nulled forum sanal pezevenk hacklink satın al hacklink al Sit Giriş Hack haber epin scripti warez forum warez script hacklink nulled scripts warez forum xenforo nulled hack forum spyhackerz warez php script Adalet.az | İki milyonluq saat, yoxsa zaman maşını? - Ulucay Akif yazır Adalet.az | İki milyonluq saat, yoxsa zaman maşını? - Ulucay Akif yazır Adalet.az | Ədalət -
ANA SƏHİFƏ / YAZARLAR

İki milyonluq saat, yoxsa zaman maşını? - Ulucay Akif yazır

25596    |   2019-06-27 17:36
Şriftin ölçüsü:
A+ Böyütmək
A+ Balacalaşdır

Azərbaycan Avtomobil Yolları Dövlət Agentliyinin rəhbəri Saleh Məmmədovun 22 yaşlı oğlu Sübhan Məmmədlinin İspaniya, İbizada 1.5 milyon avroluq, yəni təxminən 2.2 milyon manatlıq saatı oğurlanıb.

Hal-hazırda ölkədəki bütün məmurlar saatın kimin oğluna məxsus olduğunu müəyyənləşdirməyə çalışır. Adı saatla hallanan bütün məmurlar isə bunu inkar edirlər. Hamı öz boynundan atır ki, o saat mənim oğlumun saatı deyil, filankəsin oğlunun saatıdır.

Ölkədə 2.2 milyonluq saata sahib çıxan bir adam tapılmır. Yaxşı deyiblər: qələbənin "atası” çox olur, məğlubiyyət isə həmişə "yetim” olur. Bu deyim düz yerinə düşür.

Saat oğurlanıb deyə heç kim sahiblənmək istəmir.

Yaxşı! Mən o oğurlanmış saata sahiblənirəm! Etiraf edirəm ki, o saat mənim idi. Kitabımın satışı və yazılarıma görə aldığım qanorar hesabına almışdım.

İndi işdir İspaniya polisi həmin oğurlanan saatı tapsa, xahiş edirəm ki, elə özümə də qaytarsınlar. Ümid edirəm bütün inkar edən məmurlar yenidən o saata sahiblənməyə çalışmayacaq.

Əslində bu xəbəri eşidəndə şok oldum, beynim dondu, gözlərim doldu. Bunu heç cür qəbullana bilmədim. Axı necə? Necə belə şey edə bilirlər?

Kimsə halal zəhmətilə pul qazanıb 1.5 milyon avroya oğluna saat alıb hədiyyə etsin, oğlunu İspaniyanın ən məşhur, ən bahalı otellərindən birinə tətilə göndərsin. Orda da hansısa vicdansızın, şərəfsizin, alçağın biri utanmayıb həmin saatı oğurlasın. Heç mi vicdan yoxdur bu oğrularda?!

İndi o uşaq həmin saatsız nə edəcək? Sizcə başqa saatlar o saatla eyni zamanı göstərə bilər? O saatın göstərdiyi zaman fərqlidir. O saatda problemli, kreditli, ac, yetim, qaçqın saniyələrə yer yoxdur. O saat ancaq qayğısız, borcsuz, kreditsiz saniyələri göstərir.

Sosial şəbəkələrdə həmin saatla bağlı çox fikirlər deyildi. Həmin saatın qiymətinə nələr etmək olduğu müzakirə olundu.

Bir nəfər yazmışdı ki, mən saata o qədər pul versəm, saat yorulmasın deyə onun yerinə "tik-tak-tik-tak” eliyərdim. Kasıb ki kasıb! O boyda pulu olsa da saatın yerinə nəsə etmək istəyir. Yenə qurtula bilmir bu kasıblıq və köləlik sindromundan.

O saatın puluna bu xalq üçün nələr etmək olardı, nələr!

Mən bir saata o qədər pul versəydim, o saatı zaman maşını kimi işlədərdim. Əmr edərdim ki, məni aparsın keçmişə. Aparsın Şuşanın, Kəlbəcərin, Ağdamın, Laçının bizdə olduğu illərə. Əmr edərdim ki, məni Dərbənddən Təbrizə kimi at çapdığımız illərə aparsın.

Aparsın məni o illərə ki, görüm tarix kitabları bizi aldatmırsa, nə oldu ki, biz bu hala düşdük? Bizi necə bu günə qoydular? Harada səhv etdik? Qayıdardım o illərə ki, həmin səhvlərimizi görüm. Nəsə edə bilməsəm də o səhvləri öyrənib gəlib hamıya başa salım, bir də o səhvləri etməyək.

Ya da o saatdan tələb edərdim ki, məni aparsın gələcəyə! Bütün bu olanları unudacaq qədər uzaq gələcəyə!

Yoxsa gələcəyimiz də keçmişimiz qədər qaranlıqdır?

Bilmirəm.

Bəlkə bütün bu sualların cavabını bilmirəm, amma bütün xalqlarda olan bir atalar sözünü yaxşı bilirəm. Elə hadisənin baş verdiyi İspaniyada da olan bir atalar sözünü demək istəyirəm: Ladron que roba a ladron!

Yəni "Oğrudan oğruya halaldır”.




İmza:

Deputatların heç birində koronavirus aşkarlanmadı - RƏSMİ

Türkiyədəki azərbaycanlı tələbələr dövlətə aid yataqxanalardan çıxarılmayıb - Erkan Özoral

Koronavirus səbəbindən bəşəriyyətin yarısı karantindədir

İlham Əliyev koronavirusa görə karantin üçün hotellərini ayıran iş adamlarına təşəkkür etdi

Dövlət başçısı: “Yaşı 65-dən yuxarı insanlar evdə oturmalıdırlar. Vəssalam, birmənalı şəkildə!”

İlham Əliyev və Mehriban Əliyeva Bakıda tibb müəssisəsinin açılışında - YENİLƏNİB

Azərbaycan Afrika İttifaqı Komissiyasına 20 min dollar yardım edib

Bakıda qadın vəhşicəsinə döyüldü: Polis araşdırmalara başladı

Çinin dövlət müşaviri: Koronavirusla mübarizədə Azərbaycana yardım göstərməyə hazırıq

Cəlilabadda polisi güllələyən şəxs həbs edildi - RƏSMİ

YAZARIN ARXİVİ

SON XƏBƏRLƏR
2020-04-01


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (90.48%)
Pullsuz (9.52%)

ÇOX OXUNAN
GÜNÜN LƏTİFƏSİ

Bir adam xoşbəxtcəsinə dostuna deyir ki,

indiyədək həyatımda koronavirus kimi məni sevindirən bir hadisə olmamışdı:

- Arvad artıq səyahətə getmək istəmir!

-Artıq heç bir şey satın almır, çünki hər şey Çindən gəlir.

- Alış-veriş mərkəzlərinə də getmir ki, oralarda qələbəlikdi.

- Bütün günü də ağzına maska taxıb danışmır.

Bu virus deyil ey, Allahın mənə bir lütfüdü, kefdəyəm.





digər lətifələr
ARXİV
FACEBOOK