ANA SƏHİFƏ / YAZARLAR

Əbülfət MƏDƏTOĞLU: QARA DAMĞA

Onun silinəcəyi qaçılmazdı

14373    |   2018-05-04 14:23
Şriftin ölçüsü:
A+ Böyütmək
A+ Balacalaşdır

Günü xoş ovqatla başlamaq və bu ovqatı da günün sonuna kimi özünlə, ətrafınla birgə daşıyıb bölüşmək bir az dərdi, bir az da ehtiyacları unutdurur adamlara.

Və sənə elə gəlir ki, həyatın hər günü belə olarsa ömrün uzanar, günlərin bir-birinə sevinc calayar. Təbii ki, bu, illüziyadı. Amma onu da deyim ki, bəzən illüziya da ümid verir adama. Şəxsən mən bilgisayara diqtə etdiyim bu yazının ovqatını işə başlar-başlamaz telefonuma gələn zəngin ovqatıyla köklənib sonra o ovqatı yazıma köçürdüm. Həmin telefon zəngi də tələbə yoldaşımdan - Ağstafadan gəlmişdi. Bir gün öncə elektron şəbəkədə 1981-ci ilin, yəni tələbəliyimizin ilk kursunun şəkilləri paylaşılmışdı. O şəkillər bizi Azıx mağarasına, Tağlar mağarasına, Quruçay vadisinə, Qaraköpəktəpəyə aparmışdı. Və beləcə biz Azərbaycanın ən qədim bir dövrünün səyahətçisinə çevrilmişdik. Təbii ki, yaşanmış xatirələr təkrarlananda ömür ağacı sanki silkələnir. Və o silkələnmə adamı bir anlıq da olsa özünə qaytarır - dünəninə, gəncliyinə. Mən də dəyərli dostum, tələbə yoldaşım Kamranın telefon zəngiylə 1981-ci ilə qayıtdım. Nə isə...

Bəli, bütün yazılarımda özümdən asılı olmadan ovqat məsələsini vurğulamağa, diqqətə təqdim etməyə bir növü adət etmişəm. Bilmirəm, bu, oxucularda hansı təsiri yaradır, amma əminəm ki, ovqat hər kəsə aid olan məsələdi. Mən də həmin ovqatın cizgilərini yarpaq-yarpaq sapa düzürəm. Hər yarpağın xalı da, hətta üzərində görünən istənilən işartısı da özü-özlüyündə nəyisə deyir. O deyilənlər də sözə, fikrə çevriləndə şəxsən mən içimdə hansısa bir mövzunu müzakirə etmiş oluram, hansısa bir söhbətin iştirakçısına çevrilirəm. Bütün bunlar da o yerdə öz effektivliyini, öz gərəkliyini büruzə verir ki, orada insan əyani iştirakçıya çevrilir və deməli, həmin anı yaşayan və yaşadan olur...

Bəli, bax, günün, saatın indiki məqamında mənim kökləndiyim ovqat müxtəlif təsirləri hiss etsə də, müxtəlif işarələrə, impulslara məruz qalsa da, amma yenə bir gerçək var. O da günün başlanğıcıdı. Və təbii ki, başlanan gün sökülən dan yeriylə öz addımlarını atır. Dan yerinin qızartısı hardasa bir laləli çəməni, bir taxıl zəmisini, bir az da insanın bəbəklərini yadına salır - qan sızmış bəbəklərini. Axırıncı hamıya xoş gəlməyə bilər. Amma gözü yolda olan, fikri uzaqlarda gəzib dolaşan, ürəyi doğulduğu torpaq həsrətiylə çırpınan adamlar nə dediyimi başa düşərlər. Çünki mən bu günlərdə cəbhə xəttinin beş addımlığında onu bir daha hiss etdim. Gördüm ki, qaçqın qəsəbəsində yaşayan qohum-əqraba, doğmalarım mənimlə söhbət etsələr də, tez-tez Ərgünəşə tərəf baxırdılar və onların hamısının gözünün dibində bir qızartı vardı. Və o qızartıdan ağlıma ilk gələn o oldu ki, bu qəsəbədə yaşayan sinif yoldaşlarımdan da artıq neçəsi dünyasını dəyişib. Onlarla mən Tuğ kənd orta məktəbinin 1-ci sinfinə 1966-cı ilin sentyar ayının 1-də getmişdim. İndi isə...

Hə, ömür vəfasızdı deyirlər. Əzrayıl da kəmfürsətdi söyləyirlər. Amma bütün bunların hamısı indiki anlamda mənim üçün sözdü, deyilmiş söz. Çünki ömrü verən də, Əzrayılı göndərən də məlumdu. Ona görə də nə ömrü qınamaq, nə də Əzrayılı ittiham etmək lazımdır. Sadəcə, verilmiş, ayrılmış ömür payını yaşamağa çalışmaq, onu necə deyərlər, evcik kimi qurmaq yox, ev kimi tikmək lazımdı. Hətta çiy kərpicdən olsa belə. Bax onda ləzzətli, mənalı olacaqdı ömür qarşılaşdığın pisliklərlə bir yerdə. Mən ona görə pislikləri xüsusi vurğulayıram ki, onlar yaxşıları, yaxşılıqları görmək üçün bir aynadı, bir güzgüdü. Yəqin ki, fikrimlə razılaşarsınız. Mən isə bütün bu dediklərimi sözə, şeirə çevirmək və özümə təsəlli vermək niyyətindəyəm. Axı:


Dərdi bədbəxt etmişəm

Könlümə köçürəndən...

