Film izle hacklink kiralık bahis sitesi satılık bahis sitesi Adalet.az | "Yuxular keçmiş həyatlarımızdan fraqmentlərdi" - YUXU QAPISI Adalet.az | "Yuxular keçmiş həyatlarımızdan fraqmentlərdi" - YUXU QAPISI Adalet.az | Ədalət -
ANA SƏHİFƏ / RUBRİKA

"Yuxular keçmiş həyatlarımızdan fraqmentlərdi" - YUXU QAPISI

104854    |   2017-01-12 12:21
Şriftin ölçüsü:
A+ Böyütmək
A+ Balacalaşdır

Yuxu həyatın tərs üzüdür. Bizim hər gün rastlaşdığımız insanların, hadisələrin o üzü. Burada zaman yoxdur. Şüurumuzun qaranlıq guşələrinə düşən bir qırıq işıqdır yuxu. O işığın içində tez-tez xatırladığımız, unuda bilmədiyimiz, hər gün düşüncəmizin küçələrində əli cibində veyil-veyil dolaşan adamlar yaşayır. Yuxudakı xatirələr, düşüncələr, əzablar, sevgilər, xəyallar, ümidlər bizim o biri dünyamızın sakinləridir. Yuxu bizi sarsıda da bilər, sevindirə də. Bəzən beynimizin içində eynən çöl boyu yüyürən atlar sayaq insanların xatirələrinin axını olur. Bu kütləvi axını bizə yuxular göstərir, qırıq-qırıq, zəif ssenaridə, montajı olmayan film kimi. Məşhur psixoanaliz Ziqmund Froyd yuxular haqqında "Yuxuların yozumu" kitabını yazmışdır. Froyda görə, yuxular bizim şüurumuzda mövcud olan həyatımızdır.

"Yuxu qapsı” rubrikasının bu dəfəki qonağı rəssam Gülər Fahaddır. Adalet.az müsahibəni təqdim edir:


- Froyda görə, yuxu mənasız bir şey deyil, sıxışdırılmış arzuların təhrif olunmuş, pərdələnmiş şəkildə gerçəkləşməsidir.Sizin fikriniz necədir?

- Fikrimcə, yuxular insanın həyat tərzi, psixoloji vəziyyətilə bağlıdı. Yuxular həm arzularımızı, həm də narahatlıqlarımızı əks etdirə bilir. Mənasız bir şey deyil deyə mən də düşünürəm. Yuxular həm də deyəsən təsəlli üçün var.


- Yuxularınız həyatınıza necə təsir göstərir, yəni gördüyünüz yuxuya görə planlarınızı qurursunuz?

- Planlarımı qurmuram, yuxulara görə plan qurmaq mənə gülməli gəlir. Amma elə yuxum olub ki, həyatımda köklü dəyişiklik edib. Elə bil, bir növ yuxuda cəsarət tapırsan ya da qətiyyətli olursan. O da bir dəfə olub. Xoşbəxtlikdən peşman olmamışam.


- Yuxudan sonra onun yozumları haqda baş sındırırsız?

- Maraqlı bir əhvalat kimi, film kimi danışa bilərəm. Yuxular mənim üçün fantastik əsərlərdi. Yozumu maraqlı deyil deyə bilmərəm, maraqlıdı. Yozuram, ya kimsə yozur. Yozumlar olmasa yuxuların nə dərəcədə həqiqətə uyğun olub-olmadığını da bilmərik. Bir də görürsən hansısa yuxu gerçək, gələcək həyatın eskizi çıxır.


- Yuxuların mistik hadisə olduğuna inanırsınızmı?

- Pərdənin arxasını görmədiyimçün mənə mistik gələ bilər. Əslindəsə hər şeyin məntiqi açıqlaması var. Nəyi, niyə, necə gördüyümüzün də.Ya bəlkə yuxular bir növ rabitədi, bir mesajdı, keçmiş həyatlarımızdan olan fraqmentlərdi. Bəlkə sadəcə beynimizin bizə oyunu. Bilmirəm.


- Gördüyünüz yuxular çin olurmu, ya da əksinə?

- Çin də olur, əksinə də.


- Həyatınızda gördüyünüz ən yadda qalan yuxu və ən gözəl yuxu hansılardır?

- Yadda qalan ya heç yaddan çıxmayan yuxu deyim. Mənim indi xatırladığım 2 yuxu var ki, təkrarlanan yuxulardı. Detallarda fərqlilik ola bilər, amma məzmun eynidi. İldə bir dəfə ya iki ildən bir eyni yuxunu görürəm. Hər dəfə taxtadan ev görürəm . Ya bir mərtəbəli ya iki. Yuxuda övladım olur, əlimdən alırlar. O evin qabağında ağlayıram. Yadımdadı, hələ məktəbdə oxuyandan bu yuxunu görməyə başlamışdım. Hər dəfə də təsirindən bir müddət sonra çıxıram. O biri yuxuda da ancaq qaçıram, kimsə məni təqib edir. Hər dəfə də başqa bir adam xilas edir. Ya qatarın altına yıxılmaqdan, ya da maşın yolundan. Ən gözəl yuxumu indi xatırlamasam da, gözəl yuxularım da çox olur. Elə özümə də maraqlıdı, uzanıb baxıram.


- Bəzi adamlar yuxuda ağ-qara filmə baxırlar. Bunun səbəbi hələ bilinmir. Amma alimlər onu bildirir ki, insanların 12 faizi ağ-qara yuxu görür. Siz necə düşünürsünüz?

 - Mən rəngli yuxu görənlərdənəm. Qoxunu, dadı belə xatırlaya bilirəm.


- Hansı doğmanızı daha çox yuxuda görürsünüz?

 - Anamı. Adətən , mən onu yuxumda görəndə, o da məni görür.


- Yunan filosofu Heraklın yuxu haqda məşhur bir sözü var: " Oyanıq olan insanlar üçün tək bir dünya vardır. Yuxuda olanların isə hər birinin ayrı bir aləmi vardır, onun içində hey fırlanırlar”. Siz necə fikirləşirsiniz?

- İnsanlar şablon həyat fəaliyyəti sürdükləri üçün bir növ yuxuya getmiş sayılırlar. Çünki bütün həyat fəaliyyətləri şərti reflektorlara çevrilir. Şüura ehtiyac qalmır. Reflekslər şüura nisbətən nadir hallarda yanılırlar.


- Sizə görə yuxularımız həqiqətə çatdırır bizi?

- Hansı həqiqətə? Nəyin həqiqətinə? Yuxular bizi azdıra da bilər.




İmza:Oğuz Ayvaz
SON XƏBƏRLƏR
2019-09-23
2019-09-21


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK