ANA SƏHİFƏ / YAZARLAR

PREZİDENT, CİBİNDƏN ÜŞÜYƏN ADAM VƏ "TONQAL"

16826    |   2009-07-13 19:31
Şriftin ölçüsü:
A+ Böyütmək
A+ Balacalaşdır

Çox qəribədir ki, bu gün məmləkətimizdə prezident sözündən istifadə edən və onun kölgəsi altında gizlənmək istəyən adamlar var. Ən qəribəsi də odur ki, bu cür adamlar bu addan bol-bol xeyir götürürlər. İndi baxıb görürsən ki, hətta bəzi qəzetlərin adı da "Prezident"dir. Bu ad altında həmin qəzeti buraxan adamlar qapı-qapı gəzib ona-buna öz hökmünü göstərməkdən də çəkinmirlər.
   
   Bir dəfə on il bundan əvvəl rayonların birində olanda gördük ki, icra hakimiyyətində çoxları əl-ayağa düşüb. Dedik nə baş verib? Bildirdilər ki, bəs "Prezident" qəzetindən gəliblər. Ona görə də aləm bir-birinə dəyib. Hətta həmin rayonun icra başçısı qəbulunda saatlarla gözləyən dövlət qəzetinin əməkdaşını qəbul etməyib, bir neçə dəqiqənin içərisində "Prezident" qəzetinin müxbirini qəbul etdi. Sonra da dedilər ki, qəzetin əməkdaşını gec qəbul edərik, gedib orda-burda bizi biabır edər. Təsəvvür edin ki, hətta yüksək vəzifəli şəxslər elə bilirlər ki, "Prezident" qəzeti dövlətə məxsusdur və bu qəzetə prezident tərəfindən guya nəzarət edilir. Amma bir balaca dərinə gedəndə məlum olur ki, kimsə bu qəzeti təsis etməklə sadəcə olaraq prezident sözündən istifadə edib bağlı qapıları açmaq istəyir.
   
   Maraqlısı odur ki, hətta bir çox səhmdar cəmiyyətlərin sədrləri də özlərini həmin cəmiyyətin prezidenti adlandırırlar. Qardaş, biz görmüşük ki, ölkədə bir prezident olur və onu da beş ildən bir xalq seçir. Və xalq da bilir ki, onun prezidenti kimdir. Amma xalq onu bilmir ki, "Kurort" Səhmdar Cəmiyyətinin də prezidenti var. Görəsən, heç səhmdar cəmiyyətində də prezident vəzifəsi varmı? Sadəcə olaraq hər bir cəmiyyətin idarə heyətinin üzvləri olur və bu idarə heyəti də üzvləri arasında birini sədr seçirlər. Tay onda prezident sözünə nə ehtiyac qalır? Belə çıxır ki, istənilən səhmdar cəmiyyətinin sədrini prezident sözü ilə əvəz etmək olar. Vallah, prezident sözünü eşidəndə çoxları təəccüblənir. Elə o cümlədən mənim özüm də təəccüb və təəssüf hissimi gizlədə bilmirəm.
   
   Hansısa bir cəmiyyətin prezidenti olmuş bir adam danışırdı ki, bir dəfə avtomobillə gedəndə yol polisləri məni saxladı. Mən də vəsiqəmi onlara təqdim elədim. Yol polisləri vəsiqəmdəki prezident sözünü görəndə gözləri kəlləsinə çıxdı. Sonra da "çes" verib dedilər ki, qardaş, sən hansı ölkənin prezidentisən? Mən də dilim dinc durmayıb bildirdim ki, Mozambikin. Bax, belə "prezidentlər" kimə və nəyə lazımdır? Nə üçün onlar bu mötəbər addan istifadə etməli və onun kölgəsində gizlənməlidirlər. Bax, bu məsələlər bizi həmişə düşündürür və narahat eləyir. Yəqin ki, buna bir əncam çəkən tapılar.
   
   İstedadlı şair Əlisəmid Kür nə qədər gözəl şeirlər yazırsa, bir o qədər də maraqlı bir şairdi. Yəni onun özünün dünyaya və insanlara qeyri-adi, orijinal bir baxışı var. Şeirləri də özü kimi çox səmimi və şirindir. O qədər şirindir ki, bu şeirlərdə bir bal şirinliyi hiss edirsən. Bir neçə gün qabaq onunla Atatürk parkındakı çayxanada rastlaşdıq. Çayxanada xidmət edən Emin adlı oğlan bir çaynik dəmlənmiş kəkotulu çayı qabağımıza qoydu. Elə bu vaxt Xaqani dostumuz da gəlib çıxdı. Əlisəmd Kür şeirindən bir misranı dedi. Şeir olduğu kimi yadımda qalmasa da, amma məzmunu belə idi ki, adam cibindən üşüyür. Doğrudan da insanın cibində bir manat, on manat pulu olmasa, evdən çölə çıxa bilməz və harasa gedib çata bilməz. İndi dünyamızda o qədər cibindən üşüyən adamlar var ki, onların sayı-hesabı yoxdur. Sonra da Əlisəmid Kür gözəl şair Adil Şirinin şeirlərindən və səmimiyyətindən danışdı. Mənə də dedi ki, sənə bir mövzu verirəm, onu yazarsan. Mövzu da belə idi ki, indi Bakının əksər binalarında təmir-tikinti, qaşıma işləri aparan cavan uşaqlar tozun-torpağın içində nəfəslik taxmadan işləyirlər. Həqiqətən də hər gün köhnə binaların divarlarının təmizlənməsi zamanı yüzlərlə bu cür nəfəslikdən istifadə etməyən gəncləri görürük. Bəlkə də onlara tikinti təşkilatları o qoruyucu vasitəni verirlər. Ancaq onlar tənbəllikdənmi, ya da nədənmi həmin qoruyucu vasitədən istifadə eləmirlər. Birbaşa toz-torpaqsa həmin uşaqların hava vasitəsi ilə ağzına dolur və ciyərlərinə hopur. Bu cür halların davam eləməsi isə gələcəkdə ağciyər xəstəliklərinin və vərəmin başlanğıcına şərait yaradır. Axı bu uşaqları işlədən tikinti təşkilatları və ayrı-ayrı iş adamları niyə o gənclərin taleyi haqqında dərindən fikirləşmirlər? Gəncliyin həyatına bu qədər də soyuqqanlı yanaşmaq olarmı? Axı heç kəs deyə bilməz ki, bir neçə aydan və bir neçə ildən sonra bu uşaqlar o toz-torpaqdan vərəmə yoluxmayacaqlar? Ona görə də nə qədər gec deyil bu gənclərin taleyi haqqında vəzifəli şəxslər dərindən düşünməlidirlər. Kiminsə beş-on manata ehtiyacı varsa və buna görə həmin adamlar ən ağır işin qulpundan yapışırlarsa, bu o demək deyil ki, o gəncləri gedər-gəlməzə yollamaq lazımdır. Onları da ata əkib, ana doğub. Təbii ki, onların da başının üstündə Allah var.
   
   Bir həftə bundan əvvəl "Azərbaycan" nəşriyyatının ikinci mərtəbəsində 1993-cü ildə bizim qəzetdə işləmiş bir xanımla - Mənsurə Qaçayqızı ilə rastlaşdım. Sözün düzü, heç əvvəl onu tanımadım. Mənsurə xanım mənə yaxınlaşıb soruşdu ki, siz Faiq müəllim deyilsiniz? Dedim ki, düz tapmısınız. Sonra da Mənsurə xanım vaxtı ilə bizim qəzetdə işlədiyni bildirdi və mənə bir qəzet təqdim elədi. Sözün açığı indiki qəzet bolluğunda adam təqdim olunan qəzetin çoxuna baxmaq istəmir. Amma bu qəzetə baxan kimi adı məni tutdu. Qəzet "Tonqal" adlanır. Səhifələrə göz gəzdirəndə gördüm ki, ikinci səhifədə Nəriman Həsənzadənin "Tonqal"a təbriki var. Sonra şair Zahid Xəlilin, Qəşəm Nəcəfzadənin təbriklərini oxudum. 6-cı səhifədə isə istedadlı şair İlyas Tapdıqla müsahibə dərc edilmişdi. Bu müsahibə də çox şirin qələmə alınmışdı. Qəzetin ən maraqlı cəhətlərindən biri o idi ki, burda uşaq dünyası ilə bağlı məsələlərə toxunulub. Sözün açığı bir çox qəzetlər ya reketçilik edir, ya kimlərinsə mənafeyinə xidmət göstərir, ya da təsisçinin marağına xidmət edir. Az-az qəzet tapılar ki, maarifçiliyə və dövlətçiliyə xidmət göstərməyə çalışsın. Bu mənada "Tonqal" öz tutduğu maarifçilik ideyası ilə seçilir. Kimsəsiz uşaqlar axtarılıb tapılır, istedadlı uşaqlara isti münasibət göstərilir. Qəzetdə uşaqlar arasında aparılan sorğu, ayrı-ayrı uşaqların şeirləri və dünya uşaqlarının gözü ilə rəsm işləri öz orijinallığı ilə diqqəti cəlb eləyir. Qəzet bolluğunda bu cür qəzetlərin işıq üzü görməsi maarifçilik ideyalarının yayılması baxımından çox dəyərlidir.
   
   Sən demə, Mənsurə Qaçayqızı həm də gözəl şeirlər müəllifi imiş. Heç bizim qəzetdə işləyəndə həmin şeirləri bizə göstərməyib. Sadəcə olaraq Mənsurəni biz texniki işçi kimi tanımışıq. Azərbaycan Pedoqji Universitetinin riyaziyyat fakultəsini bitirən Mənsurə xanım deyir ki, mən məktəbə gedib öz arzularımı və ideyalarımı gerçəkləşdirə bilməyənədən sonra pedoqoji işdən uzaqlaşdım. Hiss etdim ki, bir qüvvə məni poeziyaya və mətbuat aləminə çəkir. Elə bu məqsədlə də ilk şeirlər kitabımı 2008-ci ildə çap etdirdim. Doğurdan da Mənsurənin "Dünəndə qalan sabah" ilk şeirlər kitabı poetik yükü, hadisələrə orijinal yanaşmaq baxımından çox dəyərlidir. Şeirlərində vətən sevgisi, insan və onun sədaqəti həmişə önə çəkilir. Hər bir misra ürəkdən qopan və kiminsə kədərini ifadə edən poetik bir şeirə çevrilir. Bu şeirlərin heç birinin qəhrəmanı Mənsurə özü deyil. Onun gördüyü, müşahidə etdiyi və qarşılaşdığı anlar poetik lövhələrə çevrilir və misralara dönür.
   
   Mənsurə mənə bir kitab da təqdim elədi. Dedi ki, bunu vaxtilə ruhi xəstəxanada yatan və sonra da Ağdam işğal olunandan sonra buraxılan və başqa rayonda dünyasını dəyişən Səyyad Vəlioğlu yazıb. Bu həmin Səyyad Vəlioğludu ki, nişanlısı Əli Kərimi tanımadığına görə, o da nişan üzüyünü həmin qızın barmağından çıxarıb və ondan üz döndərib. Çoxları ona dəli kimi baxıblar. Amma düz söz deyən adama bəziləri dəli deyiblər. Dəlilər heç vaxt yalan danışmırlar. Dəli yalan danışırsa, deməli dünyanın axırıdır...
   
   


YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-01-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (73.33%)
Yox (26.67%)

ÇOX OXUNAN
GÜNÜN LƏTİFƏSİ
Bir gün üç tənbəl istidə yol gedirlər. Görürlər ki, armud ağacı var. Armud ağacının kölgəsinə uzanırlar.
Tənbəlin biri deyir ki, nə bu armud qırıla düşə ağzıma yeyəm. O biri deyir nə məni aparıb o göldə çimizdirib gətirələr bura. O biri tənbəl:
- Ərinmirsiniz danışırsınız.



digər lətifələr
ARXİV
FACEBOOK