Ayağına getmişəm -

Könlümdən keçirəndən...


Baxmışam ki, yol dardı

Uçurumdu və qardı...

Amma neçə dərd vardı -

Hamısı keçir məndən...


Ömrüm, özüm önündə

Hansısa bir dönümdə...

Sığınmağım könlündə -

Asılı köçür məndən!


Ondan sevinc almaram

Alıb dərdə salmaram...

Gileyli də qalmaram -

Ümidi keçirəndən...


Deməli, bütün hallarda məndən keçənlər, mənə köçənlər, məni özünə və özünü mənə köçürənlər bir alın yazısıdı, bir yaşamdı və bir gerçəklikdi...

***

Adətən may ayı gələndə bir qəribə hiss keçir içimdən. Bu qəribə hissin özünəməxsus tarixi var. Belə ki, Sovet dönəmində mənim də yaşıdlarım may ayını daha çox "mayovka", yəni 1 May və bir də 9 May parad-nümayişləri ilə yaddaşımıza yazmışdı. Bizim üçün hər iki gün demək olar ki, yaddaqalan, əlamətdar idi. Kənddə "mayovka"da bulaq başına gedərdik, tələbə vaxtı təbii ki, şəhərdəki nümayişlərin iştirakçısı olurduq. Və özümüz özümüz üçün fərqli ovqat yaradıb, fərqli bir gün yaşayırdıq...

Amma tale elə gətirdi ki, may ayı mənim və elə millətin də yaddaşına bir qara damğa da vurdu. Bu qara damğa Şuşanın işğalı ilə bağlı oldu. Ona görə də "mayovka" da, 9 may Qələbə günü də keçdi arxa plana. Sadəcə xatirə oldu. Və mən də həmin o xatirənin içərisində itdim... batdım... əridim... və bir də onda gördüm ki, daha çox Şuşasızlıq hakim kəsilib içimə. Elə həmin ovqatla da özümü yarımçıq, natamam durumda gördüm. Və bir də gördüm ki, qələmi kağıza qonaq etmişəm. Yazmışam ki:


Ürək yanır, sızlayır

Qəm yaramı duzlayır...

Həsrətindən buzlayır -

Yarı bülbül, yarı gül...


Xarı bülbül, xarı gül...

Silkələyir ah bizi

Tutub bir günah bizi...

Öldür, ay Allah bizi


Yarı bülbül, yarı gül...

Xarı bülbül, xarı gül...

Ömür qısa gün çatmır

Gedib ona ün çatmır...


Gündüz, nə gecə yatmır

Yarı bülbül, yarı gül...

Xarı bülbül, xarı gül...

Gücü bir yerə yığaq


Cıdır düzünə çıxaq...

Sənin üzünə çıxaq -

Yarı bülbül, yarı gül!

Xarı bülbül, xarı gül!


Bəli, indi Şuşanın başını duman alsa da, biz əlimizi qaşımızın üstünə qoyub arandan Şuşaya baxsaq da heç nə dəyişməyib. Şuşa yaddaşımızdakı kimi yerində qalmaqdadı. Bütün informasiyalara, bütün yazılanlara, deyilənlərə baxmayaraq, Şuşa elə Şuşadı! Bizim sadəcə olaraq o Şuşaya tərəf gedəcək günümüz hələ ki bəlli deyil. Bax, Şuşanın başının üstündəki duman əslində o günün güman olmasıdı. Düşünürəm ki, bu gümanın ömrü uzun çəkməz, gerçəyə çevrilər. Və biz də xatirələrdən reallığa çevrilən Şuşalı günlərin sırasını, sayını yaşamqda davam edərik. Ona qədər isə... Nə isə...

***

Hərdən düşünürəm ki, yaradılan ovqat da, yaşanan gün də, deyilən söz də, yazılan fikir də bizi, xüsusilə məni hara çəksə də, hara yönəltsə də yenə bir dairənin içərisində fırlanan adam kimi yerimi dəyişməkdə gücsüzəm. Çünki bu dairənin içərisi hardasa qapısız, pəncərəsiz dörd divarın içi kimidi. Sadəcə, göy üzü görünür və mən də Tanrı bəndəsi olaraq ətəyindən yapışdığım buludların yağışa çevriləcəyini, ulduzların çiçəyə, gülə dönəcəyini xəyal edirəm. Və xəyalla yaşaya-yaşaya da hərdən uzaqlaşıram hamıdan, hər şeydən. O qədər uzaqlaşıram ki, bəzən özüm-özümə də tanış gəlmirəm. Onda nəfəsim daralır... onda ümidim tükənir... onda inamım azalır, onda mən kimliyimlə üz-üzə vuruşa çıxıram. Necə deyərlər, Allah kimə verə-verə. Təəssüf ki, həmişə uduzan da mən oluram. Və uduzacağım öncədən bəlli olduğundan onu sadəcə olaraq faciə yox, ağrı kimi yaşayıram. Axı, ağrı davamlı olur. Elə sənə yazdığım şeirdəki kimi.


Darıxma, ömründəki

Bu sızıltı bitəcək.

Yaddaşda mənlə bağlı

Hər nə varsa itəcək!..


Şuxluğun qayıdacaq,

Dincliyin dönəcəkdi...

Səni izləyən kölgə -

İşıq tək sönəcəkdi!..


Təzələnəcək çevrən

Gələcək təzə adlar...

Sürpriz olacaqdı -

Adlı-adsız təzadlar...


Məni kimsə biləcək

Qurum tutmuş buxarı...

Ruhum səni görəcək -

Qalxıb səndən yuxarı!..


Bax, elə bu məqamın özündə sənin ağlından nə keçdi bilmirəm, mənim ürəyimdən də, ağlımdan da bu dünyanın əl boyda olmağı, bu dünyanın gecə-gündüzünün sərhədsizliyi və bir də yaşadığım hisslərin varlığıma hakim kəsilməsi. Bütünlüklə, necə deyərlər, çılpaqlığı ilə gəlib durdu önümdə. Baxdım, baxdım və anladım ki, bu dünya mənlik deyil... Bu gecə-gündüz sərhədinin itməsi mənlik deyil... Bu yaşadığım hisslərin tutumu, ölçüsü, onun verdikləri, yaşatdıqları da SƏNlik deyil! Ona görə də bu misraları yazmaya bilmirəm.


Kirpikləri tumurcuqlu

Bəbəyi leysanla dolan...

Mən - kədəri göz muncuqlu

Sinəsi də xal-xal olan -

yarpaq...


Sən Allahın önündə lal

Mən duracam dizi üstə...

Qaçılmazdı bil ki, bu hal

Tutmayacaq bizi üstə -

torpaq...


Dünya artıq gözümdə dar

Sular demə durulubdu!

Ölümün də mələyi var,

Mənim üçün qurulubdu -

tor, bax!


***

Bəli, bu yazı ovqatdan daha çox son günlərimin, gerçək əhvalımın adda-budda görüntüsüdü. Yəni elə anlarımın ifadəsidir ki, onu bütünlüklə yazmaq doğru deyil. Heç bunu kiməsə danışmaq da mümkün sayıla bilməz. Amma hissləri və bir də ayrı-ayrı məqamları rəngbərəng sap kimi bir-birinə calayanda göz oxşayır, hətta şit olsa belə. Bir də ki, mən indi oxucularımın çöhrəsində bir bahar əhval-ruhiyyəsi görmək, bir "mayovka" təəssüratının izlərini müşahidə etmək istəyirəm. Ona görə də sinəsi qara möhürlü may ayının birinci ongünündə bu cür ovqatla, bu cür yazıyla yaşamağı bacarsam... Hə, qalanını özünüz fikirləşin. Və bir də gəlin unutmayaq ki, ömrü verən Allahdı! Sadəcə, ömürlər və o qırılan ömürlərlə birlikdə xatirəyə çevrilən insanlar həm tarix, həm ruh olaraq yaddaşlarda yaşamağa haqq etsələr, zənnimcə, çox xoş olar. Axı, yaşayanlar yaşadanda dünyanın özü kimi hisslərin, duyğuların səltənəti də rəngarəng və mənalı olur. Hər halda, mən sizlərə rəngarəng dünyanın mənalı ömrünü arzu edirəm.




İmza:

YAZARIN ARXİVİ

2018-09-21 : ÜMİD KƏNDİRİ
2018-09-14 : ÖMÜR YARPAQLARI
2018-09-08 : ŞUNURLULAR
2018-09-06 : Təzyiq yazısı
2018-09-05 : AYLI BİR GECƏ
2018-07-31 : HAVALI YAZI
2018-02-01 : "O SÖZƏCƏN..."
2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : HAVA
2016-08-12 : MƏKTUB…
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : Tofiq Abdinlə
2015-11-13 : ÜZ SUYU
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : ƏBƏDİ ÜNVAN
2007-10-06 : PERSONAJ
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
SON XƏBƏRLƏR
2018-09-21


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
- Ədə, dünən məni evə kim gətirib?
- Mən apardım qaqa, amma eşşək qədər içmişdin haa.
- Ay lom, biz 5-ci mərtəbədə qalırıq, mən səhər 4-cü mərtəbədəki xalaşkanın evində oyanmışam.
- Dəlisən sən? Qapını atan açdı axı.




digər lətifələr
ARXİV
FACEBOOK