ANA SƏHİFƏ / YAZARLAR

CAMAL KİŞİNİN ƏHVALATLARI

31397    |   2016-08-06 08:03
Şriftin ölçüsü:
A+ Böyütmək
A+ Balacalaşdır

... Gözlərini kəndin döşündəki laləzarlığa zilləmişdi. Elə baxırdı ki, sanki onun bu gözəlliyə sonuncu dəfə baxışı idi. Camal kişi kənddəki bu gözəllikləri çox görmüşdü. Deyirdi ki, Kəlbəcərdə gözəldi, Laçında qəşəngdi, ancaq Bəhmənlidəki laləli düzənliyin öz gözəlliyi var. Bu lalələrə baxanda kənddəki gözəl, qəşəng qızlar yadıma düşür. Və birdən elə bilərsiniz ki, Camal kişi şorgöz adam olub. Əsla! Sadəcə olaraq Camala kişi çox zarafatcıl, duzlu, yumoru sevən bir insan idi. Kimsə onunla bir kəlmə kəsəydi, söhbətindən doymazdı. Elə ki, Camal kişi danışardı, onun ətrafına yaşlı insanlarla yanaşı, uşaqlar da yığışardılar. Camal kişi danışardı, başına toplaşan adamlar isə gülməkdən uğunub gedərdilər...
... Bir dəfə Yüsür kişinin qoruduğu çəkillikdə o, bizimlə rastlaşdı. May ayı idi. Bir çoxları bu çəkillikdən gəlib yarpaq yığırdılar ki, ipəkqurduna versinlər. Yüsür kişi də hər adamı bu bağa buraxmazdı. Camal kişiyə gələndə bir söz deməzdi və əlindəki çubuğu biz uşaqları tərəfə silkələyib çıxıb gedərdi. Bu da o demək idi ki, əgər biz yarpağı yığardıqsa, yaxud da dəhrə ilə budaqları kəsib ipəkqurduna yedirtsəydik, bax onda Yüsür kişi bizim dədəmizi dalımıza şəlləyərdi. Elə bu ağacı da biz uşaqların gözünü qırmaq üçün siləkələyərdi...
Camal kişi bir qədər tut ağacının yarpağından yığıb torbanı doldurandan sonra bir-bir ətrafına toplaşan uşaqlarla məzələnərdi. Bizimlə qohum olduğuna görə, bir o qədər mənimlə zarafatlaşmazdı. Deyərdi ki, mənim bu qohumumun nənəsi ələngə sümükdü, ondan bir şey çıxmaz. Amma Tubunun oğlu Dilavərə, Bahadurun oğlu Rəfaelə, Bayramın oğlu Uğura əməlli-başlı "ilişərdi". Deyərdi ki, maşallah olsun, sizin nənələriniz göyçək Fatmadan da qəşəngdi. Canları yanmışların əndamından qan damır, qolları, buxovları ağappaqdı. Adam baxanda istəyir ki, nənələrinizə canını qurban eləsin. Sizin nənələrinizin qadasın alım, onlara qurban olum, məni yaşamağa sövq edən sizin nənələrinizin gözəlliyidir, yoxsa Aftab xalanız kimi (Aftab Camal kişinin həyat yoldaşı idi) zalım qızıyla 60 ildi evliyəm elə bilirəm ki, taxta saxlayıram. Əl vuranda əlim elə bil taxtaya dəyir...
Camal kişi danışanda heç vaxt gülməzdi. Ciddi görkəm alardı və biz güləndən sonra onun da bir balaca dodağı qaçardı. Bilmirdik kişi bu söhbətləri ciddi eləyir, yoxsa bizimlə zarafatlaşır...

***
Günlərin bir günü Camal kişi xəstələnib yatağa düşür. Bu xəbər Bəhmənlidə hamıya çatır. Özü də deyirlər ki, Camal kişi elə xəstələnib çətin bir də o ayağa qalxa bilsin. Qonum-qonşular, yaxınları onu ziyarət eləyir. Camal kişinin kəsdiyi iki arvad da bu xəbəri eşidib ona baş çəkirlər. Gələndə görürlər ki, Camal kişi yataqda uzanıb və güclə danışır. Arvadı Aftab da dəsmalı isladıb tez-tez onun dodağına vurur ki, susuzluqdan dodağı qurumasın. Hər iki arvad çox gözəl idi. Camal kişi eşidəndə ki, kəsdiyi arvadın ikisi də onun yanındadı, gözünə işıq gəlir. Və başlayır yavaş-yavaş onlarla danışmağa. Arvadın hər ikisi onun üzündən öpürlər. Onu öpəndən sonra Camal kişi bir az da dirçəlir, ürəyinə təpər gəlir və mütəkkəyə dirsəklənib bir balaca yuxarı qalxır. Solmuş gözləri arvadlara tərəf dikilir və deyir:
- Nə yaxşı gəlib çıxdınız, yoxsa Əzrayıl məni götürüb aparmışdı. Hər ikinizə vəsiyyət eləyirəm: mən öləndə gəlib ikiniz də məni qıdıqlayarsınız. Bax, siz məni qıdıqlayan kimi mən də durub ayağa sizi qucaqlayacam. Bunu eləməsəniz ha, bilin ki, o dünyada da sizinlə barışmayacağam.
Bir neçə gün keçir Camal kişi rəhmətə gedir. Hər iki arvad ağlaya-ağlaya onlara gəlirlər və başlayırlar Camal kişini vəsiyyətini yerinə yetirməyə. Yəni kişinin meyitini qıdıqlayırlar. Ha qıdıqlayırlar, qıdıqlayırlar, Camal kişinin qıdığı gəlmir ki, gəlmir. Sonra da hönkürüb ağlayırlar. Ağı deyə-deyə yada salırlar ki, ay Camal əmi, sənin vəsiyyətini yerinə yetirdik. Ancaq sən qalxıb bizi öpmədin. Biz sənin meyitinin də üzündən öpürük...

***
Camal kişi rəhmətə getməmişdən bir həftə qabaq kefinin saz vaxtı gəlir kəndin dəmir yolunun kənarındakı dükana. Dükançı Feyruza deyir ki, biz səninlə çox dostluq eləmişik, çörək kəsmişik, çətin gündə bir yerdə olmuşuq. Hətta balalarımız və nəvələrimiz bu dostluğu davam etdirirlər. Sənə də bir vəsiyyətim var. Ürəyimə damıb ki, bu yaxınlarda öləcəyəm. Amma mən öləndə bir yeşik arağı açıb qoyarsan dükanın qabağına, ürəyi istəyənlər də gəlib o araqdan içib mənə rəhmət oxuyarlar. Dükançı Feyruz dillənir:
- Ay Camal, axı biz müsəlmanıq. Müsəlman rəhmətə gedəndə ona ehsan verərlər, halva çalarlar. Sən də deyirsən ki, "bir kletka" arağı açım camaatın qarşısına qoyum içsinlər. Pula görə qızırğalanıb eləmirəm e, bir az camaatdan ar eləyirəm. Deyirəm bəhmənlilər buna görə səni yox, məni söyərlər.
Camal kişi gülümsəyir:
- A kişi, sənin nəyinə lazımdı. Bəhmənlilər deyəndə sən də de ki, Camal vəsiyyət eləyib; kim istəyir, ona müftə araq ver! Əgər bunu eləməsən ha, bax o dünyaya yanıma donuz sifətində gələsən.
Camal kişi də rəhmətə gedir. Dükançı Feyruz da onun vəsiyyətinə əməl eləyir: "bir kletka" arağı çıxarıb qoyur mağazadan çölə, Camal kişi ilə zarafatı olanlar gəlib o araqdan içib ona rəhmət oxuyurlar. Çünki Camal kişi həyatda heç kimə bənzəmək istəmirdi və dünyasını da dəyişəndə elə özü kimi dünyasını dəyişdi.
Qəbiristanlıqda onun başdaşının üstündə çox maraqlı bir şəkil həkk ediblər. Şəkildə başında buxara papaq və sifətində gülüş görünür. Bu da o deməkdir ki, yəni mən bu dünyanın hər tərəfini, hər üzünü görmüşəm və öz kefimi də çəkmişəm. Öləndə də gülə-gülə ölmüşəm...




YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-01-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (73.33%)
Yox (26.67%)

ÇOX OXUNAN
GÜNÜN LƏTİFƏSİ
Bir gün üç tənbəl istidə yol gedirlər. Görürlər ki, armud ağacı var. Armud ağacının kölgəsinə uzanırlar.
Tənbəlin biri deyir ki, nə bu armud qırıla düşə ağzıma yeyəm. O biri deyir nə məni aparıb o göldə çimizdirib gətirələr bura. O biri tənbəl:
- Ərinmirsiniz danışırsınız.



digər lətifələr
ARXİV
FACEBOOK