hacklink Adalet.az | 8 sentyabr Beynəlxalq Fizioterapiya Günüdür Adalet.az | 8 sentyabr Beynəlxalq Fizioterapiya Günüdür Adalet.az | Ədalət -
ANA SƏHİFƏ / SAĞLAMLIQ

8 sentyabr Beynəlxalq Fizioterapiya Günüdür

2867    |   2019-09-09 14:30
Şriftin ölçüsü:
A+ Böyütmək
A+ Balacalaşdır

8 sentyabr Dünya Fizioterapiya Günü Dünya Fiziki Terapiya Konfederasiyası tərəfindən 1996-cı ildə təsis edilib. Beynəlxalq Fizioterapiya Gününün bütün dünyada qeyd edilməsinin əsas məqsədi sağlamlığın qorunması barədə insanların maarifləndirilməsdir.

Mərkəzi Gömrük Hospitalının Fizioterapiya və Tibbi Reabilitasiya şöbəsində çalışan fizioterapevt-reabilitoloqlar Səidə Kərimova, Afət Çəndirli və Turanə Dünyamalıyeva dünyanın bir sıra aparıcı ölkələrində tibbi təhsil alıb, müntəzəm olaraq xarici ölkələrdə ixtisasartırma kurslarında iştirak edir və xəstəliklərin müalicəsində qabaqcıl beynəlxalq təcrübəni istifadə edirlər.

Fizioterapiya və Tibbi Reabilitasiya şöbəsində xəstəliklərin müasir üsullarla müalicəsinə və yüksək səviyyəli tibbi xidmətlərin göstərilməsinə xüsusi diqqət yetirilir. Son vaxtlar Avropada, ABŞ-da, İsrail və digər ölkələrdə skolioz xəstəliyinin müasir Schroth metodu ilə müalicəsi geniş istifadə olunur və Azərbaycanda bu müalicə üsulu ilk dəfə olaraq Mərkəzi Gömrük Hospitalında tətbiq olunur.

Hazırda Mərkəzi Gömrük Hospitalında skolioz xəstəliyinin müasir Schroth metodu ilə müalicəsində 3D idman hərəkətlərindən, xüsusi tənəffüs texnikasından istifadə edilərək istənilən yaşda olan pasiyentlərdə skoliozun dərəcəsinin azaldılması, normal duruşun bərpası və yeni metodla müalicəsi həyata keçirilir.

Azhərəkətli həyat tərzinin keçirilməsi və bir yerdə oturub işləmək əzələləri gün ərzində gərginlikdə saxlamağa məcbur edir. Vaxt keçdikcə narahatlıq və kəskin ağrılar baş verir. Fizioterapevtlər bu gərginliyi aradan qaldırmağa və orqanizmi xəstəliklərdən qorumağa qadirdirlər. Buna görə də, hazırda bu peşə sahibləri tibbdə əvəzolunmazdırlar. Onlar insanların düz qamət problemlərini həll etməyə, xəstəliklərin bəzi fəsadlarını aradan qaldırmağa, zədələnmiş və ya gərilmiş əzələləri tədricən bərpa etməyə, baş və oynaq ağrılarının qarşısını almağa kömək edirlər.

Hospitalda fizioterapiya həm ayrıca olaraq, həm də digər müalicə metodları ilə birlikdə tətbiq edilir. Həkim bu müalicə metodunu tətbiq edərkən xəstəyə zərər yetirməmək üçün bu və ya digər fiziki faktorun təsir mexanizmini yaxşı bilir və xəstəliyin ağrıqlıq dərəcəsindən asılı olaraq hər bir xəstəyə fərdi yanaşaraq müalicə təyin edir.

Fizioterapevtin əsas işi idman və digər zədələrin sağaldılması ilə əlaqədardır. Lakin, bu müalicə üsulu əməliyyat, bədbəxt hadisələr və qəzalardan sonra reabilitasiya dövrü, xroniki ağrılar, nevroloji və tənəffüs pozğunluqları kimi vəziyyətlərdə də kömək edir. Bundan əlavə fizioterapiya üsulları ürək-damar, şəkərli diabet və insult kimi bir sıra xəstəliklər və piylənmənin profilaktikası olaraq da tətbiq edilir.

Mərkəzi Gömrük Hospitalının Fizioterapiya və Tibbi Reabilitasiya şöbəsinin həkimləri pasiyenti kompleks müayinə edir, onun səhhəti haqqında tam və dolğun informasiya əldə etdikdən sonra müalicə sxemi təyin edir. Peşəkar həkimlərin məqsədi pasiyentləri müalicə edərkən onları yalnız ağrılardan və naraharlıqlardan azad etmək deyil, həmçinin ağrıya səbəb olan amilləri də müəyyən edib aradan qaldırmaqdır.

Hospitalın təcrübəli həkimləri ən mürəkkəb hallarda və ən müxtəlif patologiyaların müalicəsində böyük təcrübə qazanıblar. Hospitalda ultrasəs, kombinə elektroterapiyası, endopress, elektrostimulyasiya, qısa dalğa, lazer, traksiya,hot pack,cold pack, maqnitoterapiya, balneoterapiya, tibbi masaj, manual terapiya, detoksikasiya, biopunktura, biorezonans, zərbə dalğa terapiyası kimi müalicə üsulları təqdim olunur.

Son 10 il ərzində Mərkəzi Gömrük Hospitalına müraciət edən pasiyentlərə yüksək ixtissalı mütəxəssislər tərəfindən 60 000-dən artıq fizioterapevtik xidmət göstərilib.




İmza:

Mərkəzi Gömrük Hospitalı müəllimlər üçün "İlk tibbi yardım" təlimi keçirib

Azərbaycanda ilk dəfə zədələnmiş böyrək kanalının rekonstruktiv əməliyyatı qapalı üsulla icra edilib

Bakıda yeni klinikanın açılışı olub

Dərdlərin dərmanı: BAL - ARAŞDIRMA

Gömrük Hospitalında uşaqlar üçün xüsusi aksiya keçirilir

“Gənclər Mərkəzi Gömrük Hospitalında tibbi xidmətlərə 50% endirimdən istifadə edəcəklər

Vaqif Qarayev: Yaxşı olar ki, gənclərimiz ailə qurmaq fikrinə düşməmiş...

HƏKİM MƏSLƏHƏTİ

Lənkəran limonu, məcun deposu...

Cərrah Dr.Elnur Pirəliyev “Həkim məsləhəti” rubrikasında öz tövsiyələrini bölüşüb

Nazirlikdən rüşvət alan həkimlə bağlı RƏSMİ AÇIQLAMA

Ən çox ölümə səbəb olan xəstəliklər və əsas səbəbləri

SON XƏBƏRLƏR
2020-01-18
2020-01-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (90%)
Pullsuz (10%)

ÇOX OXUNAN
GÜNÜN LƏTİFƏSİ

Sovet dönəmi. Vəli Xramçaylı universitetin jurnalistika fakültəsində oxuyur. Ateizm müəllimi Qədim Mustafayev Allahın yoxluğu ilə bağlı mühazirə oxuyur və sonda bir-bir tələbələri durğuzub deyir:

- Denən Allah yoxdur.

Hamı bir-bir deyir ki, Allah yoxdur. Axırda sıra Vəli Xramçaylıya çatır, o dillənmir. Qədim müəllim soruşur:

- Sən niyə demirsən?

Vəli Xramçaylı:

- Məllim, yoxdusa yoxdu, varsa niyə yoxdu deyib Allahla aramı vurum?!





digər lətifələr
ARXİV
FACEBOOK