ANA SƏHİFƏ / YAZARLAR

ŞUŞA DƏRDİMİZ...

18191    |   2014-05-09 04:22
Şriftin ölçüsü:
A+ Böyütmək
A+ Balacalaşdır

Kalendardakı günlər - milli bayramlar, peşə bayramları, matəmlər - bir sözlə qara və qırmızı rəngin ifadə etdiyi fərqli günlər bir-birini əvəz etdikcə təsəvvürümdə bir insanın, gülüb qurtarmamış ağlamağa başlaması, yaxud da ağladığı yerdə qəflətən şaqqanaq çəkib gülməsi səhnəsi yaranır. Bunu adətən yas yerinə gedən qadınların simasında daha dəqiq ifadə etmək olar. Deyib-gülərək bir neçə qadın yas evinə yaxınlaşır və ... yas sahibinin qarşısında elə şivən qoparıb saçlarını yolub, üzünü cırır ki, məətəl qalmaya bilmirsən. 8 martı, 20-21 martı bayram edirik, 31 martda isə sifətimizdəki sevinc ifadəsi dəyişib hüznlü görkəm alırıq. Və bundan sonra, bir yazarın söylədiyi kimi, müəyyəm vaxta qədər "palatkalar yığışdırılır" . İlboyu çaloynasın, vur-çatlasınla restoranlarda, şadlıq evlərində (xalq olaraq) günümüzü keçirib, Xocalı faciəsinin ildönümündə bir hüzn kampaniyası başlayır ki, sanki il ərzində 26 fevraldan başqa gün Xocalını yada salmaq icazəmiz yoxdu. Həmin gün "çaşıb" mahnı oxuyan müğənni, toy edən şadlıq evləri, xaricdə görüşlərə gedən nümayəndə o qədər qınanılır ki, az qala vətən xaini adlandırılır. Əlbəttə, onları qınamaq olar, amma qınanmayanlar nə iş görürlər ki, Şuşanın, Xocalının, Qaradağlının ... yarasını sarımaq üçün?
Ən qarmaqarışıq bayram-matəm günümüz isə bildiyiniz kimi, may ayına düşüb. Ayın səkkizində Şuşa deyib mələyən millət doqquzunda heç nə olmamış kimi faşizm üzərindəki qələbəsini qeyd eləməyə gedir. Onunda isə Gül Bayramının sevinci ilə yaşayır. Yəni, faciəmizin göz yaşlarını, qələbə sevincinin yaşları, sonra isə fəxrlə qeyd etdiyimiz Gül bayramının ürəyimizi riqqətə gətirən qürur göz yaşları... Atalarımızın məsəli bu ay daha çox öz əksini tapır: "Xeyirlə şər əkizdi". Bu, əkizlərin bu qədər mehribanlıqla yola getməsi bir az qəribə gəlir adama. Bir türk arkadaşım tez-tez bayramları qeyd etdiyimizi və bununla əlaqədar uzun tətil günləri yapdığımızı biləndə həsəd hissiylə mənə söylədi ki, nə gözəl sizdə bu qədər bayramlar, istirahət günləri var. Hər dəfəsində də yeddi gün, bəzən on gün evdə tətil yapırsınız. Amma təəsübkeşliyim yol vermir ki, deyəm, burda bir atalar məsəli də yerinə düşür: "Aclıq olsun, kef olsun". O, evdə pulsuz qalınan günlərin əzabdan başqa bir xeyri yoxdur. Bütün həftəni şənbəni, bütün ayı bayramı, bütün ili yayı, bütün həyatımız boyu XOŞBƏXTLİYİ gözləyirik.
Bəlkə də Gül bayramı da lazımdı, məhsul bayramı da, başqa bayramlar da, amma tam səmimi olaraq deyim ki, Şuşa alınmayınca bu bayramlar bizə halal olmayacaq!
Şuşa - dərdimizin ən dərini, Şuşa - qeyrətimizin, qürurumuzun tapdandığı yer, Şuşa - musiqimizin, keçmişimizin, eyni zamanda gələcəyimizin mələr qaldığı yurd, Şuşa - "qırmızı qofta, yaşıl tuman"larımızın təhqir olunduğu məkan, Şuşa - alınmaz dediyimiz alınmış qalamız, Şuşa - əsl Xarıbülbülün bitdiyi yeganə bölgə, onu dərə bilmək üçün, bu dözdüklərimizi, səbrimizi lənətləyib düşməni məhv etməliyik, düşmən özü təhvil verməyəcək bu incini bizə...
Şair Fikrət Məmmədlinin bu günlə səsləşən bir şeiriylə fikrimi tamamlamaq istəyirəm:

Şuşa dərdimi

Dünya gah quru şum, gah bar verən lək
Gah iblisə dönər, gah olar mələk,
Çıxarıb nə vaxtdır bu zalım fələk,
Ən əziz qonaq tək başa dərdimi.

Gərək göz dikincə yad verən paya,
Ya torpaq olaydıq, ya daş, ya qaya,
Ötürrəm hələ ki, bahardan yaya,
Payızdan boranlı qışa dərdimi.

Sal daşlar bir anda şum olar, vallah,
Torpağa çevrilər, qum olar, vallah,
Əriyər tökülər, mum olar, vallah,
Söyləsəm qayaya, daşa dərdimi.

Alışan sinəmdən qoy axsın Araz,
Daşıb sellər-sular, hər gələndə yaz,
Deyirəm bəlkə də ovutdu bir az,
Təbrizli, Göyçəli qoşa dərdimi.

Var Qarabağ adlı bir intizarım,
Nə vaxt o yerlərə düşər güzarım?
Dəfn etsəz, mənimlə yanar məzarım,
Laçın möhnətimlə Şuşa dərdimi...

Fəridə RƏHİMLİ
[email protected]


İmza:

YAZARIN ARXİVİ

2018-09-14 : ŞİLLƏTERAPİYA
2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-09-26
2018-09-25


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
Nəvə nənəsindən soruşur:
- Nənə, qanın dadı necə olur?
- Mən, nə bilim, ay bala?
- Bəs babam deyir ki, sən ömür boyu onun qanını içmisən.
- Babanın beyni yoxdu, boş-boş danışır.
- Bilirəm yoxdu,babam deyir ki, sən onun beynini də yemisən.




digər lətifələr
ARXİV
FACEBOOK