Ücretsiz php script indir film izle hd film izle ikinci el eşya alanlar shell indir hack forumu hacklink satışı Ücretsiz php script indir film izle hd film izle ikinci el eşya alanlar shell indir hack forumu hacklink satışı Adalet.az | Bizim qəribə millətimiz Adalet.az | Bizim qəribə millətimiz Adalet.az | Ədalət -
ANA SƏHİFƏ / YAZARLAR

Bizim qəribə millətimiz

Serj Sarkisyan Qarabağa gələndə niyə toz olmadı?

23987    |   2008-11-22 02:45
Şriftin ölçüsü:
A+ Böyütmək
A+ Balacalaşdır

Nə sözün?

Ermənistan prezidenti Serj Sarkisyanın işləri pis getmir. Babat vəzifəsi var, dolanışığı da öz yerində. Bu gün Yerevan kimi xarabada başqalarından yaxşı yaşamaq üçün daha nə lazımdı ki? Necə deyərlər, ölmək istəyirsən get Mazandarana. Ermənilərin müdiri Sarkisyansa Mazandarana yox, Qarabağa gedir. Özü də ölməyə deyil, gəzməyə.
   
   Qəribə millətik, düşmən ölkənin prezidenti bizim ərazilərə başmaq seyrinə çıxır, bizimsə kənarda durub baxmaqdan başqa əlimizdən heç nə gəlmir. Qohum-qonşudan utanmasaq, mahnı da oxuyarıq:
   
   
   
   Küçələrə su səpmişəm,
   
   Serj gələndə toz olmasın.
   
   Elə gəlsin, elə getsin,
   
   BMT-də söz olmasın.
   
   
   
   İş mahnı oxumağa, sındıra-sındıra rəqs etməyə, qafiyə tapıb şeir yazmağa çatanda heç kim bizim millətin qabağına çıxa bilməz. Yazıçılar Birliyinin üzvlərinin sayı Milli Ordunun şəxsi heyətindən yalan olmasın, iki dəfə çoxdur. Hələ mən rəqqaslarımızın sayını demirəm. Bəs necə, toy məclisinə bir boşqab plovu gətirəndə 42 rəqqas oynayır. Elə bil dünya rəqs festivalı keçirilir.
   
   Toydan söz düşmüşkən, millətimizin qəribəliyi elə ən çox belə məclislərdə üzə çıxır. Bizim toylarda tər tökə-tökə atılıb-düşən, təkcə xalq havalarımızı deyil, bütün ölkələrin rəqslərini ən çox oynayanlar bilirsiz kimlərdir? Desəm bəlkə də inanmazsız. Qohum-qardaş toyunda bu məsələyə bir anlıq diqqət ayırın, hərbçilərlə bələdiyyə işçiləri meydandan çıxmır, o qədər oynayırlar ki, üst-başlarından vedrəylə su axır. Mən bu nüansı bir qədər araşdırmışam və belə qənaətə gəlmişəm ki, rəqs bizim orduda ən vacib məsələdi. Döyüş texnikasından yaxşı istifadə etməyə bilərsən, amma əla rəqs etməyi hökmən bacarmalısan. Bacarmayanı döyə-döyə öyrədirlər. Orduda son vaxtlar qeydə alınan döyülmə faktları da bununla bağlıdı. Heç eşitmisinizmi ki, tankı düz sürmədiyinə görə kimisə döysünlər? Lakin yaxşı rəqs edə bilmədiyi üçün əsgəri o qədər döyərlər hansı hərbi komissarlıqdan çağırış vərəqəsi aldığı yadından çıxar.
   
   Başqa işçilərimiz də təxminən belədi. Bakı haqqında ən azından 654 mahnı yazmışıq, amma paytaxtda rahat maşın sürməyə bir dənə də normal yol yoxdu. Bu hələ harasıdı, ATƏT-in Minsk Qrupunun Fransadan gələn həmsədri Bernar Fasye bu dəqiqə biz tərəflərdə Həzi Aslanovdan məşhur adamdı. Qorxuram ki, yeni tikiləcək metro stansiyalarından birinə elə Bernar Fasyenin adını versinlər.
   
   Dünyanın futbol üzrə ən qəribə yığması da bizim millətin bəxtinə düşüb. Milliyə dəvət olunan futbolçularımız xarici ölkə klubları bir yana, heç yerli komandalarımızda əsas heyətə düşə bilmirlər.
   
   Bizim millətin belə qəribə işləri çoxdu. Hansı işinə əl atırsan içindən bir əmma çıxır. Amma öz aramızdı, elə mən də qəribə adamam. Bir-iki cızmaqarayla bu dünyanın nizama düşəcəyinə hələ də inanıram...


YAZARIN ARXİVİ

2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
Ücretsiz php script indir film izle hd film izle ikinci el eşya alanlar shell indir hack forumu hacklink satışı
SON XƏBƏRLƏR
2018-12-11


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Gəlin günahkardır, yoxsa qaynana?

Gəlin (64.29%)
Qaynana (35.71%)

ÇOX OXUNAN
GÜNÜN LƏTİFƏSİ
Tibb bacısı əlində iynə palataya daxil olur:
- Əliş dayı, oyan... xahiş edirəm oyan...
Xəstə güclə şirin yuxudan ayılıb gözünü ovxalayır:
- Nolub a bala, nə deyirdin?!
- Heç, yuxu iynəsi gətirmişəm, onu vurum, gedirəm.




digər lətifələr
ARXİV
FACEBOOK