ANA SƏHİFƏ / ƏDƏBİYYAT

Əbülfət Mədətoğlu: O GECƏ

9005    |   2019-10-31 18:02
Şriftin ölçüsü:
A+ Böyütmək
A+ Balacalaşdır






















(28 il bundan öncə oktyabrın 30 - dan 31 -nə keçən gecə doğulduğum Tuğ kəndi işğal olundu! 28 ildir ki, kəndimə gedə bilmirəm... 28 ildir ki, kəndinə gedənlərə həsəd hissini içimin ahlarında əridirəm... Və 28 il öncə bu şeiri yazmışam...)

Yer- göy yanıb, od tutmuşdu o gecə,
Allah harda oturmuşdu o gecə?
Dərd elə bil otuxmuşdu o gecə -
Qəlbimizi üzə -üzə gedirdik...

Boy vermişdi tüstü səsdən yuxarı
Fəryadımız tüstülərdən yuxarı...
Güllə bizi susduranda " yuxarı" -
Dodağını büzə - büzə gedirdi...

Dağ çayında, kolda - kosda itən kim
Yol boyunca köksündə "ah" bitən kim...
Yıxılan kim, yüyürən kim, ötən kim -
Bir -birini gəzə - gəzə gedirdi...

Havalanıb, dəli olub bir oba,
Ölümünü üstün bilib girova!
Səpələnən güllə adlı " qırova" -
Baxmadan biz , dözə - dözə gedirdik!..

Bu nə oyun, bu nə məkr, nə hiylə,
Düşmən bəlli! - vuruşaydıq nə ilə?
Bu andaq da əli göydə - səy ilə -
Günahını çözə -çözə gedirdi...

Qaçmırdı ki, qovulurdu evindən,
Qovulurdu ellik ilə elindən...
Bir canıydı qopardığı ölümdən -
Bu candan da bezə - bezə gedirdi...

Bir kənd yandı, viran oldu o gecə...
Dünyam uçdu - toran oldu o gecə...
Əldə bıçaq yaran oldu o gecə -
Ürəyimi , atıb közə gedirdim...

... Yer - göy yanıb, od tutmuşdu o gecə,
Allah harda oturmuşdu o gecə?
Dərd elə bil otuxmuşdu o gecə -
Qəlbimizi üzə -üzə gedirdik...



İmza:
SON XƏBƏRLƏR
2020-05-30
2020-05-29


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.23%)
Pullsuz (10.77%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK