Film izle hacklink kiralık bahis sitesi satılık bahis sitesi Adalet.az | "Bakı bu imtahandan üzüağ çıxacaq" Adalet.az | "Bakı bu imtahandan üzüağ çıxacaq" Adalet.az | Ədalət -
ANA SƏHİFƏ / YAZARLAR

"Bakı bu imtahandan üzüağ çıxacaq"

AİJA prezidenti Eldar İsmayılov ölkəmizdə keçiriləcək I Avropa Oyunlarının idman mətbuatının inkişafına da böyük təkan verəcəyinə inanır

17175    |   2015-04-25 01:21
Şriftin ölçüsü:
A+ Böyütmək
A+ Balacalaşdır

Azərbaycan paytaxtında keçiriləcək I Avropa Oyunlarının startına 50 gündən də az vaxt qalıb. Son illər beynəlxalq səviyyəli müxtəlif tədbirlərə ev sahibliyi edən Bakı daha böyük bir sınaq ərəfəsindədir.
İlk dəfə məhz bizim ölkədə keçiriləcək I Avropa Oyunlarına hazırlıq işləri yekunlaşmaq üzrədir. Azərbaycan İdman Jurnalistləri Assosiasiyasının (AİJA) prezidenti, Avropa İdman Mətbuatı İttifaqı (UEPS) İcraiyyə Komitəsinin üzvü, Əməkdar jurnalist Eldar İsmayılov bu mühüm tədbirin bütün dünyaya səs salacağına əmindir.

Boks rinqindəki
jurnalistlər

- Eldar müəllim, nüfuzlu beynəlxalq təşkilatın rəhbərliyində təmsil olunursunuz. Söhbətimizin əvvəlində bu qurum haqqında ətraflı bilgi verməniz məncə yerinə düşər...
- Beynəlxalq İdman Mətbuatı Assosiasiyası dünyanın ən qocaman qurumlarından biridir. AİPS-in əsası 1924-cü il iyulun 2-də Parisdə qoyulub. Həmin dövrdə Fransa paytaxtında - müasir olimpiya hərəkatının banısı baron Pyer de Kubertenin doğma şəhərində VIII Yay Olimpiya Oyunları keçirilirdi. O vaxt məşhur jurnalistlərindən sayılan Frans Reichelin təşəbbüsü və rəhbərliyi ilə Fransa İdman Klubunun mənzil-qərarğahında, boks rinqində 29 ölkəni təmsil edən jurnalistlərin toplantısı təşkil olunur. Məhz bu toplantının yekununda Beynəlxalq İdman Mətbuatı Assosiasiyası (AİPS) təsis edilir. Qurumun yaradıcısı Frans Reichel AİPS-in ilk prezidenti seçilir.
İlk Konqresdə iştirak edən ölkələrdən səkkizi - Fransa, Belçika, İsveç, İtaliya, Polşa, Macarıstan, Almaniya və Avstriya AİPS nizamnaməsinə uyğun milli birliklər yaradaraq öz jurnalistlərini bu qurumlar ətrafında birləşdirdilər. Beləliklə, həmin ölkələrin milli idman yazarları assosiasiyaları AİPS-in təsisçiləri hesab edilirlər.
AİPS idmanın tərəqqisi, peşəkar mənafelərin qorunması naminə üzv assosiasiyalar arasında əməkdaşlığın genişləndirilməsinə, bütün ölkələrin idman jurnalistləri arasında dostluğun, həmrəyliyin və ümumi maraqların möhkəmləndirilməsinə, onlara yüksək iş və fəaliyyət şəraitinin yaradılmasına çalışır. Hazırda AİPS öz ətrafında 165 ölkənin milli idman jurnalistləri assosiasiyasını toplayıb. Qurumda ölkəmizi Azərbaycan İdman Jurnalistləri Assosiasiyası (AİJA) təmsil edir. AİPS-in hər il ali forumu - Konqresi keçirilir. Bu konqreslərin keçirildiyi şəhərlərinə diqqət yetirəndə qurumun coğrafiyasının bütün yer kürəsini əhatə etdiyini aydın görmək olur - Paris (Fransa), London (Böyük Britaniya), Berlin (Almaniya), Brüssel (Belçika), Bazel (İsveçrə), Mexiko (Meksika), San Paulo (Braziliya), Toronto (Kanada), Nyu York (ABŞ), Seul (Koreya), Kuala Lumpur (Malayziya), Montevideo (Uruqvay), Marrakeş (Morok), Doha (Qətər), Kinşasa (Zair)...
- Bu şəhərlərin sırasına Azərbaycan paytaxtı da əlavə olunub. Bakıda keçirilən 77-ci Konqres barədə danışmazdan öncə istərdim prezidenti olduğunuz Azərbaycan İdman Jurnalistləri Assosiasiyasının yaranma tarixi barədə danışaq...
- AİJA 1995-ci il yanvarın 10-da təsis olunub. Gənclər və İdman Nazirliyində keçirilən təsis yığıncağında o zaman nazirliyə rəhbərlik edən Əbülfəs Qarayev, Milli Olimpiya Komitəsinin təmsilçiləri, tanınmış jurnalistlər iştirak edirdi. Fəaliyyətə başladığı gündən AİJA çox böyük işlər görüb və keçirdiyimiz tədbirlər mətbuatda geniş işıqlandırılıb. Ötən bu illər ərzində Gənclər və İdman Nazirliyi, Milli Olimpiya Komitəsi təşkilatımıza daim mənəvi dayaq durub, irəli sürdüyümüz təklifləri dəstəkləyib. Bu gün nazir Azad Rəhimov AİJA-nın fəaliyyəti və problemləri ilə daim maraqlanır. Məhz belə bir diqqətdən ruhlanaraq mən AİPS-in 90 illik yubileyinə təsadüf edən 77-ci Konqresinin Bakıda keçirilməsi təşəbbüsünü irəli sürdüm. Bu təşəbbüs ölkə rəhbərliyi tərəfindən bəyənildikdən sonra 2012-ci ilin yanvarında Avstriyanın İnnsbrusk şəhərində keçirilən AİPS-in 75-ci Konqresində yekdil səslə qəbul edildi.
77-ci Konqres ötən il aprelin 26-dan mayın 1-dək Bakıda beşulduzlu "JW Marriott Absheron Baku" otelində keçirildi. Beş gün davam edən və yüksək səviyyədə yekunlaşan mötəbər tədbirdə dünyanın 112 ölkəsini təmsil edən 265 nümayəndə - tanınmış qələm, söz və fikir adamı iştirak etdi. Konqresin iclasında AİJA-nın prezidenti kimi artıq ikinci dəfə Avropa İdman Mətbuatı İttifaqı (UEPS) İcraiyyə Komitəsinə üzv seçildim. Bu mötəbər qurumun 12 nəfərlik tərkibində Azərbaycanı təmsil etmək imkanı qazandığım üçün qürur duyuram.
Azərbaycanın bütün sahələrinə, o cümlədən mətbuatın və idmanın inkişafına böyük diqqət göstərən Prezident İlham Əliyevin Bakıda keçirilən Konqresin işinə təbrik məktubu göndərməsi, qonaqların şərəfinə verilən ziyafətdə şəxsən iştirak etməsi və Azərbaycana gələn nümayəndələrlə mehriban görüşməsi tədbirimizi daha da şərəfləndirdi.
Tarixi hadisə
ərəfəsində

