ANA SƏHİFƏ / YAZARLAR

"Marsda da başımızı qatacaqlar" - Eminquey yazır

13073    |   2019-05-13 12:34
Şriftin ölçüsü:
A+ Böyütmək
A+ Balacalaşdır

Bu Əmrika filmləri məndə həmməşə ikrah hissi oyadıb da, neyləyim?!

Bunlar dünyaya ağalıq eləyir deyə "Əmrika” deyirəm ha, yozmayın.

Uydurublar bir yaddünyalı fəlsəfəsi, illərdir filmlərində dünyaya yaddünyalılar düşür, könlünə kim yatdı götürüb aparır. Bir də görürsən, lap bir əcaib varlıq düşür dünyaya, başlayır adamları yeməyə. Bizim bu Əmrika da dünyaya hakimdi axı? Heylə şey olarmı ki, bir dılğır yaddünyalının əlində girinc qalsın?

Eşit, inanma!

Bizim bu Əmrika gözəlim xilaskar ordususunu yığır başına, əmr verir ki, bəs, əzin o yaddünyalıların əyri-üyrü başını, oyun uzun gözlərini.

Guyammış dünyada xilas olunası adam qalmayıb, ölkə qalmayıb. Bu soxhasoxda yaddünyalı qədeşlər də bir yandan. Amma adamın üstündə uçan boşqab var, gərək haqqına girməyəsən. Bizim bu Əmrika qərdeş özünə dəqiq bir imic seçib:

Ənkə dövlətlərin dünyayla problemləri bitib!

Bəli!

Onlar daha yerlə əlləşmirlər.

Day nə olasıdı ki? Vurublar ölkələri bir-birinə. Qoy bu ölkələr bir-birilə qırışmağında olsun, biz də göylə əlləşək. Aya adam göndərək, Marsda həyat axtaraq. Armstronq 1969-a ayaq basalı Amerika özünə çoxdan torpaq da seçib Ayda. Bayraqlarını sancıblar oralara. Onlar ruslarla yarışa girməli idilər, başqa yolu yox idi. Bu iki ənkə dövlət raketlərinə sarıyıblar hamını.

Bizsə hələ də Üzeyir, Damla, Şəbnəm kimi mövzulara takılıb qalmışıq.

Şərqdə ilk akademik musiqinin təməlini qoyan bir xalqın əlbət ki, bu bayağı sevdası, damlası, üzeyiri adamı incidir. Sizi əmin edirəm ki, Qarabağ da peyğəmbərin hədisləri kimi getdikcə yeni nəsillərə o qədər səhih gəlməyəcək. Çünki ailə institutunda Qarabağ sevgisi aşılanmır. Bircə onu bilirlər ki, hə, belə itkimiz var, vəssalam!

Sistem belə qurulub. Bizim kimi qulaq deşiyi boyda ölkələr də, hələ də seriallarda iki sevən cütlüyü necə ayırmaq olar mövzusunda qan eləyən rejissorlar yetişdiririk. Ayrıldığı sevgilisini ömür boyu "neprav" çıxaran şairlər doğuruq. Əvəzində bizim şairlər göylə əlləşirlər.

Əminəm, bir gün Marsa qədəm qoysaq, orda da torpağımızı işğal edən tapılacaq. Marsda da başımızı qatacaqlar. Şəhidlərimizlə şərəfləndirəcəyik Marsı. Vəssalam! Bu Əmrikayla Uruslar orda da bizə imkan verməyəcək...



İmza:Eminquey

YAZARIN ARXİVİ

SON XƏBƏRLƏR
2020-07-05
2020-07-04


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.57%)
Pullsuz (11.43%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK