viagra sipariş viagra satış palo santo viagra fiyatları viagra fiyatı time4bets kaçak bahis canlı bahis güvenilir bahis siteleri izmir escort live bet Film izle hacklink kiralık bahis sitesi satılık bahis sitesi Adalet.az | CİNAS BAYATILAR Adalet.az | CİNAS BAYATILAR Adalet.az | Ədalət -
ANA SƏHİFƏ / ƏDƏBİYYAT

CİNAS BAYATILAR

Təranə ARİFQIZI

6907    |   2019-07-11 16:54
Şriftin ölçüsü:
A+ Böyütmək
A+ Balacalaşdır

Sevdim səni, bəxt tikəm,

Etdin məni bəxti kəm,

Ömür keçdi, gün keçdi,

Daha gecdı, bəxt tikəm.


Yer ağlar baxta, göy nə?

Sarı nə bağda, göy nə?

Taleyin köz-köz olub,

Yerınə bax da, göynə.


Eləmi, bu qədərmi?

Bu sevgi,bu qədərmi?

Gedib, yenə gəlirsən,

Bu yazı, bu, qədərmi?

Mən aşiq, sevgilim sən!
Ömrümsən, sevgilimsən,
Məni bir ömür boyu,
Beləcə sev, gülüm, sən!

Əzizim, gizlə dərdi,

Dərdi dərd gizlədərdi,

Öz gülünü ürəkdə

Qoru sən, gizlə, dər, di!


Əzizim, gözlə yarı,

Sev onu gözlə yarı,

Ürəkdən yarımasan,

Barı sən, gözlə, yarı.


Əzizim yarım, adım,

Qalıbdı yarım adım,

Alqış qarğışa döndü,

Mən yardan yarımadım.


Mən aşiq, yol yaxındı

Qəm qəm ilə yaxındı,

Ürək ürəkdən küsüb,

Yandır onu, yax indi.


Əzizim gülə yandı,

Od düşdü gülə, yandı,

Mənim bəxtsiz bəxtımə,

Yar gülə-gülə yandı.


Əzizim oda gəlsin,

Od tutsun, o da gəlsin,

Qırilan ürəyimdə,

Qoy tiksin oda, gəlsin.


Əzizim gözə sarı,

Dərdimi gözə sarı,

Yollarına baxmaqdan,

Gəlibdi gözə sarı.


Əzizim, bağla gəlim,

Çəmənlə, bağla gəlim,

Mən öləndə gözümü

Özün gəl, bağla, gəlim.


Əzizim yarı canım,

Yarından yarı, canım,

Özüm özümə düşmən,

Qalıbdı yarı canım.


Mən aşiq, yarı səndə,

Yarından yarı, sən də,

Qəlbim iki parçadı,

Qalıbdı yarı səndə.


Mən aşiq, kəsmə gülüm,

Nəzərdən kəsmə, gülüm,

Sənə gülən gözləri,

Xəncərlə kəsmə, gülüm!


Əzizim, ya da məni,

Satma sən yada məni,

Bu dünya mənim olar,

Salsan sən yada məni.


Mən aşiq, körpü sına,

Sel gələ, körpü sına,

Sən bilmədən daş atdın,

Ürəyin körpüsünə.


Əzizinəm ,söz bağım,

Söz çəmənim,söz bağım,

Görəsən nə dedim ki,

Tez qırıldı söz bağım.


Mən aşıqəm aran da,

Qaldım dağda, aranda,

Sehirli bir körpü var,

Sənlə mənim aramda.


Mən aşiq, yol da mənim,

Dərd, saçım yol da mənim,

Bu qəmli gözlərimi,

Qoymusan yolda mənim. aş



Mən aşiqəm, dərd daşı,

Verdiyın nə, dərd aşı,

Ürəyimdən dərdimi,

Bacarırsan, dər, daşı.


Mən aşıqəm dərdə, bax,

Dərmana bax, dərdə bax,

Vurulan yara dərin,

Istəyirsən, dər də, bax.


Mən aşiqəm dərdinə,

Cahil bilməz, dərdi nə,

Hami gəldi var üçün,

Bu dünyadan, dərdi nə?


Əzizim gülmək istər,

Bağıma gül ək, istər,

Bəsdi, gözün ağladı,

Ürəyim gülmək istər.


Mən aşiq, gül əkdi bu,

Yağışdı, küləkdi bu,

Səsimdən dərd göyərdi,

Dedilər, gül əkdi bu.





İmza:
SON XƏBƏRLƏR
2019-09-16
2019-09-15
2019-09-14


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Məktəbli formalarının qiymətlərindən razısınızmı?

Hə (25%)
Yox (75%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK