ANA SƏHİFƏ / YAZARLAR

DƏRDİ TƏR QALAN ŞAİR

Heç yorğun qoca aslanın gözlərinə baxmısınızmı?

64370    |   2013-12-28 00:36
Şriftin ölçüsü:
A+ Böyütmək
A+ Balacalaşdır

Həyatın hər üzünü görmüş, hər sürprizinə hazır olan, pəncəsinin gücünə arxalanan, ovunun qalıqlarına yaltaq-yaltaq yanından keçərək yaxınlaşan çaqqallara, tülkülərə, ətyeyən quşlara laqeydcəsinə nəzər salıb, nəzərini uzaqlara zilləyən aslanın gözlərinə...
Onun gözləri də həmin aslanın gözlərinə bənzəyir. Amma insanlardan - vətənsizlikdən, yursuzluqdan, haqsızlıqdan, hey "növbə" gözləməkdən, "bu gün olmasa da, sabah olacaq" ümidindən, laqeydlikdən, diqqətsizlikdən, nələrdən...nələrdən yorulub gözləri...
O aslanın gözlərini zillədiyi yerin hara olduğunu bilməsəm də, o insanın gözlərinin zilləndiyi nöqtəni yaxşı bilirəm - Qarabağdı o nöqtə, Tuğdu...

bu dünyada
Tuğ adlı bir dağ kəndi var.
şəlaləsi, meşələri,
bulaqları və bir də
nilufər çiçəyi ilə
...həmin o uşaq ləpirlərimdə
düşmən mina əkib indi
xatirələrimi göyə sovurmaq üçün...
Dərdin bundan böyük ifadəsi varmı? - xatirələrin də göyə sovrulması...
Gözlərilə yorulmuş aslanı xatırladan bu insanın içində bir
sadəlövh, küsəyən uşaq yaşayır. Tez inciyən, bir acı sözdən
alınan, döyülmüş uşağa, dolmuş qara buluda bənzəyən,
incidiyini onu incidənə belə bildirib onu üzməmək üçün
gözlərini gizlətməyə çalışan, bir quru təşəkkürdən "uçmağa
qanadı olmayan", bir oxucu məktubundan duyğulanan, övrələn
bu adam ağlamağı müharibə illərində "tərgidib"... Ağlaya
ilmədiyindən siqareti bir-birinə calamaqla tapdığı təsəllini də
həkimlər əlindən aldılar. Bu isə ya tez-tez başa vuran təzyiq,
və ya ürək tutması ilə nəticələnir...
O, bu şəhərdə yaşayaraq çəkdiklərini "şərti cəza"ya
bənzədir. Bəli o "cəza"nı almış hər bir qarabağlı,
göyçəli, zəngəzurlu, qərbi-cənubi zərbaycanlı bu
insanın dərdini yaxşı anlayır...
ağrı canın poçtalyonu
mən əzəldən abunəçi...
ağrı mənim cangüdənim
bir an belə gözdən qoymaz
nə o məni,
nə mən onu!
Vətənə dönmək arzusu ən ümdə arzusu. Güt-gedə
öləziməkdə olan bir arzu:
yorub-yortmuş ayrılığın
içimdə elçi daşı var...
Dərdini vərəqlərə köçürməklə azalacağını zənn etdi,
boşalmadı ürəyi:
...mən bu qoca dünyanın
yol keçən bir bəndəsi.
mənə dərddən vurulub
ürək adlı kündəsi!
Ürəyinə dərddən vurulmuş kündəni açıb baxan olsa,
dərddə boğular. O ürəyi özü ilə şəhərə gətirəndən
bir-biri ilə sözləri düz gəlmir. Nə geriyə yolu, nə
irəliyə ümidi qalıb:
şəhər adamı deyiləm
taleyim atıb bu səmtə.
kədər adamı deyiləm
özümü tapmışam qəmdə.
Sir-sifətindən qəm fışqıran bu adamın bu qədər dərdlə 55-ə gələn yolu səksən yaşlı bir qocanın yolçuluğuna bənzəyir. İnsan qocaldıqca uşaqlaşır deyirlər. Bu "içindəki küsəyən uşaqla" qocanın yollaşması o qədər də asan deyil. Səfalı, gülşən diyarından, nağıllar aləmi qədim tarixi yurdundan qoparılandan sonra yalnız sözə güvənib, sözlə özünü ovudub:
bir yolun yolçusuyam
əlimdəki əsa - söz!
onun ovsunçusuyam,
canımdakı əza - söz!
Bu söz, yazı, qələm, kağız da olmasa partlardı o ürək:
Yüz dərdim dərmansız keçər,
bir dərdə dərman özüməm.
yüz dərdim yadımdan çıxıb,
bir dərdin fikrin çözürəm.

ocağım, közüm qaralıb
nur itib, gözüm qaralıb
utancdan üzüm qaralıb
yurd adlı dərdə dözürəm.

əriyir ömrüm, yaşım da
əriyir dağım, daşım da
papağım düşmən başında...
mən burda papaq gəzirəm.
Yurd sevgisi şəxsi sevgisini üstələyən küsəyən şairin xanımı, uşaqları olmaq olmaq çox çətin bir işdir:
hər gün, hər saat, hər an
əsirlikdə boğulan
kəndimi xatırlayıb
içimdə doğranıram.

...hər gün, hər saat, hər an
mən suyu sovrulmuş dəyirman,
taleyin ümidinə qalmış bir adam
ovuda bilmirəm əsir ruhları
şəhid Amili, Oqtayı
İbişi, Vahidi, Vəlini, Teyyubu...
onlara baş daşı nənəmi, babamı.
bu dərd göynədir hamını -
elimi, obamı...
Bu günlər 55 yaşı tamam olur vətəndə vətənsiz şairin. Ən böyük arzusuna çatmasını diləyirəm - Tuğ həsrətinə son qoyulmasını və o günədək can sağlığı!
bir yarımçıq yazı kimi
köksü dağlı qazi kimi
ölsəm, bəxtdən razı kimi
inanarsan?..
Siz necə, inanarsınız?!.
P.S. Yazımın qəhrəmanı Əbülfət Mədətoğludur.

Fəridə RƏHİMLİ
[email protected]


İmza:

YAZARIN ARXİVİ

2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-04-23
2018-04-22
2018-04-21


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
“Bavariya”, yoxsa "Real" Madrid?

“Bavariya” (46.15%)
"Real" Madrid (53.85%)

ÇOX OXUNAN
GÜNÜN LƏTİFƏSİ
Qız falçının yanında:
- Məni iki oğlan istəyir, Tofiq və Tağı. Deyiniz görüm bunlardan hansının bəxti gətirəcəkdir?
Falçı kartları yayır:
- Tofiqin bəxtı gətirəcək, sən Tağıya ərə gedəcəksən...




digər lətifələr
ARXİV
FACEBOOK