- Bakı I Avropa Oyunlarına ev sahibliyi edəcək. Belə bir nəhəng idman yarışının ilk dəfə məhz Azərbaycanda keçirilməsinə münasibətiniz necədir?
- Həqiqətən də tarixi bir hadisə ərəfəsindəyik. I Avropa Oyunlarının gündən-günə gözəlləşən Bakımızda keçirilməsini şərtləndirən səbəblər var. Azərbaycan son illər əldə etdiyi iqtisadi qüdrəti ilə bütün dünyanın diqqətini özünə cəlb edib. Qədim və zəngin mədəniyyətimiz, idman sahəsində qazandığımız nailiyyətlər ölkəmizi hər yanda tanıdır. İndi Azərbaycanın nüfuzu ilə hesablaşır, beynəlxalq aləmdə bizə daha çox etimad göstərirlər. I Avropa Oyunlarının Azərbaycanda keçirilməsi də məhz bu etimadın göstəricisidir.
Prezident İlham Əliyev, ölkəmizin birinci xanımı, I Avropa Oyunları Təşkilat Komitəsinin rəhbəri Mehriban xanım Əliyeva qitədə ilk dəfə keçirilən bu yarışın yüksək səviyyədə təşkil olunacağını dəfələrlə vurğulayıblar. Qısa müddət ərzində görülən işlər, müasir səviyyədə tikilən stadionlar, idman qurğuları sübut edir ki, ölkəmiz I Avropa Oyunları kimi nəhəng idman yarışını layiqincə keçirəcək, qitənin idman tarixinə yeni bir səhifə yazılacaq. Bu gün dünyanın nəzərləri Bakıya yönəlib. Sürətlə gözəlləşən paytaxtımız növbəti dəfə ciddi imtahan verir. Hamımız kimi mən də inanıram ki, Bakı bu imtahandan üzüağ çıxacaq.
- Rəhbəri olduğunuz qurum bu yarışa necə hazırlaşır?
- AİJA I Avropa Oyunları ilə bağlı müəyyən tədbirlər həyata keçirib. Yarışları işıqlandıracaq jurnalistlər üçün treninqlər təşkil etmişik və bu treninqlərdə dünyanın müxtəlif ölkələrindən gələn idman yazarları iştirak ediblər. Mən və AİJA-nın I vitse-prezidenti, AİPS üzvü Nərgiz Mahmudzadə bu günlərdə Bakı Avropa Oyunları Komitəsinin (BAOƏK) Mətbuat Əməliyyatları Şöbəsinin direktoru xanım Ceyn Pirslə, Mətbuat Əməliyyatları rəhbəri xanım Loreyn Rolstonla görüşdük. Çox faydalı bir görüş oldu, qarşılıqlı maraq doğuran məsələləri müzakirə etdik. Son məlumata görə, I Avropa Oyunlarını işıqlandırmaq üçün yerli mətbuat nümayəndələri də daxil olmaqla 800-dən çox jurnalist akkreditə olunub. Onların rahat çalışmaları üçün hər cür şərait yaradılıb. Jurnalistlərə paylanacaq xüsusi kitablar, broşuralar Azərbaycan və ingilis dillərində çap olunub.
- Belə bir mötəbər yarış ölkəmizdə idman jurnalistikasının inkişafına da töhfəsini verə bilər...
- Sözsüz ki, I Avropa Oyunları bizim idman mətbuatının inkişafına təsir göstərəcək. Jurnalistlərimiz bu yarışı işıqlandırmaq üçün Bakıya gələcək təcrübəli əcnəbi həmkarları ilə fikir mübadiləsi apara biləcəklər. Çox istərdim ki, Azərbaycanı peşəkar, idman mətbuatında sözünü deyə bilmiş jurnalistlər təmsil etsin.
- Eldar müəllim, qarşıdan daha bir əlamətdar hadisə gəlir. AİJA-nın 20 yaşı tamam olur...
- Həqiqətən də bu il təşkilatımız üçün əlamətdar bir ildir. Noyabrda yubiley mərasimi təşkil etmək fikrimiz var. AİPS prezidenti Canni Merlo bununla bağlı dövlət başçısı İlham Əliyevə məktub göndərib. İnanıram ki, Prezident həmişə olduğu kimi, bu dəfə də AİJA-ya diqqət və qayğı göstərəcək. Gənclər və İdman Nazirliyinin, Milli Olimpiya Komitəsinin yaxından iştirakı ilə möhtəşəm yubiley tədbiri keçirə biləcəyik.


YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Məktəbli formalarının qiymətlərindən razısınızmı?

Hə (25%)
Yox (75%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK