Film izle hacklink kiralık bahis sitesi satılık bahis sitesi Adalet.az | QUM ÜSTÜYNƏN UZUN YOL Adalet.az | QUM ÜSTÜYNƏN UZUN YOL Adalet.az | Ədalət -
ANA SƏHİFƏ / YAZARLAR

QUM ÜSTÜYNƏN UZUN YOL

...Bir ömür yoludu bu

34006    |   2013-02-16 10:33
Şriftin ölçüsü:
A+ Böyütmək
A+ Balacalaşdır

Uzaqdan - o qədər uzaqdan ki, sanki oralara hələ insan nəfəsi dəyməyib - həzin musiqi səsi gəlir. O qədər həzin ki, nəfəsini qısıb gözlərini yummasan, fikrini hər şeydən ayırıb təkcə ona köklənməsən, bu səslərin nələr pıçıldadığını anlaya bilməyəcəksən. Musiqidən də çox küləyin süpürləyib təpəciklərə çevirdiyi qum dənələrinin xışıltısına bənzəyir. Gözlərini yumdunmu, xəyalında ucsuz-bucaqsız səhra, bu səhranın qoynunda qatarlanıb gedən dəvə karvanı canlanacaq. Uzunboyun dəvələrin incə, uzun ayaqları altında narın qumların necə sürüşüb xışıldadığını eşidəcəksən. Hələ dəvə zınqrovlarının səsləri də gələcək qulaqlarına. Karvanın önündə ovsar çəkən karvanbaşının əyilmiş qayğılı, fikirli başını da görəcəksən. Tərtəmiz göy üzündə kölgə salacaq bir parça bulud yoxdu. Günəş od ələyir, qum bürkülü havaya qarışıb sifətləri qarsıdır, boğazları yandırır. Qarşıdan göz aldadıb başgicəlləndirən, xəyalı çaşdıran ilğım getdikcə yaxınlaşır kimi görünür...
Bir ağac kölgəsi, bir kiçik su tutarı cənnətin özünü əvəz edərdi indi...
Ancaq yoxdu. Cənnətin özü kimi şirin bir xəyal, nağıldı bunlar...

***
Hara gedir bu karvan, bu fikirli, qayğılı adamlar?! Arxada bir el, bir oba dolusu dünya qalıb. Doğmalar-yaxınlar bir cüt gözə dönüb dikilib yollarına. Nədən qaçırlar, nəyə can atırlar?! İndiyə qədər keçdikləri yollardan fərqi nədi bu əzablı, üzücü yolun?! Qumun üstündə heç ləpirləri də qalmır. Bir karvan yükü Günah aparırlar bəlkə?! Doğrudanmı, səni bütün suçlardan arındıran bir məkan var dünyanın o başında? Tövbə evinin daim açıq qapısından girib, hər şeyi etiraf edəcəksən. Boynuna alacaqsan ki, indiyədək elədiklərin səndən asılı deyilmiş. Şeytan yoldan çıxarıb səni. Lənət oxuyub bütün babalını qoyacaqsan boynuna. Qəlbin yüngülləşəcək, ruhun dincələcək. Hər şey bitdi, deyəcəksən. Səninki də elə bura qədərdi. İncitdiklərinin, səhvlərindən, günahlarından əzab çəkənlərin, taleyi dəyişənlərin halı necə olacaq, bu daha səni maraqlandırmaz.
Əcəb işdi, nə istəyirsən elə, günlərin birində uzun bir yolçuluğa çıxıb dəyişəcəyinə, paklanacağına həm özünü, həm də başqalarını inandırmağa çalış. Özündənmi qaçacaqsan?! Dünyanın ən uzun yolunu getsən belə, elədiklərin arxanca gələcək, səni qarabaqara izləyəcək...
Hələ heç kəs çiynindən günah yükünü ata bilməyib...
Sən də onlardan birisən...

***
Karvan gedir... İsti qumların üstündə dəvələrin bədənlərinə uyuşmayan incə ayaqlarının izi qalır. Bəs, bu ucu-bucağı, sağı-solu bilinməyən səhranı ölçənlərin yolçuluqları nə vaxtadək uzanacaq?! Həm də elə beləcə səssiz-səmirsiz, darıxdırıcı bir sükutla davam edəcək?! Elə bil hava da donub qalıb, dünya durduqca dəyişməyəcək bu mənzərə. Aldanırsan. Çünki sənə tanış olmayan bir məkandı bura. Qəfildən hər şeyin dəyişəcəyini gözləmirsən. Ancaq olacaq bu.  Səmum yelləri, tufanları var səhraların. Dünyanın hər yerində olduğu kimi batan günəşi, qaralan üfüqləri var. Neçə-neçə karvanları, o karvanlarla bir yerdə ömürləri udmağı var. Elə bir dünyadı ki, üstündə yeriməsi də zülümdü, dayanıb durması da. Bax, indicə hər şey dəyişəcək. Bunu musiqidən anlamalıydın. O sakit, ritmik səslərin içindən həyəcan notlarını seçmədinmi?!.
Birdən külək qopur, qum dənələrini göyə qaldırıb, dəniz dalğaları kimi karvanın üstünə gətirir. Qumu o qədər göy üzünə qaldırır ki, Günəşin qabağını belə tutur. Hər tərəf gecə qaranlığı kimi zülmətə bürünür. Eşidirsənmi, bu  anda musiqi şahə qalxıb qayalara çırpılan dalğaların uğultusuna necə bənzəyir?!. Bu uğultu heç kəsməyəcək sanki. Hər şeyi ağuşuna alıb ümidsizliyə, yoxluğa qovuşduracaq...
Küləyin hardan əsdiyinə bax, dəniz dalğalarından da hündür qum boğanağı haqlayır karvanı. Çarə yalnız bir qum təpəciyi tapıb daldalanmaqdı. Dəvələr yatızdırılır, yükləri alınır, adamlar özləri də dəvələrin böyrünə, yüklərin arasına qısılıb qum dalğalarının bitməsini gözləyirlər...

***
Bəlkə heç səmum yelləri deyil bu əsən, qumları dalğalandıran?!. Bir dəstə harami soxulub karvana, yoxsa?! Soyub karvanı, qılıncdan keçirib adamlarını. Qara bürüncəkli atlılar bu dinc yolçuların yollarını döndərib o dünyaya sarı...
Birdən qalxdığı kimi, birdən də yatır külək... Göy üzü təmizlənir, Günəş yenə nurunu ətrafa yayır. Ürəklər sakitləşir, ümidlər geri dönür...
Karvan yola düzəlir... Yenə dəvələr aram-aram addımlayır, boğazlarını uzadıb bellərindəki yükləri yırğalaya-yırğalaya gedirlər... Bu dəfə zınqrovların səsi karvanın uzaqlaşdığını, üfüqdə gözdən itdiyini pıçıldayır...
Musiqi bitir... Sənsə hələ ayrılmamısan nə o səslərdən, nə də xəyalında yaratdığın mənzərədən. Ömründə ayağın dəyməyən yerlər, görmədiyin mənzərələr nədən doğmalaşdı bu qədər  sənə?! Bəlkə eşitdiyin nağıllar, bayatılar, oxuduğun dastanlar dadına yetdi?!
Bu təkcə qulaqları oxşayan musiqi deyildi. İnsan ömrü və dünyamızın əbədiliyi haqqında bir hekayətdi. Şirin olduğu qədər acı, acı olduğu qədər şirin bir hekayət. Elə bir hekayət ki, onu öz ürəyindən başqa kimsəyə danışa bilmirsən. Karvan yolları qədər uzanan həsrətimiz, ilğıma dönən könül istəklərimiz kimdən ötrü maraqlıdı ki?!.
İnsan qəlbi bu səhralara necə də bənzəyir. Boş olanda, sevgisiz qalanda, xəyallarını əsir edəcək birisinə rastlamayanda səmum yelləri əsir içində. Qum təpələrindən də ağır həsrət çökür çiyinlərinə. Karvan yolları kimi uzanan nisgilimiz, ilğıma dönən könül istəklərimiz. Dərdlərimizin dəvə dözümü. Nəyimiz qaldı fərqlənəcək bomboş səhralardan?!.
Qum üstüynən uzun yol... Bir ömürlük əzab düsturu. Həyatımızın ovsarı tale deyilən karvanbaşının əlində. Harayacan çəkir, nə qədər çəkir... bizdən soruşan, biznən məsləhətləşən yoxdu...
Bizim də soruşmağa kimsəmiz yoxdu...
Vəsilə USUBOVA
vasila-usubova@mail.ru


İmza:

YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-09-21
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK