Film izle hacklink kiralık bahis sitesi satılık bahis sitesi Adalet.az | Qəbiristanlıq şairləri Adalet.az | Qəbiristanlıq şairləri Adalet.az | Ədalət -
ANA SƏHİFƏ / YAZARLAR

Qəbiristanlıq şairləri

Emin Akif

9511    |   2018-02-01 17:14
Şriftin ölçüsü:
A+ Böyütmək
A+ Balacalaşdır

Cem Yılmaz deyir ki, mən əvvəllər də bu cür zarafatlar edirdim, hazırcavab idim. Amma mən nə vaxt ki səhnəyə çıxdım, işimdən pul qazandım, o vaxt ailəm məni ciddi qəbul elədi. İndi bizdə vəziyyət eynisidir. Bizdə üstəgəl, yaş məsələsi də var. Əgər yaşın azdırsa, tutaq ki iyirmi yaşın varsa, otuz yaşlı şairdən on il daldasan. Yəni sən hələ cavansan, guyammış heç zad görəmməzsən. Şairlik elə otuz yaşa kimi həll olunan məsələdir də, ay adam. Məhz gənc yazar ifadəsi də burdan yaranıb. Ki, lazım gələndə şairin, yazıçının yaşını təcrübəsinə büküb soxsunlar gözünə.

Bir tanış var, dörd il qabaq zəng vurmuşdu ki, şair, yeni biznes tapmışam. Keçək ölülərin vəziyyətinə baxmağa. Yeraltı səltənət bizə baxsın. Məzar daşlarına yazılan şeir biznesinə girişək. Şeirin birini 100 manatdan danışaram, 70-i sənin, 30-u mənim. Soruşdum ki, qardaş, yaxşı, bəs, müəllif hüquqlarımı kim qoruyacaq? Qayıtdı ki, aləmsən e, gündə üç qəbir tutsam, 210 manat xeyrin var, maya tələb eləmir, vergi tələb eləmir. Aya ölüsü beş min qazanassan. Gündə biri özünü asır, biri infarkt olur. Allah gül kimi biznes quruban verib bizə. Çörək səpələnib e ətrafa, sadəcə, yığmaq lazımdı. Razılaşdım.

Birinci qəbirin yiyəsinin boyu balaca idi. Sən demə, kiminsə arvadına sataşıb, bıçaqlayıb öldürüblər. Molla pıçıldayıb demişdi biznes ortağıma. Buna şeir yazdım ki:

Qeyrətin, şərəfin boyunca idi,

İnsanlıq hissin də doyunca idi,

Gəldin, bu dünyada iz qoydun, getdin,

Öldün, arxanca da göz qoydun, getdin.

Ölənin doğmaları zəng vurdular ki, ala, yekə kişisən, bu nədi, ələ salmısan bizi? Sən söz soxursan, yoxsa? De, görüm, nə demək istəyirsən? Gördüm, biraz da getsə o ölənin qəbrini açıb yanına məni də soxacaqlar, mən də başladım, nə başladım. Dedim, alə özünsən, nədi? Bəs, nətər olur, alə, min cür oğraşlıq edən dostunuzun toyunda meyxanaçı çağırıb onu təriflətdirə bilirsiz, indi mən yazanda sənə toxundu? Get, halvanı ye, şükür elə.

Sonra gələn zəngləri açmadım. Biznes ortağımı da qəşşəngcə pazlayıb sağollaşdım. İki ay keçəndən sonra rast gəldik, soruşdum ki, noldu o işin axırı? Deyir, şair, məni elə döydülər ki, gedib ölən kişini də görüb qayıtdım bu dünyaya.

Bəli… Məzar üstü şeirlər yazan o qədər şair var ki, hamısını bir yerə yığsan bir yekə qəbiristanlıq çıxar.

İnsanlar özlərini təsdiq etmək üçün bir yer axtarırlar. Müğənni olsa, gərək yaxşı pulu ya da daydayı ola ki, tutuzdura, gündəmdə ola. Aktyor olsa, məcburdur ki, keyfiyyətsiz seriallara çəkilib hər gün camaatın gözünü mazol edə. Sıranı davam da edə bilərəm. Xülasə, ən sərfəli yer ədəbiyyatdır. Qurşaqdan aşağı şeirlər yazıb həm bəzi qadınların diqqətini cəlb edə bilərsən, həm də ən azından beş-on nəfər səni şair deyib çağırar. Qurşaqdan aşağı şeirlərin ucalar da. Ucalar mikrofunun başına kimi hansısa toyda. Sağlığına içib sənin mənasızlığına əl də çalarlar.

Belə şairləri başı kəsilmiş toyuğa bənzədirəm. Heç başı kəsilmiş toyuğun əlindən çıxıb qaçdığını görmüsən? Mən görmüşəm. Biraz qaçıb sonra da canını tapşırıb. Bax, bu istedadsız şairlər də elədir. Bir müddətdən sonra canlarını tapşıracaqlar. Şeir ürək məsələsidir. Məsələn, ürəyə gedən damarlarda kirəcləşmə aşkarlananda damara süni kapron damar yeridirlər. Vaxt keçir, bir neçə ilə o kapron damarlar qanın yolunu açır, özü də damara çevrilir və adam infartk olmaqdan canını qurtarır. İndi bu şairlər də infartk olmuş adamlardır.

Xülasə, şeri dünyada vəkili olmayan yeganə günahkardır. Mətn özü özünü müdafiə edəcək, şairə ehtiyac yoxdur.




İmza:

YAZARIN ARXİVİ

SON XƏBƏRLƏR
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (60%)
"Sevilya" (40%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK