warez forum warez script hacklink Adalet.az | Aydın Əliyev Əli Kərimlini istefaya çağırdı Adalet.az | Aydın Əliyev Əli Kərimlini istefaya çağırdı Adalet.az | Ədalət -
ANA SƏHİFƏ / SİYASƏT

Aydın Əliyev Əli Kərimlini istefaya çağırdı

Aydın Əliyev: “Gültəkin Hacıbəylini bu gün qəhrəman etmisən, niyə?..”

10977    |   2019-10-03 11:11
Şriftin ölçüsü:
A+ Böyütmək
A+ Balacalaşdır

AXCP daxilindən çalxalanır. Fuad Qəhrəmanlı olayından sonra indi də partiya Nəzarət-Təftiş Komissiyasının sədri Aydın Əliyev şoku yaşayır. Komissiya sədri sentyabrın 30-da öz facebook profilində canlı yayım açaraq, AXCP sədri Əli Kərimlini istefa çağırıb, onun ünvanına ən ağır ittihamlar səsləndirib.

Son olaraq, A.Əliyev daha bir videomüraciət edib. O, Ə.Kərimlini hakimiyyətlə işbirliyində, xəyanətkarlıqda suçlayıb. Müraciəti təqdim edirik: "Əziz AXCP üzvləri, əziz qardaş və bacılar, mən yenidən sizlərə, məni partiyaya xəyanət etməkdə ittiham edən Əli Kərimliyə, onun trollarına müraciət edirəm. Əli Kərimli, 1993-cü ili yadına sal. Bugünkü hakimiyyət rəhbərliyi ilə getdiyin bazarlığı, Elçibəyə etdiyin xəyanətləri yadına sal. Sən Əli Kərimli, uzun illər hakimiyyətin təbliğatçısı olan, Azərbaycan müxalifətini tənqid yox, təhqir edən Gültəkin Hacıbəylini bu gün qəhrəman etmisən. Niyə? Çünki o, sənə maddi dəstək verir. Əli Kərimli, sən saxta partiya vəsiqələri satmaqla məşğulsan. Azərbaycan müxalifətinin birləşməsinə mane olan, bütün birlikləri pozan, ölkədə ən böyük xəyanətkar və satqın sənsən. Tez-tez xarici ölkə səfiri ilə görüşüb bizi aldatmağından utan. Hər görüşdən gələndə deyirsən ki, az qalıb, hakimiyyətə gəlirik.

Aydın Əliyev

Əziz cəbhəçi qardaşlarım, xeyli müddətdir ki, Əli Kərimli guya hakimiyyətin müxalifətə mitinq keçirməyə icazə vermədiyini bəhanə edərək bizi aldadırdı. Ancaq nə baş verirdi? Sentyabrın 28-də Lökbatan qəsəbəsinin mərkəzində böyük bir stadionda mitinq keçirilməsinə icazə verildi. Ancaq qorxaq Əli Kərimli özünün absurd, uydurma bəhanələri ilə AXCP üzvlərinin və xalqın öz etirazlarını bildirməsinin qarşısını alır, insanların mitinqə getməsinə imkan vermir. Əli Kərimli, axı sən kimə xidmət edirsən? Niyə insanların haqqını pozursan? Hamı bilir ki, insanlar öz etirazlarını bildirmək üçün nəinki Lökbatana, Qobustana, Hacıqabula belə getməyə hazırdırlar. Əli Kərimli, bu ikiüzlü, riyakar oyunlarından əl çək. Əziz cəbhəçilər, bilin ki, biz Əli Kərimli kimi qorxaq, satqın, xəyanətkar bir siyasi liderlə 20 ildən çoxdur ki, heç nəyə nail olmamışıq. Bundan sonra da nail olmayacağıq. Onun bütün məqsədi bizi aldadıb, öz çirkin oyunlarının qurbanı etmək, partiyaya ayrılan qrant pullarını və digər maliyyə vəsaitlərini mənimsəmək, hakimiyyətdən özü və yaxın ətrafı üçün daha çox güzəşt, gəlir əldə etməkdir. Əgər belə deyilsə, guya şəhərin mərkəzində piket keçirəcəyi ilə xalqı aldatmasın. İnsanları mitinqə çağırsın. Əli Kərimli, ömründə bir dəfə cəsarətin və mənliyin olsun, istefa ver. Cəbhəçilərin siyasi fəaliyyətinə mane olma. Qoy biz özümüz mitinqlər keçirək, hakimiyyətə öz etirazlarımızı bildirək, haqqımızı tələb edək".

Cavanşir ABBASLI,
"Yeni Müsavat”



İmza:

Aqil Abbas seçicilərlə görüşlərə start verdi - FOTOLAR

Hikmət Hacıyev: Bakının yad şəhər kimi işğalı planı hazırlanmışdı

AQİL ABBASIN ALTERNATİVLƏRİNƏ MÜRACİƏTİ

Rauf Arifoğlunun "dublikat"ı Qusar sakini çıxdı: Abbasov Raufu namizəd edən kimdir?

Azərbaycan-Pakistan işçi qrupunun növbəti görüşü keçirilib

Deputatlığa namizədlərin sayı 1623 nəfərə çatıb

Vilayət Eyvazov Daxili Qoşunlarda əməliyyat müşavirəsi keçirdi

Rusiyanın yeni Baş Naziri məlum oldu

“Xalq-Prezident həmrəyliyi ölkəmizdə bütün sahələrdə sabitliyi təmin edir” - Millət vəkili

Sahil Babayev: Azərbaycan MDB məkanında minimum pensiya göstəricisinə görə 1-ci yerdədir

Prezident Administrasiyası rəsmisindən mediaya ÇAĞIRIŞ

Məzahir Pənahov: Budəfəki seçkilərdə rekord rəqəmlər qeydə alınıb

SON XƏBƏRLƏR
2020-01-18
2020-01-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (90%)
Pullsuz (10%)

ÇOX OXUNAN
GÜNÜN LƏTİFƏSİ

Sovet dönəmi. Vəli Xramçaylı universitetin jurnalistika fakültəsində oxuyur. Ateizm müəllimi Qədim Mustafayev Allahın yoxluğu ilə bağlı mühazirə oxuyur və sonda bir-bir tələbələri durğuzub deyir:

- Denən Allah yoxdur.

Hamı bir-bir deyir ki, Allah yoxdur. Axırda sıra Vəli Xramçaylıya çatır, o dillənmir. Qədim müəllim soruşur:

- Sən niyə demirsən?

Vəli Xramçaylı:

- Məllim, yoxdusa yoxdu, varsa niyə yoxdu deyib Allahla aramı vurum?!





digər lətifələr
ARXİV
FACEBOOK