Ücretsiz php script indir film izle hd film izle ikinci el eşya alanlar shell indir hack forumu hacklink satışı Ücretsiz php script indir film izle hd film izle ikinci el eşya alanlar shell indir hack forumu hacklink satışı Adalet.az | ... Aparıcıda kamal da yoxdur Adalet.az | ... Aparıcıda kamal da yoxdur Adalet.az | Ədalət -
ANA SƏHİFƏ / YAZARLAR

... Aparıcıda kamal da yoxdur

19077    |   2017-11-25 00:37
Şriftin ölçüsü:
A+ Böyütmək
A+ Balacalaşdır

Hətta Zimbabvenin doxsan neçə yaşlı prezidenti Robert Muqabe də cavan arvadı qədər istədiyi vəzifəsindən getdi. Amma bizim bəzi televiziya tamaşaçıları inadlarından əl çəkmək istəmirlər. Düşüblər allı-güllü, ağıllı-kamallı aparıcının üstünə. Mətbuatda, sosial şəbəkə deyilən xarabada aparıcı yazığı saqdan da vururlar, soldan da. Elə bir hay-küy qaldırıblar ki, sanki BMT dağılıb.
Özüm baxmasam da vallah-billah bilirəm ki, yazılan qədər də deyil. Nə BMT dağılıb, nə də ATƏT-in damı uçub. Təqribən 3/3 adlı verilişin aparıcısı özünə bab 5-6 nəfəri də götürüb gedib elçiliyə. Guya bizim efir məkanında birinci dəfədir ki? Onsuz da telekanallarımızda hər gün səhərdən axşamacan çal oynasın, vur çatlasındır. Sadəcə, bu dəfə aparıcının qapısını döydüyü qızın cəmi 15 yaşı var imiş. Aparıcı da insandır, səhv edə bilməz bəyəm? O yekəlikdə portuqal hakim Manuel De Souza "Qarabağ"- "Çelsi" matçında səhv edə bilər, təqribən 3/3 verilişinin aparıcı çaşa bilməz?
Mən də ürəyimin dərinliyində inanıram ki, bu, sadəcə balaca bir xəta imiş, aparıcı bir də belə səhv eləyib 15 yaşlı qız üçün TV-də elçilik qurmaz. Bundan 14 yaşlı qızın qapısını döyər. Milli Teleradio Şurasından verilən açıqlama əminliyimi bir qədər də artırdı, qurumdan aydınca şəkildə dedilər ki, aparıcının nə Frans Ferdinandın ölümündə, nə də Birinci Dünya savaşının başlanmasında bir günahı olub.
Mən də elə o fikirdəyəm, amma camaatın, yəni tamaşaçıların necə deyərlər, tərs damarı tutub. O boyda rəsmi təşkilatın sözlərindən sonra da nə 3/3 verilişindən, nə də onu hara gəldi aparan aparıcıdan əl çəkmək bilmirlər. Məsələni bilən də aparıcıya döşəyir, uzaqdan-uzağa eşidən də. Hər işə bayatı, şeir, sonet, poema, dastan qoşmağa adət edən camaatımız "mahir elçi"yə poeziya nümunəsi həsr ediblər:

Çox da öyünmə ki, TV-lərdə kamal var,
Gördük, aparıcıda kamal da yoxdur.

Sözün açığı, heç bilmirəm bunu camaat yazıb, ya yox, bəlkə də elə özüm uydurmuşam? Bildiyim və son günlər müşahidə elədiyim odur ki, tamaşaçılar həmin aparıcının üstünə çox gedir. Vallah-billah uşağın pis bir niyyəti olmayıb, istəyib ki, yeni toy mövsümünə balaca bir töhfə versin, şadlıq evlərinin qapıları, camaatın da üz-gözündəki qırışıq açılsın. Əvvəlcə elçilik, sonra nişan, xınayaxdı, paltarkəsdi, nə bilim, şalvarbasdı, sonra canım sizə desin, xonçatutdu, düyüsüzdü, salatdaddı olsun. Sonra da Araz üstə, buz üstə, kabab yansın köz üstə, qız toyu, oğlan toyu çalınsın. Yeyən yesin, oynamaq istəyən oynasın, sonra da dağılışıb getsinlər, işıqlar sönsün... Bütün bu vacib prosesi də telekanalda biz tamaşaçılara göstərsin, yolüstü bir qədər də reytinq yığsın. Amma...
Tamaşaçılar imkan vermədi, düz-əməlli elçilik olmamış bütün işləri korladılar, o boyda hazırlıq yarımçıq qaldı, sponsorların şabaş kimi tökdüyü pullar yelə verildi. Üstəlik, yazıq aparıcını ağ yuyub, qara sərdilər. Deyəsən təsadüfən aldığı fəxri adına da heç hörmət eləmədilər. Aparıcıya qoşulub 15 yaşlı qızın qapısına elçiliyə gedənləri də qatdılar onun gözünə.
Yenə o fikrimdə qalıram ki, tamaşaçılar tənqidin "barıtını" bir az çox edirlər. Hakimiyyətdə olduğu 40 il ərzində düz-əməlli bir gün görməyən Muqabe müəllim kreslodan əl çəkdisə, bizim tamaşaçılar da bir verilişi tənqid etməkdən vaz keçə bilərdilər. Bəzən "keçənə güzəşt deyib" yola vermək olar.
Lap bərkə qalsa, tamaşaçıları günahkar çıxartmaq təzə şou verilişi açmaq kimi asandır. Yazıq aparıcıdan kamal tələb edib üstünə yeriyən tamaşaçılara demək lazımdır ki, niyə belə səs-küy salırsınız? 3/3 verilişi xoşunuza gəlmir, elçiliyə baxmaq istəmirsiz, düyməni basıb televizoru söndürün. Səbirli olun, bir azdan elə həmi kanalda boşanmaqla bağlı şou olacaq, yəqin ki, xoşunuza gələcək. Yox əgər onu da bəyənməsəniz, daha sizə heç nə deyən deyiləm. O siz, o da Xəzər dənizi. Nə qədər istəyir ürəyinizi boşaldın... 


YAZARIN ARXİVİ

2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
Ücretsiz php script indir film izle hd film izle ikinci el eşya alanlar shell indir hack forumu hacklink satışı
SON XƏBƏRLƏR
2018-12-11


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Gəlin günahkardır, yoxsa qaynana?

Gəlin (64.29%)
Qaynana (35.71%)

ÇOX OXUNAN
GÜNÜN LƏTİFƏSİ
Tibb bacısı əlində iynə palataya daxil olur:
- Əliş dayı, oyan... xahiş edirəm oyan...
Xəstə güclə şirin yuxudan ayılıb gözünü ovxalayır:
- Nolub a bala, nə deyirdin?!
- Heç, yuxu iynəsi gətirmişəm, onu vurum, gedirəm.




digər lətifələr
ARXİV
FACEBOOK