Film izle hacklink kiralık bahis sitesi satılık bahis sitesi Adalet.az | Böyük ədəbiyyatın ünvanı Adalet.az | Böyük ədəbiyyatın ünvanı Adalet.az | Ədalət -
ANA SƏHİFƏ / YAZARLAR

Böyük ədəbiyyatın ünvanı

adyazar.az-ın tapıntısı: Azadlıq Yolun Ortasındadır

238091    |   2009-07-04 01:56
Şriftin ölçüsü:
A+ Böyütmək
A+ Balacalaşdır

adyazar.az adlı bir sayt var. Ədəbiyyat adına nə istəsən orda tapa bilərsən. "Ədəbiyyat" qəzetini sıxıb yerə atsan canı çıxar, adyazar.az isə başqalarına can verir. Ora tapınan yazarları oxuyanda adam dirçəlir, dönüb arxasından gələn balacalara baxıb gülümsünür, göz vurur onlara. Yəni demək istəyir: darıxmayın, sizin gələcəyinizin mayakı hüseynbəylilər, qabillər, gülağatənhalar, qəşəmnəcəfzadələr olmayacaq. Qan Turalı var, "Ciyələkli gecə"si ilə, Elnur Astanbəyli var "Murdar"ıyla, Həmid Herisçi var "Nekroloq"u, Rasim Qaraca var, "?lüm adlı günəş" ilə.
   
   Yazarı oxucu adam eləyib üzə çıxarır. Anarı gənclərin hədəfinə çevirən onun oxucuları oldu. Qapalı sovet rejimində alternativ görməyən oxucu Anarı tərifləyə-tərifləyə tamada səviyyəsinə endirdi. adyazar.az-ın oxucuları çox qəddardır. Onlar Rasim Qaracanın "Dünyanın ən qorxusuz yeri" hekayəsindəki" "qorxusuz" ifadəsi yerinə "təhlükəsiz" yazılmamasına irad tuturlar. Onlar Ceyhun Musaoğlunun, həqiqətən ədəbiyyatçı ola bilməyəcək, gəncliyi arxada qalan, gələcəyi isə görünməyən bir jurnalistin "Tüstülənən arzu" hekayəsindəki "şalvarı kəmərdən çıxardı" cümləsində "şalvar"ın artıq olduğunu qızıl-qırmızı yazarın üzünə çırpırlar. Onlar Aqşini fəlsəfə qanadlarında uçmaqda qınayır, kimsədən çəkinmədən şairi dartıb yerə salırlar. Qoy əzilsin, qoy başı partlasın, birdəfəlik başa düşsün ki, oxucunu dolamaq olmaz.
   
   Bir oxucu belə, Bəxtiyar Vahabzadəyə deməmişdi ki, "hər şey bölünürkən çoxalır, bəs bu nədəndir, ancaq yox olur yarı bölünmüşsə məhəbbət" sualını o bizə yox, biz ona verməliydik. Şairin borcu cavabı tapılmayan suallara cavab verməkdir, təbii ki, öz məntiqi ilə. Yoxsa Qabildən soruşan olmuşdu ki, hürufiliyin tam əksinə, hürufiliyə ironiya həyat tərzi keçirdiyin halda "Nəsimi" poeması yazıb, o nəhəng insanı necə təbliğ etdin? "Sənin səmimiyyətinə necə inanaq, ay Qabil?" deyən olmuşdu?...
   
   Yəqin ki, Rəşad Məcidi hamınız tanıyırsız. Sizi bilmirəm, mən onu özümə dost və qardaş hesab edirəm. Səmimiyyətinə inanıram dostum və qardaşımın. Rəşad bəy bu yaxınlarda "Ədəbiyyat" qəzetini yaş yudu, quru sərdi. "Ədəbiyyata xidmət eləmir" dedi, bu qəzet. Azərbaycan Yazıçılar Birliyində gənclər üzrə katib postunu tutan adamın belə yanaşması ciddi qəbul olunmalıydı. AYB rəhbərliyi anında reaksiya verməli, qəzetdə araşdırma aparmalı, günahkarları cəzalandırmalı, büdcədən ayrılan pulları göyə sovurduqlarına görə onları redaksiyanın qapısından çölə atmalıydı. Belə olmadı. Əslində, Rəşad Məcidə hörmətsizlik edildi.
   
   Bilirsizmi niyə? Çünki Rəşad bəy alternativ göstərməmişdi. "Bu pisdir" deyənlərədən həmişə soruşulur: "Bəs nə yaxşıdır?" Rəşad Məcid ədəbiyyata xidmət edən yaxşı orqanın adını çəkməmişdi.
   
   ?ç səbəb ola bilər: Birinci, belə bir orqanın olmasından xəbərsizmiş, ikinci, dağıdıcı qocalar onu yaradıcı gənclərlə əlbir olmaqda qınayar, üçüncü, bir vaxtlar tənqid olunduğu düşərgəyə dost əli uzatmaq istəmir. Rəşad Məcid informasiyalı adamdır, hər şeydən xəbəri var. Deməli, birinci səbəb getdi. İkinci səbəb də boş çoxluğa bərabərdir ona görə ki, prezidentin seçkidə vəkili olandan sonra Rəşad Məcidin hər hansı bir qocadan qorxacaq yeri yoxdur. Bəli, Rəşad bəy "düşmən" düşərgəyə dost əli uzatmaq istəmir. adyazar. az-ın kiminsə əlinə ehtiyacı da yoxdur. Sadəcə, etiraf etmək lazımdır: böyük ədəbiyyat adına nə varsa, bu saytdadır, daha heç yerdə. Yaxşı olardı, yaxşı olardı ki, bu etirafı AYB-nin gənclər katibi etsin.
   
   Mən sizə əsl ədəbiyyatın ünvanını göstərdim. Adyazar.az-ı tıklayın ədəbiyyat dünyasına düşün. Azadlıq nə arxadadı, nə öndə. Azadlıq Yolun Ortasındadır. Sadəcə, əyilib götürmək lazımdır, tapdalayıb keçmək yox.


YAZARIN ARXİVİ

SON XƏBƏRLƏR
2019-09-21
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (60%)
"Sevilya" (40%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK