Film izle hacklink kiralık bahis sitesi satılık bahis sitesi Adalet.az | Türkiyədə seçkilər: İkinci tur qaçılmaz olacaq – Müsahibə Adalet.az | Türkiyədə seçkilər: İkinci tur qaçılmaz olacaq – Müsahibə Adalet.az | Ədalət -
ANA SƏHİFƏ / MÜSAHİBƏ

Türkiyədə seçkilər: İkinci tur qaçılmaz olacaq – Müsahibə

33144    |   2018-06-05 15:31
Şriftin ölçüsü:
A+ Böyütmək
A+ Balacalaşdır

Qərbi Kaspi Universitetinin dekanı, politoloq Ramiyə Məmmədova Teleqraf.com-un suallarını cavablandırıb. 

Adalet.az müsahibəni təqdim edir:

– Ramiyə xanım, cəmi 20 gündən sonra Türkiyədə növbədənkənar parlament və prezident seçkiləri keçiriləcək. Bu yaxınlarda Türkiyədə ezamiyyətdə olmusunuz. Qardaş ölkədə insanlar arasında ümumi seçki ab-havası necə idi?

– Ankarada olduğum 10 günə yaxın vaxt ərzində namizədlərin təbliğat-təşviqat mitinqlərində iştirak edə bilmədim. Çünki həm AKP-nin namizədi, hazırkı Prezident Rəcəb Tayyib Ərdoğanın, həm də Cümhuriyyət Xalq Partiyasının namizədi Məhərrəm İncənin mitinqləri artıq bölgələrdə keçirilirdi. Sadəcə orda insanlarla, həmçinin bəzi şəxslərlə söhbətlər etmək imkanımız oldu. Hazırda əsas rəqabət Ərdoğanla İncə arasında gedir. İyi Partiyanın namizədi Məral Akşənərin proseslərə ciddi təsir etmək imkanı yoxdur. Ona olan tənqidlərin başında 15 iyul 2016-cı il dövlət çevrilişinə cəhd zamanı ortaya mövqe qoymaması dayanır. Bildirirlər ki, Akşənər həmin günlərdə heç bir siyasi qüvvəyə dəstək vermədi, xalqa səslənmədi, ümumiyyətlə, meydanlara çıxmadı. Yəni, bunu Akşənərə qəbahət sayırlar.

Görünür, İncənin müxalifətin əsas namizədi kimi qabağa çıxmasında bu məqam da rol oynayıb. Əlbəttə, Ərdoğan öndədir. Buna baxmayaraq, sadə əhali, ələlxüsus orta təbəqə arasında İncəyə dəstək verənlər çoxdur. Ərdoğana hazırda dəstək verənlər daha çox iş dünyasına bağlı, yaxud imkanlı şəxslərdir. Çünki Türkyə lirəsinin ucuzlaşması, yaxud ABŞ dollarının qalxması və sair hallar onlara xeyir verir. Lirə ucuzlaşdıqca iş adamlarının sərmayəsinin həcmi artır, onlar çox böyük gəlirlər əldə edə bilirlər. Ancaq bu fikri bütün iş adamlarına şamil etmək mümkün deyil. İqtidar namizədinə dəstək verənlər arasında əhalinin imkansız təbəqəsi də var. Bu da dövlət tərəfindən imkansız təbəqəyə yardımların göstərilməsi ilə bağlıdır. İstənilən halda iqtidar namizədinin qalib gəlməsini əvvəlkitək istəyənlər yoxdur. Yəni, reytinqi o dərəcədə yüksək deyil. Ərdoğanla İncə belə deyək, eyni yolda yanaşı gedirlər.

– Seçkinin qalibinin kim olacağına dair indidən fikir yürütmək mümkündürmü?
– Sadalanan hallara baxmayaraq Ərdoğan yenə də prezident seçiləcək. O, seçki kampaniyasının qalibi olmaq üçün böyük fəallıq göstərir. Ölkədə AKP-nin gücü çox böyükdür. Partiyanın böyük maliyyə və digər resursları var. Rusiyadan olan dəstəyi də unutmamalıyıq. Digər tərəfdən, Ərdoğanın xarici siyasətdəki rolunu danmaq olmaz. O, bir türk respublikasının dünya siyasətində mühüm rol oynamasına çalışır. Əlbəttə, bunu da inkar etmək olmaz. Ancaq mənim fikrimcə ikinci tur qaçılmaz olacaq və Ərdoğan ikinci turda qalib gələcək.

– İyi Partiyanın namizədi Məral Akşənər də seçki kampaniyasına iddialı başlamışdı...
– Açığını deyim, mən Ankarada olduğum zaman Akşənərin reytinqinin güclü olduğunu hiss etmədim. Onun haqqında qızğın müzakirələr getmirdi, fəaliyyəti o dərəcədə nəzərə çarpmırdı.

– Türkiyə son illərdə istər Avropa, istərsə də ABŞ tərəfindən ciddi təzyiqlərlə üzləşir. Nəticədə Ankara Rusiya ilə yaxınlaşmaq xətti götürüb. Bu məqam seçkinin nəticələrinə necə təsir edə bilər?

– Dolların qalxması ilə əlaqədar olaraq Türkiyədə çox böyük narahatlıqlar var. Bahalıq baş alıb gedir. Əhali indiki iqtidara daha çox bunu irad tutur. Bildirirlər ki, ABŞ-la münasibətlər pozulub, ona görə də dollar bahalaşıb, iqtisadiyyatda problemlər yaranıb. Hazırda Rusiya ilə Türkiyə daha yaxındır və Türkiyə bazarı Rusiya üçün açılıb. Onlar bütün iqtisadi əlaqələri Rusiya ilə qurmağa üstünlük verirlər. Moskva Türkiyənin siyasi kursunun müəyyənləşməsində də hazırkı iqtidara yardım edir.

– Ramiyə xanım, lirənin ucuzlaşmasının ABŞ-la münasibətlərin pisləşməsi ilə əlaqəli olduğu fikri həqiqətdirmi?
– Ümumiyyətlə, ABŞ-la münasibətlərin pisləşməsi hər bir dövlətə neqativ təsir edir. Hazırda İran da eyni vəziyyətdədir. ABŞ Prezidenti Donald Tramp mayın 8-də İranla imzalanmış nüvə sazişindən çıxmasını elan etməsindən sonra rial dollara nəzərən ucuzlaşıb. Mən dünən Bakıda bir neçə İran vətəndaşları ilə görüşdüm. Onlar da hazırda İran iqtisadiyyatında çox böyük problemlər olduğunu dedilər. Bu da əlbəttə, ABŞ-la bağlı olan məsələlərdir.

Eyni vəziyyət Türkiyə ilə bağlı hökm sürür. Bu gün Türkiyə iqtisadiyyatında çox böyük problemlər baş verir. Məhərrəm İncənin Ərdoğana iradlarından biri də iqtidarın iqtisadi cəhətdən ölkəni heçliyə sürükləməsi iradıdır. O bildirir ki, ölkədə istehsalat getdikcə artmaqdansa azalır.

– İyunun 24-də Türkiyədə həm də parlament seçkisi keçiriləcək. Sizcə, bu seçkinin qalibi hansı siyasi qüvvə olacaq?
– Bu barədə indidən proqnoz vermək istəməzdim. Türkiyədə az qala hər gün bir hadisə baş verir. Bu da seçkinin nəticlərini dəyişə bilər. Ancaq bu günün şərtlərinə görə AKP-nin üstünlük qazanacağını söyləyə bilərik. Bununla belə, CHP də ondan geri qalmayacaq. CHP-nin deputatları onlardan 2-3 faiz az səs yığar.




İmza:

Samir Mustafayev: Ürək xəstəlikləri səbəblərinin aradan qaldırılması insanın öz əlindədir

Abutalıbov cibindən Quran çıxarıb dedi ki... - MÜSAHİBƏ

"Cavanşir Yusiflinin yazdıqlarını başa düşmürəm" - MÜSAHİBƏ

Əli Əhmədov: “İstefaya getmək məmurun cəzalandırılması deyil” - MÜSAHİBƏ

Şəfəq Şahməmmədova: Azərbaycan Dillər Universitetinə maraq ildən-ilə artmaqdadır

VAQİF ƏSƏDOV: MƏNZİL BAŞINA SALAMAT ÇATMAQ İSTƏYİRSİNİZSƏ...

“Döyüşə gedəndə də heç kimi özündən qabağa buraxmırdı...”

Sevqi birlikdən yaranır, birliyə aparır - PSİXOLOQLA SÖHBƏT

Şəhid pilotun xanımı: “Oğlum dedi ki, axı haqsızlıqdır, atamı qoxulamaq istəyirəm...”

Aysel Əlizadə: "Xəyanəti fiziki akt, hadisə saymıram" - MÜSAHİBƏ

"Məhərrəm hüzn, kədər və matəm ayıdır"

İnsan dünya planetini özü ilə yüksəldə bilər

SON XƏBƏRLƏR
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (60%)
"Sevilya" (40%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK