deneme bonusu viagra sipariş bahis siteleri viagra satış kacak bahis viagra fiyatları viagra fiyatı kaçak bahis mobil ödeme bahis time4bets kaçak bahis canlı bahis güvenilir bahis siteleri deneme bonusu bonusal deneme bonusu hacklink yobit.net Adalet.az | İŞƏ VELOSİPEDLƏ GEDƏN KİŞİLƏR Adalet.az | İŞƏ VELOSİPEDLƏ GEDƏN KİŞİLƏR Adalet.az | Ədalət -
ANA SƏHİFƏ / YAZARLAR

İŞƏ VELOSİPEDLƏ GEDƏN KİŞİLƏR

16133    |   2014-11-08 01:43
Şriftin ölçüsü:
A+ Böyütmək
A+ Balacalaşdır




Mənim iş yoldaşım çox ağıllıdı. O qədər ağıllı ki, hər söhbətimizdən bir yazı hazırlamaq olar, əgər mən tənbəllik etməsəm. Zövqlərimiz oxşardı-televizorda ancaq seçmə bədii filmlərə, bir də intellektual verilişlərə baxırıq. Səhər də mütləq özünü otağıma çatdırıb (əgər onu iş dalınca göndərməsələr) təəssüratlarını bölüşməlidi...
Bu dəfə mən onu qabaqlayıram:
- Ötən axşam bir filmə baxırdım... Təsəvvür elə, kişini səfir göndərirlər, ancaq evlənmək istədiyi qadının keçmişinə görə onu seçim qarşısında qoyurlar. Bilirsən, o neylədi?!. "Vəzifədən xoşbəxtlik yaxşıdı" deyib qadını seçdi...
- Belə şeylər bizlik deyil, Vəsilə. Özünü yorma. Bilirsən bunu hansı kişilər edir? İşə velosipedlə gedib-gələn kişilər... Bizlərdən belə şeyləri gözləmə...
İş yoldaşımın qəribə məntiqi xoşuma gəlir. Deməli, onun ağlıynan qürurlanmaqda haqlıyammış...
O kişi bilirdi ki, vəzifə ömürlük deyil. Sevimli qadına qovuşmaq isə bir ömürlük xoşbəxtlik deməkdi...
Bizim Zaursa Təhminəni bir "Volqa"nın açarına satdı...
Onlar qadının ipək dəsmalını elə nazikcəsinə qaldırıb özünə verirlər ki, bu anın təəssüratı uzun müddət yaddan çıxmır...
Bizimkilər deyir, əyil özün götür, mən götürsəm, söz olar...

***

Ömrünü at belində keçirən ərənlər haqqında nostalji söhbətlər çoxumuzun dilinin əzbəridi. Tarix müəllimimiz deyirdi, monqollar at minməyə o qədər vərdiş eləmişdilər ki, çadırdan çadıra da at belində gedirdilər. O kişilər elə at belində sevir, gəlini də atla gətirirdilər. Lazım gəldikdə sevdikləri qadını başqasının əlindən alırdılar. Qadın ərdə olsa belə. Zərif məxluqu ancaq sevmək və qorumaq lazımdı; onların həyat tərzi beləydi. Qadını mühakimə eləmək kimsənin ağlına da gəlmirdi. (Görünür, təkcə qaliblər deyil, gözəllər də mühakimə olunmur). O, davaya, ölümə, müharibəyə səbəb olurdu, ancaq yenə əvəzsizdi, toxunulmazdı. "Troya" filmində də belədi, Çingiz xan haqqındakı filmdə də... Filmləri izlədikcə nə Yelenanı, nə də Çingiz xanın anasını qınayan, mühakimə edən birisini görmədim. Bu nədi?! Qadını yüksək, qiymətli bilməkmi, yoxsa, dövrün öz əxlaq qanunlarımı?!
İndi isə... bir qadının acığına bir ailəni gülləbaran eləyirlər...
Son zamanlar kürəkənlər Əzrayıl donunda məmləkəti dolaşmaqdadı... Nə "dayan" deyən var, nə də qızının şikayətlərinə, göz yaşlarına məhəl qoyan. Yaxşı bəhanə tapıblar; guya ailə basılmaz qaladı, kimsə ona barmağını da uzada bilməz. Ərə gedən qızın üzünə geriyə dönən yolları birdəfəlik bağlayırlar. "Sənin o evdən meyitin çıxa bilər" cümləsini plakata çevirib asıblar başlarının üstündən. Zülmə, təhqirə dözən, qapaz yeyən gəlinlərə hamı "bərəkallah" deyir. Ər evində günü qara olanlar dərdlərini analarına belə deyə bilmirlər. Mən yuxarıda "son zamanlar" ifadəsini işlətdim. Əslində, bu işlərin kökü çox dərinlərdədi. Hələ Sovet dövründə, qadınların kişilərlə bərabər hüquqlara malik olduğunu dünyaya car çəkdiyimiz zamanlarda da düşdüyü ailədə zorakılığa, şiddətə məruz qalan neçə-neçə gəlin özünü yandırmaqla, sirkə içməklə həyatına qəsd edirdi. Doxsanıncı illərin əvvəlində rayonumuzda tükürpərdici bir hadisə olmuşdu. İki uşağın atası ailəni ehtiyac içində buraxıb Rusiyaya getmişdi. Burada da qayınana iki uşağıyla birgə gəlinə gün vermirdi. Dönə-dönə doğmalarına sığınmaq istəyən cavan qadını öz ata-anası da qəbul eləmirdi. Axırıncı dəfə ata evinin qapısı üzünə bağlanan gəlin ağılagəlməz çıxış yolu tapdı: uşağın birini kürəyinə bağlayıb, o birini də sinəsinə sıxaraq özünü Kürə atdı...
Bu qədər doğmaların içində iki körpəyə, bir anaya sahib çıxan olmamışdı...
Bizimçün ən dəhşətli sürprizləri öz doğmalarımız hazırlayır... Çətin gündə, dar ayaqda kimlərin bizə sahib çıxacağını, yanımızda olacağını heç birimiz bilmirik...
İnsanın ən etibarlı dostu da, sirdaşı da elə onun özüdü... Ürəyimizdən başqa dərd ortağımız yoxdu... Deməli, möhkəm olmaqdan başqa çarəmiz yoxdu...
Qızlarımız öz talelərinə sahib çıxmağı bacarmırlar...
Çoxları da köləliyi könüllü seçirlər...
İşlədiyim idarəyə müxtəlif taleli, müxtəlif niyyətli qadınlar gəlir. Aralarında dərdlərini mənə etibar edənləri çox olur. Özünü taleyin qurbanı kimi qələmə vermək yaxşı bəhanədi, ancaq pis çıxış yoludu. Öz gücsüzlüyünü, öz taleyinə biganəliyini sığortalamaqçındı. Düşünürəm, görəsən, bunlar taleyə meydan oxumağı nə zaman öyrənəcəklər?! Bəlkə də sərt mövqe tuturam. Axı, hamıdan eyni cəsarəti, dünyagörüşü, sərbəstliyi tələb eləmək olmur. Pis adamla rastlaşacağından da kimsə sığortalanmayıb. Bir məlumatda oxumuşam ki, Yer üzündə nikaha girənlərin yüzdə yetmişi xəyal qırıqlığına uğrayır. Hər adamla bir damın altında yaşamaq, ömrü paylaşmaq mümkün deyil. Adamları tanımaq çox çətindi. Bəzən bir ömür də kifayət eləmir. Amma hər kəsin yaxşını pisdən ayırmaq, ağı qaradan seçmək imkanı var. Və zamanı gələndə bunu eləmək lazımdı. Ömrümüzü, günümüzü qaraldanları həyatımızdan uzaqlaşdırmağı bacarmalıyıq... Həm də bu məqamda ilk və son söz ancaq özümüzə məxsusdu. Özü-özünə kömək eləməyi bacarmayanı, yaxud bunu istəməyəni kimsə xilas edə bilmir...
Bu günlərdə "Düşmənlə bir yataqda" filminə bir də baxdım. (İlahi! Mən O Qadını elə özəl başa düşürəm ki... Başına gəlməyənlər çətin anlayar bunu...) Ərinin zülmündən güclə qaçıb canını qurtaran (əslində, bu da təsadüf nəticəsində baş verir) film qəhrəmanı avtobusda bir yaşlı qadına yaşadıqlarını danışmalı olur. Bunun, guya başqasının başına gəldiyini desə də, məsələni anlayan yol yoldaşı niyə ona kiminsə kömək eləmədiyini soruşur. Gözləri yol çəkən qadın: "Bu işdə adama kimsə kömək edə bilmir" cavabını verir.
Mənsə razı deyiləm. Belələrinə kömək etmək olar, ancaq tale yiyəsi özü möhkəm olmalı, sözünün üstündə durmalıdı. Gündə bir qərara gəlməməlidi...
Hərdən özüm də tərəddüd edirəm. Axı, bu yazıqlar dərdlərini kimə desinlər?! Kim anlayacaq onları, ya da anlamağa həvəs göstərəcək?! Xaçpərəstlər doğmaları, yaxınları olmayanda kilsəyə gedib dərdlərini keşişə danışırlar. Onlar buna günah çıxarmaq deyirlər. (Deyirəm, görəsən, bizim mollalara sirr vermək olar? Səhərisi bütün ətrafda səni barmaqnan göstərməzlər ki?!.)
Nə qədər ki, bəlanın içindəsən, kimsə səni eşitmək, anlamaq istəmir. Elə ki, faciə baş verir, onda da hamı düşür üstünə ki, niyə vaxtında bir çarə qılmırdın, dərdini kimsəyə demirdin?!
Telekanallarımızda da elə bəsit müzakirələr aparırlar ki, bilmirsən, güləsən, yoxsa ağlayasan. Axı, biz bu mərhələləri çoxdan keçmişik. Gəlin-qayınana, ərin arvadı döyməsi, ailədə kimin sözünün keçməsi, nə bilim, daha nələr, nələr... Həm də kimlər bizə yol göstərir... Ərinin başında qoz sındıranlar ərə hörmətdən, qayınanasını adam yerinə qoymayanlar necə itaətkar gəlin olmasından danışır. Tamaşaçıya bu qədər hörmətsizlik eləmək, gözünün içinə bunca yalanlar söyləmək daha hansı millətlərdə var, görəsən?!
***
Bu günlərdə velosiped məsələsinə bir də qayıtdıq. Əlində qəzet qapıdan girdi:
- Yadındadı, filmdən danışanda sənə bir söz demişdim ey. İndi qulaq as: Fransanın Belçikadakı səfiri səlahiyyət müddəti bitdikdən sonra vətəninə velosipedlə dönür...
Hə... mənim iş yoldaşım çox ağıllıdı. O qədər ağıllı ki, bir söhbətiynən mənə bu yazını yazdırdı...
Ancaq onun şəxsi maşını yoxdu...
İşə velosipedlə gəlib-getməyə isə hələ ürək eləmir...






YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-07-15


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirəcəksiniz?

Evdə (77.57%)
İşdə (22.43%)

ÇOX OXUNAN
GÜNÜN LƏTİFƏSİ

İki kişi restoranda oturublar. Yanlarında ofisiant keçir. Biri ona qışqırır:

- İki pivə xahiş edirəm!

İkincisi əlavə edir:

- Təmiz bakalda olsun xahiş edirəm!

Bir neçə dəqiqədən sonra ofisiant əlində iki bakal pivə gəlir və soruşur:

- Təmiz bakalda kim istəmişdi?





digər lətifələr
ARXİV
FACEBOOK