Film izle hacklink kiralık bahis sitesi satılık bahis sitesi Adalet.az | İstər məscidə get, istər getmə - Mirmehdi Ağaoğlu yazır Adalet.az | İstər məscidə get, istər getmə - Mirmehdi Ağaoğlu yazır Adalet.az | Ədalət -
ANA SƏHİFƏ / YAZARLAR

İstər məscidə get, istər getmə - Mirmehdi Ağaoğlu yazır

1489    |   2019-09-10 11:31
Şriftin ölçüsü:
A+ Böyütmək
A+ Balacalaşdır

Adam var o dövrdə yaşasaydı Yezidin qoşununda vuruşardı, amma Kərbəladan danışır.
Kərbəla məhək daşıdır. İnsanların ona münasibətdə keyfiyyətini bilmək olar.
Kərbəla tərəzidir. Bir gözündə Hüseyn var, digərində Yezid. Onunla vicdanı çəkmək olar.
Kərbəla yalnız dini hadisə deyil.
Kərbəla yalnız tarixi hadisə deyil.
Kərbəla mifdir, pritçadır. İnsana insanlığını xatırladan rəvayətdir.
Kərbəla yoldur. İnsan kimi yaşamağın yoludur. İstəyir dindar ol, istəyir ateist ol. Xeyir, Haqq yoldasansa, deməli elə Kərbəla yolundasan.
Kərbəla dildə yaşanmır, qəlbdə baş verir. Odur ki, Kərbəlanın adını hallandıranlardan çox mahiyyətinə əməl edənlərdir Kərbəlanı yaşadanlar.
Kərbəla həqiqətin simvoludur.
Kərbəla İbrahimin oğlunu Allah yolunda qurban deməsinin daha modern formasıdır.
Kərbəla insanın əqidəsi yolunda hər şeyindən keçməsinə nümunədir.
Kərbəla məhəbbət əfsanəsidir – Allaha sevginin əfsanəsi.
Kərbəla qəhrəmanlıq dastanıdır – Şərlə mübarizədə qalib olmağın dastanı.
Kərbəla mübarizlik simvoludur.
Kərbəla etibarsızlıq mücəssəməsidir – Peyğəmbərin nəvə əmanətinə sahib çıxmayanların rəzalətidir.
Kərbəla empati simvoludur. Düşündükcə ki, nə vaxtsa tarixdə kimsə bir ovuc tərəfdarı ilə bölük-bölük qoşun qarşısında mətanətlə dayanıb, savaşıb, haqqı nahaqqa verməyib, zalıma boyun əyməyib, adamın qəlbi sevinclə, fərəhlə döyünür. İçində bir ümid cücərir; demək nahaqqın qarşısında duruş gətirmək də olurmuş!
Mən hələ onun məziyyətlərinin çox azını sadaladım. Kərbəla elə bir hadisədir ki, onun haqqında yazılan bədii əsərləri toplasan beş Axundov kitabxanası dolar. İsanın çarmıxa çəkilməsini çıxmaqla tarixdə haqqında onun qədər bədii əsər yazılmış hadisə yoxdur. Demək olar hər anı bədiiləşdirilib, hər anı haqqında şeirlər, mərsiyələr yazılıb. Kərbəlada baş verənləri roman eləsən böyük bir epopeya alınar.
İstər məscidə get, istər getmə, istər qeyd et, istər qeyd etmə, istər imama ağla, istər ağlama. Əgər haqqın yolundasansa, Kərbəlanı keçirməsən belə Kərbəla özü səni içindən keçirəcək.

Əsl əzadarlıq da elə budur.



İmza:

YAZARIN ARXİVİ

2019-09-10 : CHP birinci oldu
2019-09-10 : ELTON QULİYEV :
2019-09-10 : Ağdamda son azan
2019-09-03 : ŞƏRHSİZ...
2019-09-02 : AKİF RÜSTƏMOV:
SON XƏBƏRLƏR
2019-09-19


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (66.67%)
"Sevilya" (33.33%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK