Adalet.az | XAİN XOFLU OLAR… Adalet.az | XAİN XOFLU OLAR… Adalet.az | Ədalət -
ANA SƏHİFƏ / YAZARLAR

XAİN XOFLU OLAR…

Faiq QİSMƏTOĞLU

27550    |   2016-11-25 12:44
Şriftin ölçüsü:
A+ Böyütmək
A+ Balacalaşdır

… Siz heç bir şeyi müşahidə eləmisinizmi?! Başqa sözlə demiş olsaq, əyninizə təzə paltar, ayağınıza təzə ayaqqabı geyinəndə bəzilərinin ona necə fikir verdiyini duymusunuzmu?! Sizi bilmirəm, şəxsən mən belə anlarla çox rastlaşmışam. Xüsusən də imkansız adamlar təzə paltar geyinəndə, bir ayaqqabı ayağında olanda başqaları ona elə baxır ki, sanki bu geyim-keçimi həmin adam onun pulu ilə alıb. O qədər xəbis, o qədər xain, o qədər paxıldır ki, bu təzə paltar geyinən adama «çox mübarəkdir» də demir.

… Varlıların hər şeyi ola bilər. Ancaq başa düşmürəm ki, kasıb niyə bir təzə ayaqqabı geyinməli deyil. Və bir də paxıllıq vallah, kasıblığa, varlılığa baxmır. Bəlkə də dünyada ən sağalmaz «xəstəliklərdən» biri xainlik, paxıllıq və xəbislikdir. Dünyanın hansı klinikasına getsən də, bu «xəstəliyi» sağaltmaq mümkün deyil. Ən azından ona görə ki, hələ belə «xəstəlikdən» indiyə qədər sağalan adam görməmişik…

… On-on beş il bundan qabaq yaxın dostlarımdan biri qızına toy eləyirdi. Onun qızının bəxti digər dostların övladlarının bəxtindən daha tez açılmışdı. Özü də dostum imkanlı bir ailə ilə qohum olurdu. Ancaq onu da deyək ki, dostumuz heç vaxt var-dövlət düşkünü deyildi və belə bir varlı adamla da qohum olmaq heç onun yatsa yuxusuna da girməzdi. Hətta bir-iki dəfə varlı adamın elçilərini geri qaytarmışdı. Çox get-gəldən sonra qızın razılığı olandan sonra atası da bu işə xeyir-dua verdi…

… Xülasə, toy oldu. Özü də çox yaddaqalan bir məclis keçd. Şəxsən mən o toyda əməlli-başlı gözəl müsiqilərdən zövq aldım və toyun sonuna qədər həmin məclisdə ailəmlə bir yerdə iştirak elədik. Sözümün canı odur ki, ziyalı dostumun ən yaxın adamlarının qəlbindən «qara qanlar» axırdı. Elə bil ki, dağ uçmuşdu altında qalmışdılar. Hətta enli, qırmızı sifət, tez-tez ona «qardaş» deyən dostunun da çöhrəsi xəbislikdən qapqara olmuşdu. Çırtma vursaydın, qan çıxmazdı. Bədbəxt oğlunu fikir götürmüşdü. Çünki o adam həddindən çox var-dövlət və şöhrət düşkünü idi. Düşünürdü ki, elə mən bununla qohum olsaydım, işlərim yağ kimi gedər, var-dövlətim bir az da artardı…

…Toyda o ziyalı dostumun yaxınlarının çoxuna diqqət yetirdim. Onlar sevinmək əvəzinə qanları lap itin qanına dönmüşdü. Toydan sonra onun bir neçə dostu bərk əl-ayağa düşdülər. Əl-ayağa düşdülər ki, qızlarını tez-bazar ərə versinlər. Axı, bizim millətin ən böyük xəstəliyi bir-biriylə bəhsə girməkdi. Onlar da dostu ilə bəhsə girib qızlarını ərə verdilər. Nə başınızı ağrıdım, həmin adamların üçün də qızının heç bir il çəkmədi ki, ailələri dağıldı. Loru dildə demiş olsaq, boşandılar…

Ataların gözəl bir məsəli var: «Qonşunu iki inəkli istə ki, sənin də bir inəyin olsun». Nə qədər gözəl və nə qədər unikal bir deyim. İnsanın ürəyi dünya boyda böyük olanda o ürəyin içində heç vaxt xainlik, paxıllıq, xəbislik vallah ola bilməz. Düzdür, xəbis adamlar bir-biriylə bəhsə girib çox şeyə nail olurlar. Axı bayaq dedik, xəbislik elə bir «xəstəlikdir» ki, onu heç vaxt müalicə eləmək olmur. Bir də qozbeli heç qəbir də düzəltmir…

… Dünyanın işinə bir bax ki, xəbis ölkələr, paxıl dövlətlər, prezidentlər də var. Məsələn, bizim məmləkətin və prezidentin paxıllığını o qədər çəkən dövlət başçıları var ki. Allah da baxır görür ki, bu paxıl adamlar, paxıl dövlətlər öz əməlindən çəkinmir və heç kimlə işi olmayan dövləti də həmişə hifz eləyir, qoruyur…

«Qurani-Kərim»də xainlik və paxıllıqla bağlı məlum ayə də vardır. Həmin ayadə buyurulur ki, sənə bir bədbəxtlik, kədər üz verəndə xain adamlar sevinirlər. Elə ki, sənə bir şadlıq qismət olur, sevinc bəxş edilir, bax onda yenə onların qanı qaralır, qəm dəryasına qərq olurlar…

Tay bədbəxtlər bilmirlər ki, sevinci də, kədəri də insana bəxş eləyən Ulu Yaradandı. Yadıma bir rəvayət düşür: Günlərin bir günü məmləkətin bir-biriylə düşmən olan varlı adamlarından biri dünyasını dəyişir. Bunu eşidən digər varlı kişinin oğlu qaça-qaça və sevinə-sevinə atasının yanına gəlib deyir:

- Muştuluğumu ver, ay ata, bəs bizim düşmənimiz vardı ey, o öldü!

Kişi ağıllı və səbirli adammış. Qaşlarını çatır və oğlundan soruşur:

- Oğul, o düşmənimizi sən öldürdün?!

Oğlu:

- Yox ata, öz əcəliylə rəhmətə gedib.

Kişi yenidən oğluna baxır və dillənir:

- Noolsun ki, həmin adam bizim düşmənimiz idi. Əgər Allah-Təalanın əmiri ilə dünyasını dəyişibsə, yadda saxla oğul, buna heç vaxt sevinmək olmaz. Çünki günlərin birində mən də, sən də öləcəyik.

Bu nəsihətdən sonra uşaq bir söz demir, başını aşağı salır və çıxıb gedir. Həmin hadisə uşağın yaddaşına həmişəlik həkk olunur. Həkk olunur ki, başqasının ölümünə heç vaxt sevinmək olmaz…

Xain və paxıl adamlara Allah-Təala heç vaxt rahatlıq, sakitlik və xoşbəxtlik bəxş eləməz. Onlara elə bir bəla verilib ki, bu adamlar yazımızın əvvəlində qeyd elədiyimiz kimi, ömrünün sonuna qədər bu bəladan xilas ola bilmirlər. Qardaşlar, yoldaşlar, dostlar, çıxarın bu paxıllığı, xainliyi ürəyinizin dərinliyindən! Ora sevgi, məhəbbət, insanlara mərhəmət hissi doldurun!..

Və bir də biz istəsək də, istəməsək də hər şeyi verən də, alan da Ulu Yaradandır. Ürəyin açıqlığı isə böyük sevgidən, əbədi günəşdən və xoşbəxt ömürdən xəbər verir. Xoşbəxt o adamdı ki, ürəyində bir damla olsa paxıllıq, xainlik və xəbislik yoxdu. Bu ürəkdə sevgi var, gün işığı var və bir də əbədi Allah məhəbbəti yaşayır…




İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-08-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (71.43%)
Yox (28.57%)

ÇOX OXUNAN
GÜNÜN LƏTİFƏSİ
Kürəkən qayınanasına sms yazır:
- Sizin istehsal etdiyiniz məhsul (qızını nəzərdə tutur) zaydır, heç bir işə yaramır. Nə yemək bişirə bilir, nə də paltar ütüləyir.
Qayınana cavab yazır:
- Məhsul neçə il bundan əvvəl satıldığına görə istehsalçı məsuliyyət daşımır.




digər lətifələr
ARXİV
FACEBOOK