ANA SƏHİFƏ / YAZARLAR

YOLA VERİN GETSİN...

45727    |   2015-07-11 08:36
Şriftin ölçüsü:
A+ Böyütmək
A+ Balacalaşdır

İndi tamamilə başqa bir zamandır. Heç kim heç kimi "yola vermək" istəmir. Elə hamı çalışır ki, iki daşın arasında özünə bir gün ağlasın və işlərini sahmana salsın. Gərək adam dilinin altına "qənd qoysun" ki, dili şirin olsun. Bir başqası zəhər dilini işə salanda o birisi onu ələ alsın və hər şey qaydaya düşsün...
Uzun müddət Füzuli rayonunda baş həkim işləmiş Tapdıq Behbudov öz xatirələrində yazır ki, mən həmişə işçilərimə deyərdim ki, bir-birinizi yola verin. Xüsusən də çətin iş olanda, hər şey düyünə düşəndə görürdüm ki, işçilərimiz bir-birilə yola getmirlər. Bax onda deyirdim:
- Dünya dağılmayıb ki, şükür Allaha, salamatlıqdı. İndi bir-birinizi yola verin getsin. Ən çox da mən bu sözləri kardioloq-həkim Rafiq Yusifliyə deyərdim. O da gülərdi və sonra da mən dediyim kimi hərəkət edərdi.
"Yola verin getsin" ifadəsini nahaq yerdən dilimizə gətirmirik. Yazımızın əvvəlində qeyd elədiyimiz kimi, indi kiminsə sözü bir başqasının boğazından keçmir. Kal armud kimi ilişib qalır onun boğazında. Bir söz də deyəndə həmin adam göyün yeddinci qatına çıxmaq istəyir. Sanki elə bil zalım oğlu bu dünyanın adamı deyil.
Biri ev tikmək istəyir, əlində də sərəncamı. Sərəncamı da ona görə veriblər ki, onun üçün ayrılmış torpaq sahəsində özünə bir koma düzəltsin. Bir neçə gün bundan əvvəl bir şair gəlmişdi bizim redaksiyaya. Deyirdi ki, Bakıda torpaq sahəsi almışıq, sərəncamımız var, amma ev tikməyə icazə vermirlər. İcra hakimiyyətindən deyirlər ki, gərək bizimlə oturub söhbət edəsiniz. Söhbət də elə-belə söhbət deyil. Kiminsə bığını yağlayandan sonra o adam razılıq verir, tikintiyə day bir söz demir. O yazıq şairin də "yağı" hardadır ki, gedib kiminsə bığını yağlasın, yaxud da saqqalının altından keçsin. Elə ora-bura qaçır ki, təki tikinti işləri görə bilsin. Şairə xatırlatdıq ki, əgər sənə ev tikmək üçün torpaq sahəsi ayrılıbsa, sadəcə olaraq qanunu bilməlisən. Yeni qanunda da bildirilir ki, bir və yaxud ikimərtəbəli mənzil inşa edərkən onun üçün icra hakimiyyətindən sərəncam almağa ehtiyac yoxdur. Sadəcə olaraq, tikilən evlən layihəsini və çertyojunu icra hakimiyyətinə göndərməlisən və bir ay müddətində onlar da sənə cavab verməlidir. Əgər cavab vermirlərsə belə yerli orqanı məlumatlandırmısan və evini də tikə bilərsən.
Əsl həqiqət isə başqa cürdür. Çünki gəlin onunla razılaşaq ki, çoxları qanunu saya salmır və ev tikmək istəyən insanların hüququ savadsızlığından istifadə edib onları get-gələ salır, nəsə bir şey qoparandan sonra razılıq verirlər. Sadəcə olaraq, bir çoxlarımız mübarizə aparmağı, haqqımızı tələb etməyi və məmurlarla qanunun dili ilə danışmağı bacarmırıq. Elə çalışırıq ki, tez-bazar daşı-daş üstə qoyaq və nəyinsə tikintisini başa vuraq. Belə də olanda istər-istəməz icra strukturlarının çaldığı hava ilə oynamağa məcburuq. Burda yenə günahkar bizim özümüzük. Tənbəllik, zəiflik, acizlik bizi gətirib atır uçurumun içərisinə.
İndi kimsə papağını qabağına qoyub yaxşı-yaxşı düşünməlidir. Düşünməlidir ki, mən bu addımı atacağım təqdirdə hansı süründürməçilik və bürokratik əngəllə üzləşəcəyəm? Məhz buna görə də o ana, o məqama hamı hazır olmalıdır. Bəziləri də maşınlarını texniki baxışdan keçirəndə qarşılaşdıqları çətinliklərdən gileylənirlər. Deyirlər ki, yol polisi bizi yola vermir. Nədir-nədir onlar maşınılarını ya vaxtında texniki baxışdan keçirmirlər, ya da keçirərkən nəqliyyat vasitələrində texniki nasazlıq aşkar olunur.
Yeni qəbul olunmuş qanuna əsasən bütün nəqliyyat vasitələri mühərrikin gücündən asılı olmayaraq texniki baxışdan keçirilərkən buna görə 20 manat məbləğində pul ödənilməlidir. Əgər maşın texniki cəhətdən nasazdırsa, onda sürücü zəhmət çəkib bu nasazlığı aradan qaldırmalıdır. Bəziləri isə buna əhəmiyyət vermir və çalışırlar ki, qısa zaman kəsiyində nəqliyyat vasitəsini bir çox problemlər olduğu halda texniki baxışdan keçirsinlər. Maşında qüsurlar aşkar olunanda, texniki nasazlıq üzə çıxarılanda bax onda sürücülər gileylənirlər ki, yol polisi bizi yola vermir. Öz gözündə tiri görməyən başqasının gözündə tük axtarır. Bax, belə də olanda istər-istəməz qanqaraçılıq yaranır və kimlərinsə işi tərsinə düşür.
Yola vermək insanları bəlkə də bir-birinə yaxınlaşdıran, doğmalaşdıran səbəblərdən biridi. Ataların belə bir sözü var: "Biri od olanda, biri də su olar". Amma deyəsən indi çox şey dəyişib və heç kəs su olmaq istəmir. Çoxlarımız yeddibaşlı əjdaha kimi ağzımızdan od püskürürük. Bu od da başqasını yandırmaqla yanaşı, elə özümüzü də qarsır və yandırır. Bir balaca bir-birimizi anlasaq və bir-birimizi başa düşsək, onda hər şey çox yaxşı alınar. Bax, burda da Tapdıq həkimin işçilərinə dediyi söz yadıma düşür: "Yola verin getsin!" Yola verməyi bacarsaq nə qan təzyiqimiz qalxar, nə əsəbləşərik, nə də şəkərdən dodağımız quruyar...


YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-07-21
2018-07-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirirsiniz?

Evdə (20%)
İşdə (80%)

ÇOX OXUNAN
GÜNÜN LƏTİFƏSİ
Qadın hirslə ərinə zəng edir:
-Hansı cəhənnəmdəsən indiyə qədər? Saat neçədir, xəbərin var?
-Əzizim, o heç vaxt unutmadığın qeyri-adi üzük olan zərgərlik dükanı var idiye. O vaxt pulum olmadı, ala bilmədim sənə. Dedim ki, eybi yox, pulum olan kimi ilk işim bu üzüyü sənə almaq olacaq. Yadındadır? Qadın yumşalır və həyəcandan titrəyən səslə:
- Hə, əzizim, əlbəttə yadımdadır. Heç xatırlamaz olarammı?
- Bax o dükanın yanındakı çayxanada uşaqlarla domino oynayıram, bir azdan gələcəm.




digər lətifələr
ARXİV
FACEBOOK