidən dolacaq. Amma araya söz qatıram, deyirəm ki, görürsən şükür Allaha, kəndin hər tərəfi cənnətə oxşayır. Sağda da, solda da taxıl zəmiləri var. Hələ biz onu demirik ki, kənddə 50 hektar sahədə pambıq əkilib. Kiminlə görüşürüksə, çöhrəsində bir sevinc, bir fərəh və bir məhəbbət hiss olunur...
...Geri qayıtmaq vaxtıdı. Bu dəfə gəldiyimiz yolla yox, Cocuq Mərcanlıdan Bakı-Naxçıvan yoluna birləşən yeni salınmış asfalt yolla getmək istəyirik. Arif maşının sükan arxasında əyləşir və onu işə salır. Kənddən çıxırıq. Yeni salınmış yol o qədər rahat və səliqəlidir ki, adam baxmaqdan doymaq istəmir. Bununla yanaşı, gəlib-gedənlərin təhlükəsizliyini təmin etmək üçün yolun sol hissəsində 3-4 metr hündürlüyündə torpaqdan möhkəm istehkam düzəldilib. Yəni ermənilər uzaqdakı mövqelərindən iriçaplı silahlardan atəş açsalar belə, o yolu gedən hər hansı maşına və onun sürücüsünə, sərnişininə xətər toxunmaz...
...Yolun sağındakı taxıl sahələri boy verib. Yamyaşıl taxıl sahəsi sanki dənizə bənzəyir. Külək əsdikcə həmin taxıl sahələri dəniz kimi dalğalanır və kəndə xüsusi bir gözəllik verir. Bu həm də bu kəndin bir neçə aydan sonra ruzisi, bərəkəti, çörəyi deməkdir. Cocuq Mərcanlı yenidən tikildiyi kimi, onun bol çörəyi də olacaq...
...Rahat yolla gəlib çatırıq Bakı-Naxçıvan avtomobil yoluna. Burdan Horadiz şəhərinə 2-3 kilometrdir. O yolla Horadizin girəcəyinə çatırıq. Şəhərin girəcəyində isə çox möhtəşəm bir abidə açılıb. Bu abidə kompleksi ötən ilin aprelində qəhrəmancasına döyüşüb həlak olmuş Azərbaycan oğullarının xatirəsinə ucaldılıb. Həmin kompleksdə həlak olmuş 22 Azərbaycan əsgərinin abidəsi var. Biz - nəvəm Tunar, dostum Arif, oğlum Emin və mən abidənin önündə şəkil çəkdiririk. Özü də bu abidə o qədər səliqəli, o qədər gözəl inşa edilib ki, onu ziyarət edən hər hansı adam qəhrəmanlara baxıb sevinc hissi keçirir. O sevinc hissi ki, onlar bizim müstəqilliyimiz, azadlığımız yolunda şəhid olublar. Onlar Lələtəpəni işğaldan azad edərkən ölümdən qorxmayıblar. Və kompleksin ətrafında 10-a yaxın mənzil kommunal təsərrüfatının əməkdaşları təmizlik işləri görürlər.
Aşağıda isə bir lövhə var. O lövhədə Cəbaryıla, Qubadlıya, Zəngilana, Laçına gedən yolun məsafəsi göstərilib. Dostum Arif həmin lövhəyə baxıb yenidən kövrəlir və əlini lövhədə yazılmış "Laçın" sözünün üstünə qoyur. Bu an onun hansı hisslər keçirdiyini yaxşı duyuram. Ona görə də özünün də xəbəri olmadan həmin anı lentə alıram...
Yeni tikilən möhtəşəm kənd Cocuq Mərcanlı! Bu Böyük Qayıdışın başlanğıcı olacaq. Bir vaxtlar Cocuq Mərcanlını ancaq biz tanıyırdıq. İndi Cocuq Mərcanlını bütün dünya tanıyır. Çünki ölkə prezidenti cənab İlham Əliyev bu kəndi bütün dünyaya tanıtdırdı və sevdirdi. Biz də sevdiyimiz Cocuq Mərcanlıdan çox böyük məhəbbətlə, sevinclə Bakıya qayıdırq. Bakıya qayıdırıq ki, birlikdə hamımız yenidən Cocuq Mərcanlıya qayıdaq, ordan Şuşaya, Laçına, Zəngilana, Qubadlıya, Cəbrayıla, Ağdama gedək...

Faiq QİSMƏTOĞLU
"Ədalət"in xüsusi müxbiri,
Bakı-Cocuq Mərcanlı-Horadiz-Bakı.



İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-09-25


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ

Aşot Moskvadan bir urus qız alır. Gəlir İrəvanda da toy edir. Aradan on beş gün keçir, gəlin gileylənir:

- Bu necə olacaq, nə atanın, nə də ananın məndən xoşu gəlmir.

Aşot:

- Onları boş ver, əsas odur ki, müdirimin səndən xoşu gəlir.





digər lətifələr
ARXİV
FACEBOOK